Mumpar 22:4 - mzwDBL

⁴ Tɔpetooro wee la, o ha sie nyiŋi dɛ na bela Korowii aa baɡlo la bojaŋ.

Mumpar 22:4 Iomraidhean Croise

Mumpar 22:3

Tɔ aa per chɔmbibii la, o iro do o bone dɛ vɔwɛ dawɛ keeɡo nɛ. O kpɔ o bonɔɔna banɛ ne o bie Aesek, ne daa waa ka mar dɛ ɛ saraha la, asɛ ba chiɡ ŋwɛnɛ ta dɛɛ kaa bela Korowii aa baɡlo la.

Mumpar 22:5

O ŋɔ o bonɔɔna la be ŋɔ, “Hé ne keeɡo nɔ che bonɔ, ásɛ n ne bie nɔ ka soŋe Korowii dɛ́ berɛ ba.”

2 Koranar 20:5

ó berɛ dɛ́ ka ŋɔ Kooro Hɛsɛkea waa dɛ tɔ o nɛra sie be ŋɔ, “Men Korowii he nabaa Devid fa aa tomɔ la, n no he wesoŋa, dɛ na siniire aa dɛ yɔɔre. Mɛɛ chaeh, asɛ tɔpetooro wee la he ir, dɛ́ la men Korowii Dea.

Ɛsta 5:1

Baa vɔwɛ ba nyoa tɔpetooro wee tonɛ la, Ɛsta kpɔ laala aa baɡla kɛ o ɛ kooro haah la do, dɛ ka che koodem baah bela kooro dea doonyoa aa chaɡa, dɛ kooro soɡe o kookara ta o sie chaɡɛ doonyoa.

Kaala 15:22

Ate, Mosis tɔ Israel tena la sie le Mposwɛm la nyoa, dɛ kpɔ ba kaa pua hɛŋle ɡbo harɛ ta bobɛl baa dɛ yerɔ Suur. Ba ɡaaɡe harɛ la ta tɔpera atoro dɛ ba ta nee nae.

Kaala 19:11

dɛɛ kpa tɔpetooro wee la ta, dɛkalkɛ awolaa men Korowii ɡbaɡba ɛɛ ba Sinai Bwejen ta bala nɛra bwa siwi ta.

Kaala 19:15

Asɛ o ŋɔ nɛra la be ŋɔ, “Hé kpɔ he te dɛɛ kpa tɔpetooro wee la. Bɛlbwa ɛɛ berɛ haah chɔe.”

Kaala 5:3

Asɛ Mosis ne Arɔn chaŋe ŋɔ, “Korowii Hibru tena aa dɛ tomɛ la ba ya be, anomanta, tɛ yaa ŋwɛnɛ ya ka ɡaaɡe tɔpera atoro pua hɛŋle ɡbo harɛ ta, dɛ́ ka kpoo kwaa ɛ saraha tɛ Korowii yaa dɛ tomɔ. Dɛ ɡɛ laa, wɛɛ kpɔ laa kɛɛ weechɔɡaa ba kpoo yaa.”

Hosia 6:2

Tɔpera anɛ habɔɔ la wɛɛ lawɛ yaa ir, tɔpetooro wee la, wɛɛ berɔ ba ya ne ya buɡ ta, ásɛ ya do o sie.

Lewi Dea Tena 7:17

Deŋnesɔɔhna saraha ol bɛlbwa waa chɔ ka tel tɔpera atoro la te chɛ kɛ ba fuuh.

Nɛra Kura 10:33

Anomanta, ba pa mun valɛ le Sinai Bwejen la ta, dɛ valɛ tɔpera atoro. Lewi dea tena cheɡɛ Korowii Ne Nɛwɛnyina Fɔo Daka la tɔ ba sie tɔpera atoro, dɛɛ ɡaaɡe bela waa dɔ tɛɛ ba bá so.

Nɛra Kura 19:12

Naate chɛ kɛŋɔ ó kpɔ nee la ane sɔ tɔpetooro wee waa kah doŋa la, ne tɔpenuanɛ wee mɔɔ dɛ́ le o doŋa waa kaah la ta. Kɛ dɛ o ta o doŋa sɔe ta tɔpetooro wee ne tɔpenuanɛ wee la aa, o ta kah doŋa.

Nɛra Kura 19:19

Naate waa wola doŋa kaeh la kpɔ hesɔp daa la su nee la ta, dɛ́ ɛ merɛ naate waa kah doŋa la nɛ tɔpetooro wee ne tɔpenuanɛ wee la ta. Tɔpenuanɛ wee la, ó laa doŋa kpɔ doŋa te la nɛ. Naate baa laa doŋa kpɔ o nɛɛ la chɛɡɛ o laala dɛ́ sɔ ne, ásɛ awola jɔmɔra la, dɛ o le doŋa ta.

Nɛra Kura 31:19

He bini bɛlbwa waa kpo nɛn kɛɛ dɛ leɡe nɛn waa sewa la chɛ kɛŋɔ ó so tɛnte deene la dahare tɔpera anuanɛ. Tɔpetooro wee ne tɔpenuanɛ wee la, hé sɔ he ne nɛra haa laɡ ba laa ta la doŋa bwa ta.

Matiu 17:23

Baa kpo mɛɛ, ásɛ tɔpera atoro ń berɛ ir seo ta.” Ate, dɛ o habɔteŋra la bwa loo kuu.

Amanesoma Luk Aa Chwera Tɔn 13:32

Anee Yeesu ŋɔ ba be ŋɔ, “Hé ka ŋɔ baradeɛre te la be ŋɔ, ‘Mɛɛ so lee dɛɛ doŋi kwaa aa dɛ ir nɛra nɛ, dɛɛ chah weela tena tɔpera anɛ mɔɔ dɛ́ tonɛ n toma.’

1 Kɔrent 15:4

Ba huɡo, asɛ a tɔpetooro wee la Korowii iru seo ta. Gɛɛ Korowii Tɔn baɡle mɔɔ a ɛ.

Josua 1:11

“Hé valɛ Israel tena be bela bwa baa soɡa, dɛ́ ɡel ba no kɛŋɔ kerele ɡbosoo yaa le Jɔɔdan Moo baŋee, dɛ́ ka lɛ harɛ Korowii haa dɛ tomɔ la aa kpɔa dɛɛ tɛ heyaa ŋɔ he kpɔ la. Anomanta, he nyin kondikwaa cheɡ.”

1 Samoɛl 26:13

Belaa Devid ɡale kaa fɛlembɔjen la baŋ bɛl dɛ ka chɔŋɛ deŋɡare la ta, o ne ba baah do jaŋne.