Mumpar 24:61 - mzwDBL

⁶¹ Anee Rebɛka ne o toli ir, dɛ teeh so nyoɡmare la ta, dɛ teŋɛ bonɔɔ la nɛ. Asɛ dɛ chiɡ ŋwɛnɛ ta kaa. Kenii Abraham bonɔɔ la kpɔ Rebɛka kaa.

Mumpar 24:61 Iomraidhean Croise

Mumpar 2:24

A waa ɡela baa yon ɡel o nya ne mɛɛ, dɛ́ ka kpɔ haah ba yon pɛ so, dɛ́ ɛ beŋkpoŋ la.

Mumpar 24:60

Asɛ ba swee andɛɛɡa tɛ Rebɛka ŋɔ, “Ya nimambie, Korowii ɡel he ya kohona, he mun ya kohona aa wola nyoa dɔ, ásɛ he naanar yo lɛ ba dɔma bwɛɛre dɛɛ di a kpeɡri.”

Mumpar 24:62

Dɛ Aesek ɡe lɔ bobɛl baa dɛ yerɛ bela Beɛ Lahae Rɔe waa lɔ Nɛɡɛv harɛ ta.

Mumpar 31:34

Ajaah dɛ onee kpɔa do kon baa kpɔa dawɛ nyoɡma ta dɛɛ so o ta la lɔɡa dɛ so a ta. Dɛ Laban kaa nyiŋi o dea kɛ o ta an nae.

Ɛsta 8:10

Kooro Sɛksɛs kpeɡri taa Mɔdekae che dɛ ɡel ba chwerɛ tɔne la, asɛ dɛ kpɔ noniseɡ la ɛɡre a ta, dɛ kpɔa tɛ nɛra ba so kooro jaɡre aa won chwae ta, dɛ kpɔ tɔne la ka bɔne tɛ nɛra baa soɡe o harɛre la bwa ta.

Ɛsta 8:14

Kooro aa do mmara la nomanta, o toroma la soɡe o jaɡre la ta kaa wɔrɔbe nɛ. Bane kpɔ waa la perɛ koobwɛɛ Susa ɡe bwa ta.

Yela 45:10

Kooro hanfale, dɛɛ no waa maa dɛ ba bola nɔ, soh he nɛra ne he lolanar wa.

Sitɔɔla 5:30

‘Ba ken pa laa ta kwaa dɛɛ bɔna, baa bɛlbwa dɔ haah beŋkpoŋ kɛɛ banɛ, Sisera ɡe dɔ laaladɛɛɡa baa sɔh kwaa dawɛ a ta, haahna laaladɛɛɡa aa wera dɛ́ ba tɛ mɛ. Anɔ bwa ɛ kwaa baa paa laa ta.’

1 Samoɛl 25:42

Abiɡel den ɛ warane ka so o keeɡo ta, asɛ o toli banue teŋɛ, bane Devid bonɔɔna la kaa o ka yalɛ Devid.

1 Samoɛl 30:17

Devid yoo ba le chɔmbibii ka tel tɔ aa pera jɔmɔra. Ba bini bɛlbwa ta wone dɔ bɔr chwa, nemenɛ bonɔɔna lafraanaarɛ baa soɡe nyoɡmare taa wona dɔ bɔr chwa kaa.