Mumpar 26:1 - mzwDBL

¹ Asɛ lɔr bɛl chole harɛ la ta. Gɛ lɔr nɔ korɛ Abraham saŋ lɔr la ta. Anee Aesek ir kaa Filisti tena Kooro Abemɛlɛk be Gerar.

Mumpar 26:1 Iomraidhean Croise

Mumpar 12:10

A kaa ba kɛ lɔrchɔɡe bɛl o nyoa aa kpeɡa chole Keenan harɛ la ta. Asɛ o ir bela dɛ kaa Ijipt harɛ ta ka so.

Mumpar 25:11

Abraham seo habɔɔ la, Korowii swee o bie Aesek andɛɛɡa. Asɛ o so Beɛ Lahae Rɔe jwɛh.

Mumpar 25:34

Ate, Jekɔb tɛ Esɔ paanoo ne kwaa waa daala la o di, dɛ nyɔ nee dawɛ dɛ ir chiɡ ŋwɛnɛ ta kaa o bɔr. Kenii Esɔ koh kondikwaa wa, dɛ kpɔ o nomonome ta.

Mumpar 42:5

Jekɔb bii la ne Keenan harɛ ta tena banee pɛa la, dɛ ka yawɛ boyu la, dɛ harɛ la ta bwaa lɔr la do.

Mumpar 43:1

Lɔr la nyoa baa do kpeɡri Keenan harɛ la ta,

2 Samoɛl 21:1

Kooro Devid kora dii saŋ la, lɔr chole harɛ la ta teŋɛ dɔŋa nɛɛ bene atoro. Anomanta, o bɔɔrɔ le Korowii be. Asɛ Korowii ŋɔ, “Kooro Sɔɔl ne o lolanar di bolchɔɡe nɛŋkpoa wa, dɛkalkɛ o kpoo Gebeɔn tena la ɡalɡa.”

Kaala 33:1

Ate, Korowii ŋɔ Mosis be ŋɔ, “Le bonɔ kaa, he ne nɛra haa kpɔ ba le Ijipt harɛ ba la, ásɛ dɛ kaa harɛ maa ŋwɛɛra baɡle Abraham ne Aesek dɛ Jekɔb ŋɔ ba naanaree mɛɛ ba kpɔe tɛ la ta.

Rut Tɔn 1:1

Saŋ la Israel tena aa wola kooro dɔe mɔɔ, asɛ sitɔɔla yon dɛɛ nyiŋi bela harɛ ta la, dɛ lɔr lɔ harɛ la ta. Belaa baa bɛl waa le Bɛtlɛham o do Juda harɛ ta, ne o haah ne bibaala banɛ ir dɛ ba so Moab harɛ ta.