Mumpar 3:10 - mzwDBL

¹⁰ O sɛh dɛ ŋɔ, “N no he ɡbɔɡa daa la baah ta bela, asɛ n ɔmɛ dɛ ka sɔh dɛkalkɛ n cheɡɛ mumɡbal.”

Mumpar 3:10 Iomraidhean Croise

Mumpar 2:25

Dɛ baa la ne o haah la bwa dɛ valɛ mumɡbal, kɛ dɛ sihiih aa ban kpo.

Mumpar 3:11

Anee Korowii pɛɛro ŋɔ, “Umee ŋɔ he be ŋɔ he cheɡɛ mumɡbal ɔ? He di daa la maa kaeh ŋɔ he bɛ o nɔn di la kɛɛ?”

Mumpar 3:7

Baa dia tonɛ la, buɡ la ta, ba bwa sie pilo, ba na kɛŋɔ ba cheɡɛ mumɡbal. Anomanta, ba nyin ɔɡ papooni dɛ nyara dɛ kpɔ li.

Job Tɔn 23:15

A waa ɔmee chole n nɛɛ o sie nɔ, n lii a ɡɛ waa nɔ naa, n dɛ ɔmɔ.

Job Tɔn 31:33

dɛ n tɔ n wechɔɡa ta ɡɛ bane aa dɛ ɛ, a do n bambile bini,

Yela 119:120

He ɔma ɡelɔ n bwara ɛɛ chel, n dɛ ɔmɛ he Mmarare la.

Kaala 20:18

Nɛra la aa na bwaala nyɛɡla dɛ no o kɔɡra, ne bɛla la sii dɛ na chuu tɔ bwe la ta la, ɔmee laɡ ba dɛ kpɔ bochechela ta ba nɛ ba ka che bojaŋ.

Kaala 20:19

Anee ba ŋɔ Mosis be ŋɔ, “He ɡbabir bol waa ya be, yaa noo. Bɛ ɡel Korowii bol ásɛ ya ba serewe.”

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Kaala 32:25

Mosis nao kɛŋɔ Arɔn ɡelɔ nɛra la kpaŋe baa wola won toɡ ba ásɛ ba dɔma mam ba.

Aesaya 33:14

Wechɔɡ-ɛɛra baa lɔ Jerusalam dɛ ɔmɛ, nɛra baa wola Korowii tomɛ la bwara dɛ sa. Ba ŋɔ, “Ya bini umee dɛ won so nii aa dɛ hɔ aa wola dime, dɛɛ chɔɡ kwaa nɔ jwɛh ɔ?”

Aesaya 47:3

Nɛra ɛɛ nae kɛŋɔ he cheɡɛ mumɡbal, baa na sihiih haa dia. Mɛɛ bɔe he wechɔɡa kemee, maa nomɛlbwa nɛɛ sune.”

Aesaya 57:11

Korowii ŋɔ, “Bɔkwa tenee voɡa hɛɛ ɔma kohona dɛ le n habɔɔ, dɛ soh n waa kwaraa ɡɛ nɔɔ? Maa mwaa he bwa ne saŋ la bwa, waa ɡela haa wola men ɔmɛ nɔ kɛɛ?

Mmarare 5:25

Aah bɔkwaa ɡela ya berɛ jo seo ta jaɔ? Dɛ ya berɔ ba no Korowii taa ja aa, nidamanta aa do ɔma la dɛ ba yaa fuih ya serewe.

1 Jɔn 3:20

Dɛ ya liire pa yaa bolchɔɡe aa, Korowii ɡwaa ya liire dɛ jemɛ komɛlbwa.

Wepila 16:15

Hɛ́ɛ no. Mɛɛ piɡri heyaa kɛŋɔ ŋwɛɛ ken. Naate waa wola dom chɔ dɛ do o laala dɛ so dɛɛ kpa la na som. N balaa, waa mumɡbalee valɛ nɛra nao ásɛ sihiih kpoo.