Mumpar 23:2 - mzwDBL

² Keenan harɛ ta bobɛl baa dɛ yerɛ bela Kiriat Aaba, dɛ berɛ dɛɛ yerɛ bela Hɛbrɔnee o ka sewɛ. Asɛ Abraham la ka ɛ o lwe dɛ wiu.

Mumpar 23:2 Iomraidhean Croise

Mumpar 13:18

Asɛ o ir bela waa soɡa la, dɛ ba so dajena ane mun Mamre, o bɛne bwɛɛ bɛl sɔne Hɛbrɔn. Asɛ o kwaa kon waa kpoo kwaa dɛɛ ɛ saraha o ta tɛ Korowii bela.

Mumpar 23:1

Saara di bene lafa fifraanɛ dɛ anuanɛ mɔɔ dɛ sewɛ.

Mumpar 23:19

A habɔɔ la, Abraham huɡe o haah Saara bwebɔɔ la ta. Belaa baa yerɛ Hɛbrɔn, o do Keenan harɛ ta la.

Mumpar 24:67

Asɛ Aesek kpɔ Rebɛka ba o nya tɛnte dea o fa aa lɔ o bini la bini, asɛ o ɛ o haah. Dɛ Aesek dɛ nyin Rebɛka kɛrɛdɛ. Anee ɡela o dɔ bolarawa o nya seo la habɔɔ.

Mumpar 27:41

Gɛ Jekɔb aa neɡre o mɛɛ o soŋe andɛɛɡa tɛo la, Esɔ haoh. O lii o nyu bini ŋɔ, “Aa biɡri bɛlbwa n mɛɛ sewɛ. Ba baa ɛ o lwe tonaa, ásɛ n kpo Jekɔb.”

Mumpar 35:27

Asɛ Jekɔb la o mɛɛ Aesek be Mamre, waa bɛne Hɛbrɔn bela Abraham ne Aesek fa aa soɡa ka la.

Mumpar 37:14

O mɛɛ ŋɔ o be ŋɔ, “La dɛ́ ka na he dɔɔranar ne ɡɛ kondɛɛra la aa doa, ásɛ dɛ ba bol n be.” O tomɔ le Hɛbrɔn Fɛlembɔjen bɔr pera dɛ kaa Sɛkem.

Mumpar 50:1

Josef kaa pi o mɛɛ nɛ, dɛ wi dɛ mo o lwɛɛma.

Mumpar 50:10

Ba baa tel Atad mea lɔbɔr. O lɔ Jɔɔdan Moo wee leebɔr, asɛ ba wi bela kohona. Josef ɛ o mɛɛ lwe tɔpera anuanɛ.

2 Samoɛl 1:12

Ba ɛ Kooro Sɔɔl ne Jonatan ne Israel tena baa ɛ Korowii nɛra la lwe dɛ wii ba, dɛ vɔwɛ nyoa ka tel jɔmɔra, dɛkalkɛ nɛra ɡalɡaa sewɛ laa la ta.

2 Samoɛl 1:17

Devid taa ɡɛ wiile aa teŋa nɔ tɛ Kooro Sɔɔl ne o bibaa Jonatan,

2 Samoɛl 2:11

Kooro Devid di kora Hɛbrɔn Juda dea harɛ ta bene anuanɛ korobie anumɛl.

2 Samoɛl 5:3

Anomanta, Israel nomonome la bwa ba Kooro Devid be Hɛbrɔn, o ne ba fɔwɛ fɔo Korowii sie bela, asɛ ba fuɡe noo do Devid nyu ta dɛ cheɡo kora ta Israel harɛ.

2 Samoɛl 5:5

Waa soɡe Hɛbrɔn la, o di kora Juda bene anuanɛ korobie anumɛl, asɛ Jerusalam ɡe, o di kora Israel ne Juda bwa bene fifraatoro dɛ atoro.

1 Webena 6:57

Gɛɛ ba kpɔ Hɛbrɔn, o ɛ bwɛjen dɛ nɛn kpo o dɔŋ aa, ó chwa ka so o ta dɛ́ dɔ o nyu, ne Lebna, ne Jatir dɛ Ɛstemoa,

2 Webena 35:25

Korowii keame Jeremia taa Kooro Josia wiile. Dɛ kpoŋe ba le fini haahna ne baala dɛ́ taa wiile, dɛ kpɔ dɛɛ lii Kooro Josia. Ba chwera do Israel tena Wiile Taara Tɔn bini a ɛ ba nawee wa.

Nehemia 11:25

Juu tena la ɡalɡa soɡe bwɛɛre aa bɛne ba kooni ta. Banɔ la baa le Juda dea la soɡe bwɛɛre ane kɛŋɔ, Kiriat Aaba ne Debɔn dɛ Jekabsiil ne bwɛjeɡre aa bara ta,

Jeremia 22:10

Juda tena, he bɛ Kooro Josia wi, he bɛ o lwe kwaraa ɛ. Kɛ hé wi tɛ o bibaa Joahas kohona, dɛkalkɛ baa lawɔɔ kaa bojaŋ harɛfale ta waa wola berɛ ba kpa, waa harɛ baa lolɔ o taa na kpa.

Jeremia 22:18

Anomanta, ɡɛ Korowii aa bol Juda Kooro Josia, o bibaa Jehoiakim waa nɔ. “Nomɛlbwa aa Kooro Jehoiakim seo waa wi, kɛɛ dɛ ŋɔ, ‘Aku, n dam, he seo dɛ we, bwɛɛlɛ ne seo.’ Nomɛlbwa aa on wi ŋɔ, ‘Aku, n dɔɔ, kɛɛ n naa kooro, bwɛɛlɛ ne seo!’

Nɛra Kura 13:22

Ba kpɔ Nɛɡɛv waa ɛ pua hɛŋle ɡbo harɛ weekaŋle harɛbɔr dɛ ka tel Hɛbrɔn. Dɛ nɛra bane baa dɛ yer ba Anak naanar soɡe bela. Banee Ahiman ne Sɛsae dɛ Talmai tena. Dɛ ba vɔrɔwe Hɛbrɔn bene anuanɛ mɔɔ dɛ vɔrɔwe Soan waa lɔ Ijipt harɛ ta.

Nɛra Kura 20:29

Israel tena la bwa aa naa kɛŋɔ Arɔn sewɔ la, ba ɛ o lwe tɔpera fifraatoro.

Amanesoma Jɔn Aa Chwera Tɔn 11:31

Juu tena bane baa lɔ Mɛɛre be dem bela dɛɛ larawe o bwara la aa naa kɛŋɔ o iro dɛ ɛ warane le buse la, ba ɡe iro teŋɛ dɛɛ lii kɛŋɔ o ken dɛ kaa bela baa bil o nimambie la ka wi.

Amanesoma Jɔn Aa Chwera Tɔn 11:35

Yeesu wio.

We-ɛɛla 8:2

Nɛra baa dɛ ɔmɛ Korowiirii kaa huɡe Steeven dɛ wiu kɛrɛdɛ.

Mmarare 34:8

Israel tena la ɛ o lwe tɔpera fifraatoro Moab harɛ waa chɔa kaa la ta.

Josua 10:39

Ba pɔ bwɛjen Debir kooro ne o nɛra bwa nɛ, dɛ ka yo bela bwɛjeɡre bwa dɛ kpoo a nɛra bwa kwaraa, nomɛlbwa ta kae. Gɛ baa ɛ bwɛjen Debir ne o kooro la, ɡɛ tentenee ba ɛ Hɛbrɔn ne Lebna koranar ɡe.

Josua 15:13

Jefune bibaa Kaleb waa le Juda dea tena bini la dɔ harɛ la pera, ɡɛ Korowii aa do Josua la. Bwɛjen Hɛbrɔn waa ɛ Aaba kon laanee ba kpɔ tɛ Kaleb. Anak tena nabaalee a ɡɛ Aaba nɔ.

Josua 15:54

ne Humta ne Hɛbrɔn dɛ Sior. A bwa lɔ bwɛjena anuanaarɛ, a ne a bwɛjeɡre.

Josua 20:7

Asɛ Israel tena la le bwɛjen Kedes waa lɔ Galilia harɛ dɛ do Naftale dea deŋɡarere ta. Dɛ le bwɛjen Sɛkem waa lɔ Efrem dea tena harɛ deŋɡarere ta, dɛ bwɛjen Kiriat Aaba, o do Juda dea tena harɛ deŋɡarere ta.

Josua 21:11

Bwɛjen Kiriat Aaba waa lɔ Juda dea deŋɡarere harɛ ta, ne ba kondɛɛra dibɔraa Israel tena kpɔ tɛɛ ba. Anak nabaa sɔne Aaba.

Sitɔɔla 1:10

Ba berɔ ka pu Keenan tena baa soɡe bwɛjen Hɛbrɔn la yo, dɛ pɔ Sɛsae ne Ahiman dɛ Talmai deene tena nɛ.

1 Samoɛl 20:31

Haa jemɛ kɛŋɔ Devid taa soɡe le nɔ, haa won ɛ kooro ya harɛ nɔ ta naa? Kaa taraken dɛ́ ka kpɔɔ ba bonɔ, a chɛ kɛ ó sewɛ.”

1 Samoɛl 25:1

Samoɛl baa sewɛ, asɛ Israel tena bwa cheme dɛ wiu, dɛ huɡo Rama bela waa soɡa. Asɛ Devid berɛ kaa Mayɔn pua hɛŋle ɡbo harɛ ta.

1 Samoɛl 28:3

Samoɛl baa sewɛ, asɛ Israel tena bwa wiu, dɛ huɡo o ɡbaɡba bwɛ bwɛjen Rama. Dɛ Kooro Sɔɔl doŋi nɛra baa voɡa dɛɛ yerɛ lala ne voɡra bwa le harɛ la ta.