Belaa Kooro Devid ŋɔ nɛra la bwa be ŋɔ, “Hé kpɛɛ Korowii haa dɛ tomɔ.” Anomanta, ba kpɛɛ Korowii ba naawa aa tomɔ, dɛ chole kpɔ sie pi harɛ Korowii ne kooro sie.
Kooro Hɛsɛkea ne o nomonome ŋɔ Lewi dea tena be ŋɔ, bá kpɔ yela Kooro Devid ne o keame Asaf waa dɛ na chaahna aa chwera la kpɛɛ Korowii. Anomanta, ba ɡo kpɛɛra yela silɛɛ ne, dɛ ɡuŋi tomɛ Korowii.
hé ŋɔ ba be ŋɔ, ‘Galekaa saraha taa Korowii kpoo Ijipt tena bibanloɡla bwa ba deremi ta, dɛ ɡale ya Israel tena deremi ta kaa.’ ” Mosis aa bol waa tonɛ la, Israel tena ɡuŋo dɛ tomɛ Korowii.
Yeesu Kristo sɔnjen la nomanta, nomɛlbwa ɛɛ ɡuŋi o siee dɛ́ kpɔ duure dɛɛ tɛo. Banɔ la baa lɔ nyundua, ne banɔ la baa lɔ harɛ ta, ne banɔ la baa serewa bwa, ɛɛ kpɔ duuree dɛɛ tɛo,
Gedeɔn aa no deera la ne ɡɛ naate la aa baɡle a bini la, o ɡuŋo dɛ jam Korowii, dɛ laa berɛ ba ba sobɔr dɛ ba ŋɔ takpeɡ ne ŋɔ, “Hé ir, Korowii kpɔ Midian tena do he nɔn ta.”