Mumpar 24:1 - mzwDBL

¹ Abraham biɡro dɛ hwɛɛh ɡe kɛrɛdɛ. Dɛ Korowii tɛo hɛɛra o wobɛlbwa ta.

Mumpar 24:1 Iomraidhean Croise

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Mumpar 13:2

Dɛ Abram nɔn bini wer, peera te kɛɛ, boohna kɛɛ nae ɔ? Suuɡapoŋa ne suuɡaswɛm bwa, dɛ o dɔa.

Mumpar 18:11

A ɡɛ saŋ dɛ Abraham ne o haah Saara bwa hwɛɛhrɔ, asɛ Saara ɡarɛ dahara lee.

Mumpar 21:5

Baa lolɛ Aesek la, dɛ Abraham dɔ bene lafa.

Mumpar 24:35

Korowii ɛ n dɔɔ andɛɛɡa kohona dɛ tɛo kondɔɔh. O tɛo peera ne nae ne suuɡapoŋa dɛ suuɡaswɛm, dɛ tɛo yombaala ne yomhaahna ne nyoɡmare dɛ keeɡore.

Mumpar 25:20

Waa di bene fifraanaarɛ la o mo Rebɛka. Bɛtoɛl waa le Mɛsopoteemea harɛ dɛ ɛ Aram te la bihaahnee, asɛ o ɛ Laban nimambie.

Mumpar 26:12

A bena la, Aesek parɔ dɛ dɔ kondikwaa kohona. Kwaa waa para la bele lafaa o dɔ dɛkalkɛ Korowii tɛo hɛɛra.

Mumpar 49:25

Korowii he mɛɛ aa tomɔ laanee dɛ́ chae. Korowii Waa Ɛ Kpeɡri Bwa Dɔɔ sweere andɛɛɡa dɛ́ pili nyundua bwaala nɛ tɛɛ, dɛ́ tɛɛ nee aa le harɛ bini. Onee dɛ́ tɛɛ kondɛɛra ne naanar kohona.

1 Koranar 1:1

A balɔ kɛŋɔ Kooro Devid baa hwɛɛh, dɛ o biɡro ɡe kɛrɛdɛ, dɛ ka kalaŋ ta. Ba kpɔ yale tɔɔ ɡɛ bɛlbwa kwaraa naa, dɛ waa ta dɛ kpoo.

Sɛɡla 10:22

Korowii swee andɛɛɡa tɛɛ naa, a dɛ ba kondɔɔh ne, wenaale bɛlbwa aa a ta ja.

Aesaya 51:2

Hé lii he nabaa Abraham, ne Saara haa le ba bini la wa. Maa yerɛ Abraham dɛ o ta bie dɔe, asɛ n swee andɛɛɡa tɛo dɛ́ ɡel o naanar warɛ.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Amanesoma Luk Aa Chwera Tɔn 1:7

Sekaria moo, ba bwa ba hwɛɛh, kɛ dɛ ba ta bie dɔe, dɛkalkɛŋɔ dɛ Ɛlesabɛt ɛ hambara.

Galaasia 3:9

Yaradaa Abraham yarada Korowii asɛ o swee andɛɛɡa tɛo. Anomanta, nomɛlbwa waa yarada Korowii la, Korowii ɛɛ sweero andɛɛɡaa.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

1 Timoti 4:8

Dɛ he swɛɛ siwi dɛɛ tɛɡre he pɔla bini naa, a dɔ tɔnɔ tama. Kɛ dɛ he swɛɛ siwi kɛ hɛɛ dɛɛ teŋɛ Korowii waa la taa yaa, anee dɔ tɔnɔ wobɛlbwa ta, dɛkalkɛ Korowii nɛɛ teŋa dɔ tɔnɔ tɛ nɛra fini ne seo habɔɔ bwa.