Mumpar 28:3 - mzwDBL

³ Kórowii Waa ɛ Kpeɡri Bwa Dɔɔ la che he mun ta, dɛ́ swee andɛɛɡa tɛɛ he hahmor ta, ásɛ he lolɛ bii kohona á che a ta he ɛ harɛre nɛra ɡalɡa naa.

Mumpar 28:3 Iomraidhean Croise

Mumpar 1:28

Korowii swee andɛɛɡa tɛɛ ba dɛ ŋɔ, <>

Mumpar 13:16

Mɛɛ ɡeloo he naanar warɛ kɛŋɔ hɛŋle ken, nomɛlbwa aa wola won jemɛ ba nyoa bwa.

Mumpar 17:20

N no Ismael haa soŋ mɛ o waa la wa. Mɛɛ tɛo hɛɛraa dɛ́ ɡel o bii ne o naanar warɛ kohona. Mɛɛ ɛo deene fi dɛ anɛ nomonome mɛɛ, ásɛ dɛ ɡel o naanar do kan ba harɛ ta.

Mumpar 24:60

Asɛ ba swee andɛɛɡa tɛ Rebɛka ŋɔ, “Ya nimambie, Korowii ɡel he ya kohona, he mun ya kohona aa wola nyoa dɔ, ásɛ he naanar yo lɛ ba dɔma bwɛɛre dɛɛ di a kpeɡri.”

Mumpar 26:24

Awola jwaana la ne la, Korowii ba o be kɛŋɔ deera ta ken dɛ ŋɔ, “Menee Korowii he mɛɛ Abraham aa tomɔ la. Bɛ dɛɛ ɔmɛ, mɛɛ che he habɔɔ. Mɛɛ koh n bonɔndɛɛɡe Abraham waa dɛ́ tɛɛ hɛɛra dɛ́ ɡel he naanar warɛ.”

Mumpar 26:4

Mɛɛ ɡeloo he naanar warɛ kɛŋɔ weweela, dɛ́ kpɔ harɛre nɔ bwa tɛɛ ba. He naanar nɛɛ aa ba cheɡa harɛ nɔ ta nɛra bwa dɔ hɛɛra.

Mumpar 27:33

Anee o mɛɛ kpɔ bochechela dɛ bɔɔro ŋɔ, “Aah dɛ umee kpɔ kpɔɡ bini ol dɛ daa ba tɛ mɛ laɔ? Gɛ kondikwaa laanee n di tonɛ, dɛ soŋe Korowii andɛɛɡa tɛ naate, dɛ he ɡe deno baa jo la. Kasinteŋ, o wobɛlbwa ɛɛ do werii tɛo!”

Mumpar 35:11

Dɛ berɛ ŋɔ, “Menee Korowii Maa Ɛ Kpeɡri Bwa Dɔɔ la. Hɛɛ yao dɛ́ warɛ kohona. He luɡe taa harɛre nɛra ɛɛ ba lee, ásɛ koranar le ba bini.

Mumpar 41:52

O pa binɛɛte la ɡe sɔn Efrem. O munii Korowii tɛ mɛ bii harɛ maa na wahala o ta la ta.

Mumpar 43:14

Kórowii Waa Ɛ Kpeɡri Bwa Dɔɔ la ja he nɛɛ dɛ́ ɡel nomoa la na he sum, dɛ́ kpɔ Simeon ne Bɛnjamen tɛ heya he ba tɛ mɛ. Dɛ baa le n nɔn taa yaa, ba den le n nɔn ta.”

Mumpar 48:3

Jekɔb ŋɔ Josef be ŋɔ, “Korowii Waa Ɛ Kpeɡri Bwa Dɔɔ la kpɔ o te baɡ mɛ Bɛtel baa bera dɛɛ yerɔ Lus, Keenan harɛ ta dɛ swee andɛɛɡa tɛ mɛ.

Mumpar 48:4

O baɡ mɛ nyoa ŋɔ, ‘Mɛɛ ɡeloo he mun ya, ásɛ he naanar warɛ kohona. Mɛɛ kpɔ harɛ nɔɔ tɛ he naanar ó ɛ ba kon saŋ bɛlbwa dɛɛ la.’ ”

Mumpar 49:25

Korowii he mɛɛ aa tomɔ laanee dɛ́ chae. Korowii Waa Ɛ Kpeɡri Bwa Dɔɔ sweere andɛɛɡa dɛ́ pili nyundua bwaala nɛ tɛɛ, dɛ́ tɛɛ nee aa le harɛ bini. Onee dɛ́ tɛɛ kondɛɛra ne naanar kohona.

Mumpar 9:1

Asɛ Korowii swee andɛɛɡa tɛ Nowa ne o bii dɛ ŋɔ, “Hé loɡle bii kohona dɛ́ ya dɛ́ warɛ do harɛ nɔ ta bobɛlbwa.

Yela 127:1

Dɛ Korowii ta chae ba ma dea aa, mamaala koeh bwa ɛ pɛɛ. O ɡbabir ta bwɛɛ daahnɛ aa, nɛra baa dɛ daah la dɛ koh pɛɛ.

Yela 127:3

Bii ɛ kwaa Korowii aa swee nɛra andɛɛɡa, dɛ kpɔ dɛɛ kɛ ba.

Kaala 1:7

kɛ ba bii baa lola la baa warɛ, dɛ ɡel Israel tena mun ya kohona, dɛ su Ijipt harɛ bwa ta.

Kaala 6:3

Men kpɔ n te baɡle Abraham ne Aesek dɛ Jekɔb kɛ Menee Kpeɡri Bwa Dɔɔ la. Kɛ n ta ɡelɛ ba jemɛ n sɔn waa do ɡoroŋ la te.

2 Kɔrent 6:18

dɛ́ ɛ he Mɛɛ, ásɛ he ɛ n bii.’ Men Nemenɛ Korowiirii bola.”

Wepila 21:22

Korowii Dea baa cheme o bini dɛɛ tomɔ toole bela. Korowii Waa Ɛ Kpeɡri Bwa Dɔɔ la ne Pebie laanee cheɡa tɛ dea la.

Rut Tɔn 2:4

Baa lɔ bela la, Boas le dem ba, dɛ ba jam tom-ɛɛra la, dɛ ŋɔ, “Hé jam ne ɛɛ. Korowii dɛ kwaa he kwa.” Asɛ ba ɡe sɛh ŋɔ, “Korowii tɛɛ hɛɛra.”