Mumpar 26:22 - mzwDBL

²² O berɔ le bela kwara dɛ ka kwi onfale, kɛ o te la, o ne nomɛlbwa ta o waa beɡrɛ kpa. Asɛ o pa o sɔn Rɛhɔbɔt. O munii bɔr dɔe. Dɛ ŋɔ, “Taraken Korowii tɛ yaa bɔr ya so dɛ́ ya.”

Mumpar 26:22 Iomraidhean Croise

Mumpar 17:6

Mɛɛ ɡeloo he naanar ya taeh, ásɛ a che he nɛɛ nɛra warɛ harɛre ta, ásɛ ba bini bane ɛ koranar.

Mumpar 26:21

Belaa ba berɛ kwi onfale, asɛ ba yo o ɡe waa ja. Anee o pa o sɔn Sitna. O munii nɛn nɛɛ cheɡa.

Mumpar 28:3

Kórowii Waa ɛ Kpeɡri Bwa Dɔɔ la che he mun ta, dɛ́ swee andɛɛɡa tɛɛ he hahmor ta, ásɛ he lolɛ bii kohona á che a ta he ɛ harɛre nɛra ɡalɡa naa.

Mumpar 41:52

O pa binɛɛte la ɡe sɔn Efrem. O munii Korowii tɛ mɛ bii harɛ maa na wahala o ta la ta.

Yela 118:5

Maa lɔ weweele ta la, n wio no Korowii, asɛ o chaŋ mɛ dɛ lɛɛ mɛ.

Yela 119:32

Mɛɛ swɛɛ siwii dɛɛ teŋɛ he webaɡla ta, dɛkalkɛŋɔ he cha mɛ, dɛ ɡel mɛɛ no waa mun kɛrɛdɛ.

Yela 18:19

He cha mɛ dɛ le n ne wekpeɡa ta, he lɛɛ mɛ, dɛkalkɛ he sie lɛ n nɛ.

Yela 4:1

N Naa Korowii, he waa toɡrɔ, no n wesoŋa saŋ bɛlbwa. Lɛɛ mɛ le n wahala ta, na n sum, dɛ́ no n wesoŋa.

Kaala 1:7

kɛ ba bii baa lola la baa warɛ, dɛ ɡel Israel tena mun ya kohona, dɛ su Ijipt harɛ bwa ta.

Aesaya 54:2

Paɡri he tɛnte dea kɛrɛdɛ ó do kan. Gel o ŋwɛɛra do jaŋne, dɛ́ kpaa daa haa kpɔa baŋro la, á kaa bini.

Aesaya 54:3

Hɛɛ paɡri he harɛ jwɛhree a kaa sie diɡ ne ɡal, ásɛ he naanar berɛ lɛ harɛre nɛra bane aa soɡe a ta taraken nɔ, dɛ́ so a ta. Bwɛjena aa chɔ pɛɛ taraken la, he nɛra ɛɛ warɔɔ dɛ́ berɛ ba so a ta.