Mumpar 28:10 - mzwDBL

¹⁰ Belaa Jekɔb le Beɛseeba dɛ chiɡ ŋwɛnɛ ta dɛɛ kaa Haran.

Mumpar 28:10 Iomraidhean Croise

Mumpar 11:31

Asɛ Tɛɛra kpɔ o bie Abram, ne o bibaa Haaran ɡe bibaa Lɔt, ne Sarai waa ɛ o hela dɛ ɛ o bibaa Abram haah la. Ba le Ur waa lɔ Kaldea harɛ ta la ŋɔ ba dɛ kaa Keenan harɛ ta. Baa bera ba tel Haran harɛ ta la, ba soɡe bela.

Mumpar 12:4

Anomanta, Abram iro dɛ kaa ɡɛ Korowii aa ŋɔ o be la. O lawɛ Lɔt ja o nɛ ba bwa kaa. Waa le Haran ɡɛ saŋ dɛɛ kaa la, dɛ o di bene fifraanuanɛ dɛ anue.

Mumpar 12:5

O kpɔ o haah Sarai ne o nime Haran bie Lɔt, ne ba bwara laala bwa ne nɛndɔɔla baa dɔɔ ba Haran bela la, asɛ dɛɛ kaa Keenan harɛ ta.

Mumpar 26:23

Asɛ Aesek ir bela dɛ berɛ kaa Beɛseeba ka so.

Mumpar 27:43

Taraken n bie, no n waa nɔ. N dɛ nyin kɛŋɔ he le bonɔ warane, dɛ́ kaa n dɔɔ Laban be Haran.

Mumpar 29:4

Belaa Jekɔb pɛɛ peteɡra la ŋɔ, “Yabala, leperaa he leɔ?” Asɛ ba chaŋe ŋɔ, “Ya le Haran.”

Mumpar 32:10

He teŋa haa teŋa dɛɛ nyin mɛ, ne he kasinteŋ haa ɡela n na nɔ bini bɛlbwa ta men maa ɛ he bonɔɔ nɔ chɛɛ. N fa aa ɡale Jɔɔdan Moo la, dɛ n ta komɛlbwa kpoŋe nemenɛ n daŋɡbala ɡbo, taraken he berɛ ɡel n ya dɛ ɛ nɛmbele banɛ.

Mumpar 35:1

Anee Korowii ŋɔ Jekɔb be ŋɔ, “Ir kaa Bɛtel ásɛ dɛ ka so bela. Dɛ́ ɛ kon baa dɛ ɛ saraha o ta la tɛ men Korowii maa kpɔ n te baɡle ɡɛ saŋ haa chwaa dɛ le he dɔɔ Esɔ be la.”

Mumpar 35:7

Asɛ dɛ ɛ kon baa dɛ ɛ saraha o ta tɛ Korowii bela, dɛ pa bela sɔn El Bɛtel. O munii Bɛtel Korowii. Dɛkalkɛ Korowii kpɔ o te baɡlo ŋwɛnɛ ta ɡɛ saŋ waa chwaa dɛɛ le o dɔɔ be la.

Mumpar 46:1

Jekɔb kpɔ kwaa waa dɔa bwa, dɛ chiɡ ŋwɛnɛ ta, dɛ ba tel Beɛseeba. O kpoo kwaa ɛ saraha tɛ Korowii o mɛɛ Aesek aa tomɔ la bela.

Kaala 33:1

Ate, Korowii ŋɔ Mosis be ŋɔ, “Le bonɔ kaa, he ne nɛra haa kpɔ ba le Ijipt harɛ ba la, ásɛ dɛ kaa harɛ maa ŋwɛɛra baɡle Abraham ne Aesek dɛ Jekɔb ŋɔ ba naanaree mɛɛ ba kpɔe tɛ la ta.

Hosia 12:12

Ya nabaa Jekɔb chwao kaa Mɛsopoteemea harɛ ta. Waa dɛ nyin haah dɛ́ mo la, o kaa teɡɛ baa bɛl peera.

We-ɛɛla 25:13

Aa baa ɛ tɔpera anɛ la, kooro bɛl baa dɛ yerɔ Aɡrepa ne haah bɛl baa dɛ yerɔ Bɛnes ba Sisaaria, dɛ ba chɔɔ Fɛstɔs.

We-ɛɛla 7:2

Anee Steeven chaŋe ŋɔ, “N mɛɛwa ne n dɔɔranar, hɛ́ɛ no waa nɔ maa dɛ ba bola nɔ! A ɡɛ saŋ la ya naa Abraham aa wola Haran kaalɛ mɔɔ la, Korowii waa ɛ jirima bwa dɔɔ la ba o be Mɛsopoteemea harɛ ta,