Mumpar 27:43 - mzwDBL

⁴³ Taraken n bie, no n waa nɔ. N dɛ nyin kɛŋɔ he le bonɔ warane, dɛ́ kaa n dɔɔ Laban be Haran.

Mumpar 27:43 Iomraidhean Croise

Mumpar 11:31

Asɛ Tɛɛra kpɔ o bie Abram, ne o bibaa Haaran ɡe bibaa Lɔt, ne Sarai waa ɛ o hela dɛ ɛ o bibaa Abram haah la. Ba le Ur waa lɔ Kaldea harɛ ta la ŋɔ ba dɛ kaa Keenan harɛ ta. Baa bera ba tel Haran harɛ ta la, ba soɡe bela.

Mumpar 24:29

Dɛ Rebɛka nimambie bɛl lole baa yerɔ Laban. Laban chwao le buse dɛ la baa la be bule la ta,

Mumpar 25:20

Waa di bene fifraanaarɛ la o mo Rebɛka. Bɛtoɛl waa le Mɛsopoteemea harɛ dɛ ɛ Aram te la bihaahnee, asɛ o ɛ Laban nimambie.

Mumpar 27:13

Belaa o nya chaŋo ŋɔ, “N bie, he te ka ɛ wobɛlbwa maa bola la, ásɛ a habɔɔ wobɛlbwa ba dawɛ n nɛ.”

Mumpar 27:42

Waa dɛ kpɔ ɡɛ liire nɔ la, Rebɛka noɔ asɛ dɛ tomɛ ba ka yerɛ Jekɔb ba, dɛ ŋɔ o be ŋɔ, “He dɔɔ Esɔ dɛ vɔrɔwe he vɔrɔwa kɛŋɔ wɛɛ kpoe.

Mumpar 27:8

Anomanta, n bie, cheɡ deŋne dɛ́ no waa maa dɛ ba he be bola nɔ dɛ́ ɛa.

Mumpar 28:10

Belaa Jekɔb le Beɛseeba dɛ chiɡ ŋwɛnɛ ta dɛɛ kaa Haran.

Mumpar 28:5

Belaa Aesek ta Jekɔb ŋwɛnɛ o kaa Mɛsopoteemea harɛ ta Bɛtoɛl bibaa Laban be. Rebɛka waa lolɛ Jekɔb ne Esɔ la dɔɔree. O ɛ Aram te.

Mumpar 28:7

asɛ Jekɔb no o nya ne o mɛɛ deŋna wa dɛ kaa bela.

Mumpar 35:1

Anee Korowii ŋɔ Jekɔb be ŋɔ, “Ir kaa Bɛtel ásɛ dɛ ka so bela. Dɛ́ ɛ kon baa dɛ ɛ saraha o ta la tɛ men Korowii maa kpɔ n te baɡle ɡɛ saŋ haa chwaa dɛ le he dɔɔ Esɔ be la.”

Sɛɡla 30:17

Nɛn o siwi aa wola o mɛɛ tɔɡɛ wɛɛ mamɔ, dɛ berɛ nyiŋi o nya dɛɛ vah la, ɛɡreree dɛ́ foromi o sibie, ásɛ kokosakire di o ola.

Jeremia 35:14

Rekab bibaa Jonadab do o bibaala ŋɔ ba bɛ sen nyɔ, asɛ ba teŋɛ a ta. Hale ba le fini baa sen nyɔ, dɛkalkɛ ba no ba nabaa deŋna wa. Kɛ ane a bwa, n teŋɔ bol waa he be keraŋwɛnɛ bwa, kɛ bɛlbwa ta n waa ta teŋɛ.

We-ɛɛla 5:29

Belaa Pita ne o bala troma la ŋɔ, “Korowii chɛ kɛŋɔ ya ɔmɛ ɡwaa nɛwɛnyini.