Mumpar 27:42 - mzwDBL

⁴² Waa dɛ kpɔ ɡɛ liire nɔ la, Rebɛka noɔ asɛ dɛ tomɛ ba ka yerɛ Jekɔb ba, dɛ ŋɔ o be ŋɔ, “He dɔɔ Esɔ dɛ vɔrɔwe he vɔrɔwa kɛŋɔ wɛɛ kpoe.

Mumpar 27:42 Iomraidhean Croise

Mumpar 27:41

Gɛ Jekɔb aa neɡre o mɛɛ o soŋe andɛɛɡa tɛo la, Esɔ haoh. O lii o nyu bini ŋɔ, “Aa biɡri bɛlbwa n mɛɛ sewɛ. Ba baa ɛ o lwe tonaa, ásɛ n kpo Jekɔb.”

Mumpar 27:43

Taraken n bie, no n waa nɔ. N dɛ nyin kɛŋɔ he le bonɔ warane, dɛ́ kaa n dɔɔ Laban be Haran.

Mumpar 32:11

N dɛ soŋe kɛŋɔ he lɛɛ mɛ le n dɔɔ Esɔ nɔn ta. N dɛ ɔmɛ kɛŋɔ o bɛ yaa ba yo, dɛ́ kpoo n ne n haahna ne bii bwa.

Mumpar 32:3

Belaa Jekɔb tomɛ toroma ŋɔ bá tɔ o sie dɛ́ kaa o dɔɔ Esɔ be. Dɛ Esɔ soɡe harɛ bɛl baa dɛ yerɛ bela Edom.

Yela 64:5

Ba dɛ do dɔŋa ɡbemba ba wechɔɡa vɔrɔwa ta, dɛɛ baɡle bela baa kpɔ kwaa baa kpɔ haɡre bela la sɔh. Ba yon ŋɔ, “Nomɛlbwa aa yaa na.”

Sɛɡla 2:14

nɛra ba sie aa dɛ lɛ wechɔɡa ɛɛ ta, ne banɔ la ba sie aa dɛ lɛ waa aa wola mun dɔe ta.

1 Samoɛl 30:5

Ba lawɛ Devid haahna banɛ, Ahinoam waa le Jesreel, ne Abiɡel waa ɛ Nabal luhaah dɛ le Kaamɛl la kaa.