Mumpar 24:12 - mzwDBL

¹² Ate, o soŋe Korowii ŋɔ, “N Naa Korowii n dɔɔ Abraham aa dɛ tomɛ, n dɛ soŋe, ɡel a chiɡ mɛ kɛrɛdɛ fini, dɛ́ teŋɛ nyoa haa baɡɛ n dɔɔ la ta.

Mumpar 24:12 Iomraidhean Croise

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

Mumpar 24:21

Bonɔɔ la nyiŋu jeiih, o ta wobɛlbwa bolɛ dɛɛ lii kɛŋɔ o ŋwɛnɛ waa bao la, Korowii ɡelɔ wɛɛ ba hɛɛra dɔe kɛɛ?

Mumpar 24:27

dɛ ŋɔ, “Korowii n dɔɔ Abraham aa dɛ tomɛ, jam kɛŋɔ haa dɔ kasinteŋ dɛ teŋɛ dɛɛ nyin n dɔɔ nɔ. Asɛ dɛ kpɔ n naa andɛɛɡa ba n dɔɔ lolanar buse nɔ.”

Mumpar 24:42

Maa tel bule la ta fini la, n ŋɔ, ‘Korowii n dɔɔ Abraham aa dɛ tomɛ, dɛ hɛɛ sɛoh waa, tɛ mɛ hɛɛra waa maa dɛ ba ba ɛ nɔ ta.

Mumpar 24:48

Belaa n ɡuŋi dɛ jam Korowii, dɛ kpɛɛ n dɔɔ Abraham Korowii waa kpɔ n naa andɛɛɡa kɛŋɔ ń ka mo n dɔɔ nime bie ba tɛ o bie la.

Mumpar 26:24

Awola jwaana la ne la, Korowii ba o be kɛŋɔ deera ta ken dɛ ŋɔ, “Menee Korowii he mɛɛ Abraham aa tomɔ la. Bɛ dɛɛ ɔmɛ, mɛɛ che he habɔɔ. Mɛɛ koh n bonɔndɛɛɡe Abraham waa dɛ́ tɛɛ hɛɛra dɛ́ ɡel he naanar warɛ.”

Mumpar 27:10

Ásɛ he kpɔ ka tɛo o di, dɛ́ soŋe andɛɛɡa tɛɛ mɔɔ wɛɛ sewɔɔ waa o sewɛ.”

Mumpar 27:20

Asɛ Aesek ŋɔ, “N bie, he denɔ dɔ warane to.” Anee Jekɔb chaŋe ŋɔ, “Korowii haa dɛ tomɔ laanee tɛ mɛ hɛɛra.”

Mumpar 28:13

Dɛ Korowii cheɡɛ o jwɛh dɛ ŋɔ, “Menee Korowii, menee he mɛɛ Abraham ne Aesek tomɛ la. Harɛ haa chɔ o ta nɔ, he ne he naanaree mɛɛ ba kpɔe tɛ.

Mumpar 31:42

Korowii n nabaa Abraham ne n mɛɛ Aesek aa tomɔ la laa teŋɛ n nɛɛ aa, he fe ɡelɔ n kpɔ nɔŋɡbala kaa. Kɛ Korowii na n wenaale ne n toma maa ɛa, a waa dɛ jwaana ne o ba pa bole la.”

Mumpar 32:10

He teŋa haa teŋa dɛɛ nyin mɛ, ne he kasinteŋ haa ɡela n na nɔ bini bɛlbwa ta men maa ɛ he bonɔɔ nɔ chɛɛ. N fa aa ɡale Jɔɔdan Moo la, dɛ n ta komɛlbwa kpoŋe nemenɛ n daŋɡbala ɡbo, taraken he berɛ ɡel n ya dɛ ɛ nɛmbele banɛ.

Mumpar 32:9

Belaa o soŋe Korowii ŋɔ, “Korowii n nabaa Abraham ne n mɛɛ Aesek aa tomɛ, hen ŋɔ n be ŋɔ ń berɛ kaa n bwɛ n lolanar bini, dɛ ŋɔ hɛɛ ɡeloo n wobɛlbwa do wer.

Mumpar 43:14

Kórowii Waa Ɛ Kpeɡri Bwa Dɔɔ la ja he nɛɛ dɛ́ ɡel nomoa la na he sum, dɛ́ kpɔ Simeon ne Bɛnjamen tɛ heya he ba tɛ mɛ. Dɛ baa le n nɔn taa yaa, ba den le n nɔn ta.”

1 Koranar 18:36

Saŋ aa tela Elaeja ɛ saraha la, o kaa che saraha kon la jwɛh dɛ soŋe Korowii ŋɔ, “N Naa Korowii Abraham ne Aesek ne Jekɔb baa ɛ ya naawa aa tomɛ, fini ɡel ba jemɛ kɛŋɔ henee Korowii Israel tena aa dɛ tomɛ la. Dɛ́ berɛ ɡel ba jemɛ kɛŋɔ he bonɔɔnee men, hen do mɛ ŋɔ ń ɛ waa nɔ bwa.

2 Koranar 2:14

O kpɔ Elaeja yal la lɔ nee la dɛ lii ŋɔ, “Leperaa Korowii Elaeja aa tomɔ la dɔɔ?” Waa bera kpɔ lɔ nee la, o bini pero anɛ, asɛ harɛpɛɛ chɔ o valɛ o bini le o baŋ.

Nehemia 1:11

Cheɡ deŋne no n wesoŋa ne he bonɔɔna baa dɛ nyin ba kpɔ duure tɛɛ la wesoŋa. Gel a chiɡ mɛ kɛrɛdɛ fini, dɛ́ ɡel koojen na n sum.” Gɛ saŋ dɛ menee dɛɛ do Koojen Atasɛksɛs sen.

Nehemia 2:4

Ate, Koojen Atasɛksɛs ŋɔ n be ŋɔ, “Bɔkwaa hɛɛ nyin kɛ n ɛ́ tɛɛ nɔ?” Asɛ n soŋe Korowii Waa Dɛ Di Kora Nyundua,

Yela 118:25

N Naa Korowii, ba lɛ yaa, ɡel ya wobɛlbwa chiɡ yaa kɛrɛdɛ.

Yela 122:6

Soŋe deŋnesɔɔhna tɛ Jerusalam tena ŋɔ, “Nɛra baa dɛ nyin hen Jerusalam la, ba wobɛlbwa do wer tɛɛ ba.

Yela 127:1

Dɛ Korowii ta chae ba ma dea aa, mamaala koeh bwa ɛ pɛɛ. O ɡbabir ta bwɛɛ daahnɛ aa, nɛra baa dɛ daah la dɛ koh pɛɛ.

Yela 37:5

Hé kpɔ he waa bwa do Korowii nɔn ta, hé kpɔ he te dawɛ o nɛ, ásɛ o cha heya.

Kaala 3:15

Korowii berɔ ŋɔ Mosis be ŋɔ, “Ŋɔ Israel tena be ŋɔ, ‘Men Korowii ba nabaala Abraham ne Aesek dɛ Jekɔb aa tomɔ laanee tomɛ ba be.’ A ɡɛ sɔn nɔɔ dɛ́ ɛ n sɔn saŋ bɛlbwa dɛɛ la. Ásɛ naanar baa ka ba bwa ɡe ɛɛ yer mɛ ɡɛ.

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Sɛɡla 3:6

Wobɛlbwa haa dɛ ɛ la, lii Korowii wa, ásɛ o baɡle ŋwɛnɛdɛɛɡe hé kpɔ o ta.

Matiu 22:32

O ŋɔ, ‘Menee Korowii Abraham ne Aesek dɛ Jekɔb aa tomɔ la.’ Lala laa dɛɛ tomɛ Korowii, weeraa dɛɛ tomɔ.”

Felepae 4:6

He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.