Mumpar 28:1 - mzwDBL

¹ Belaa Aesek yerɛ Jekɔb dɛ swee andɛɛɡa tɛo dɛ berɛ ŋɔ, “Bɛ Keenan harɛ nɔ ta haahna nɔ bini bɛlbwa mo.

Mumpar 28:1 Iomraidhean Croise

Mumpar 24:3

dɛ́ ŋwɛɛ Korowii waa lɔ nyundua ne harɛ bwa la, kɛŋɔ haa Keenan tena maa soɡe ba baah nɔ bihaahnee nyin tɛ n bie nɔ.

Mumpar 24:37

O ɡelɔ n ŋwɛɛ ntam ŋɔ, ‘Bɛ Keenan harɛ nɔ maa soɡe o ta nɔ haah mo tɛ n bie nɔ,

Mumpar 24:4

N ɡbaɡba harɛ ta ne n lolanar binii mɛɛ nyin kɛ he mo haah tɛ n bie Aesek.”

Mumpar 27:4

dɛ́ ba daa n pɛla kondikwaa tɛ mɛ n di, ásɛ n soŋe andɛɛɡa le Korowii be tɛɛ mɔɔ dɛ́ sewɛ.”

Mumpar 27:46

Belaa Rebɛka ŋɔ Aesek be ŋɔ, “N sie aa Hiti bitoli nɔ nɛɛ lɛ. N kii ba kɔkɔkɔ. Dɛ Jekɔb ŋɔ wɛɛ mo ba bini bɛlee yaa, mɛɛ sewɔɔ hɛo.”

Mumpar 28:6

Esɔ nao kɛŋɔ Aesek swee andɛɛɡa tɛ Jekɔb, dɛ tao ŋwɛnɛ ŋɔ o kaa Mɛsopoteemea harɛ ka mo haah bela, dɛ ŋɔ o bɛ Keenan harɛ bihaah mo,

Mumpar 34:16

Ate naa, aa maɡroo kɛŋɔ ya mo dɔŋa bihaahna. Ya ne hɛɛ pɛo so dɛ́ ɛ nɛmbeŋkpoŋ.

Mumpar 34:9

Gel ya nyoa pɛ yaa mo he bihaahna, ásɛ he ɡe ɛɛ mo ya kwa.

Mumpar 38:2

Waa kaa so bela la, o na bihaah bɛl dɛ moo, o mɛɛ ɛ Keenan te baa yerɔ Sua.

Mumpar 48:15

Asɛ o soŋe tɛ Josef ŋɔ, “Korowii n mɛɛ Abraham ne Aesek aa tomɔ la swee bii nɔ andɛɛɡa. Korowii waa dɛ nyiŋi n nɛɛ, dɛ ba le fini tɔpere nɔ swee ba andɛɛɡa.

Mumpar 49:28

Gɛɛ Israel deene fi dɛ anɛ la waa do. Gɛɛ ba mɛɛ Jekɔb bol ɡɛ saŋ waa sweera tɛɛ ba la.

Mumpar 6:2

belaa nyundua nɛra la aa naa kɛŋɔ harɛ nɛra la bihaahna la wer la, ba kpɔ ba bini bane mo, asɛ ba ne ba so.

Jeremia 29:6

Hé mo haahna dɛ́ loɡle bibaala ne bihaahna, dɛ́ nyin haahna tɛ he bibaala ɡe, ásɛ dɛ kpɔ he bihaahna ɡe tɛ yal, ɡɛ aa ɛ ásɛ ba ɡe dɔ bibaala ne bihaahna. Hé ɡel he mun ya kohona bela, dɛ bɛ mule.

Mmarare 33:1

Gɛ Mosis waa ɛ Korowii nɛn aa swee andɛɛɡa tɛ Israel tena mɔɔ dɛ sewɛ laanee nɔ.

Josua 22:7

Dɛ Mosis dɔɔ tɛ Manasɛ dea pera tena la harɛ o do Basan harɛ ta, asɛ ba kabora la, Josua tɛ ba dɔɔranar ne nimanar ɡe harɛ Jɔɔdan Moo wee cholibɔr pera. Josua ta ba ŋwɛnɛ, dɛ swee ba andɛɛɡa baa kaa bela baa soɡa,