Mumpar 24:15 - mzwDBL

¹⁵ O nyoa taa lɔ a ɡɛ waa nɔ ta wɛɛ bol la, dɛ tolo Rebɛka polvii chɔŋɛ o vam ta o ba le. Abraham nime Neehɔ ne o haah Milka bibaa Bɛtoɛl biee.

Mumpar 24:15 Iomraidhean Croise

Mumpar 11:27

Kenii Tɛɛra bwara waa do. Onee lolɛ Abram ne Neehɔ dɛ Haaran. Asɛ Haaran ɡe aa kpeɡa la, o lolɛ Lɔt.

Mumpar 11:29

Abram ne Neehɔ bwa aa baa kpeɡ la, ba mo haahna. Abram haah sɔne Sarai, asɛ Neehɔ ɡe haah sɔne Milka, o ne Eska bwa mɛɛ baa yerɛ Haaran la.

Mumpar 21:14

Anomanta, Abraham iro chɔmbibii dɛ kpɔ kondikwaa ne oltɔn pur, dɛ do nee o bini o su dɛ kpɔ chɔŋɛ Heeɡa vaama ta. O lawɛ bie la ja o nɛ, dɛ ta ba ŋwɛnɛ ba kaa. Heeɡa aa lea kaa la, bobɛl waa ɛ pua hɛŋle ɡbo harɛ baa yerɔ Beɛseebaa o ka do dɛɛ ɡaaɡe.

Mumpar 24:14

ɡel onɔ la maa ŋɔ ó choɡ o nee ásɛ n nyɔ ane la sɛh, dɛ́ berɛ ŋɔ wɛɛ tɛ n nyoɡmare nɔ ɡe anee á nyɔ la, ó ɛ haah haa dɛ ba kpɔe tɛ Aesek la. A taa mɛɛ ba cheɡa dɛ́ jemɛ kɛŋɔ he teŋɛ nyoa haa baɡɛ n nomoa la ta.”

Mumpar 24:24

Asɛ o ŋɔ, “Milka ne Neehɔ bie Bɛtoɛl bihaahnee men.”

Mumpar 24:45

Maa dena soŋe a ɡɛ wesoŋa nɔ n nyu bini tonɛ, buɡ la ta, dɛ Rebɛka deno forɛ le, asɛ o polvii chɔŋɛ o vam ta, dɛ baa kaa bule la ta dɛ́ ka dɔ nee la. Asɛ n ŋɔ o be ŋɔ, ‘Tolo, n dɛ soŋe, tɛ mɛ nee nɔ ane n nyɔ.’

Mumpar 25:20

Waa di bene fifraanaarɛ la o mo Rebɛka. Bɛtoɛl waa le Mɛsopoteemea harɛ dɛ ɛ Aram te la bihaahnee, asɛ o ɛ Laban nimambie.

Mumpar 29:5

O berɔ pɛɛ ba ŋɔ, “He jemɛ Neehɔ naa baa dɛ yerɔ Laban la aa?” Ba ɡe ŋɔ, “Ɔɔh, ya jemɔ.”

Mumpar 29:9

O ne ba ta aa dɛ bol waa la dɛ Rakɛl ne o mɛɛ peera la ɡe balɔ dɛ ba jo. O te la, dɛ peera nɛɛ wɛɛ nyiŋi.

Yela 34:15

Nɛra ba wa aa toɡra dɛɛ su Korowii siwi la, Korowii dɛ nyiŋ ba, dɛɛ no ba wesoŋa.

Yela 65:2

dɛkalkɛ henee dɛɛ no ya wesoŋa. Nɛra ɛɛ le bobɛlbwaa ba he be dɛ́ ba tomɛ,

Kaala 2:16

Dɛ kɔlɔŋ bɛl lɔ bela, asɛ awola bɛl, Mosis la ka so o nyoa. Dɛ Midian sɔfo bɛl sɔne Jetro, o bihaahna banuanɛ ba ba viine ne dɛ́ ba dɔ nee tɛ ba mɛɛ peera ne boohna a nyɔ bela.

Sɛɡla 31:27

O dɛ do sie o dem tena nɛɛ saŋ bɛlbwa, o siwi ɛɛ swɛɛ wɛɛ nyin kwaa aa hiah ba.

Aesaya 58:9

Asɛ name dɛ he soŋ mɛ naa ń no, he do lɔŋɔ yer mɛ naa, ń sɛh ŋɔ, ‘Men nɔ.’ Dɛ he ɡel nɛra hɔhɔrɔwa ɛɛ, dɛ ɡel waa kpɔe dɛ daɡ ba, dɛ ɡel wobochɔɡa bola,

Aesaya 65:24

Ba ne ŋɔ ba soŋ mɛ tonɛ la, dɛ n noɔ dɛ́ chaŋe. Ba taa dɛ bol kwaraa la, dɛ n te jemɔ.

Rut Tɔn 2:17

Anomanta, Rut ɡaaɡe koo la ta dɛ ka tel jɔmɔra. O lɔ mea waa dɔa la bwa asɛ a ɛ kuruware fi.

Rut Tɔn 2:2

Awola bɛl, Rut ŋɔ Naomi be ŋɔ, “N poori, tɛ́ mɛ ŋwɛnɛ ń la nomɛlbwa waa na n sum koo ta dɛ́ ka kuuh mea.” Anee o sɛh dɛ ŋɔ, “N bie, kaa.”

1 Samoɛl 9:11

Baa teeh deŋɡare bɛl dɛɛ kaa bwɛɛ la ta la, ba cheme bitoli bane baa dɛ ba bá dɔ ne. Asɛ ba bɔɔ ba ŋɔ, “Korowii nɛn bɛl waa dɛ na chaahna lɔ bonɔ naa?”