Mumpar 22:2 - mzwDBL

² Belaa o ŋɔ o be ŋɔ, “Kpɔ he bibeŋkpoŋ Aesek haa dɛ nyin o waa la kaa Moria harɛ ta dɛ́ ka kpoo, dɛ́ fuuh ɛ saraha tɛ mɛ. Mɛɛ baɡlee bwejen bɛl haa ka ɛ saraha la o taa.”

Mumpar 22:2 Iomraidhean Croise

Mumpar 17:19

Ate, Korowii ŋɔ, “N noɔ, kɛ Saara ɛɛ lolɛ bibaalee tɛɛ he pa o sɔn Aesek. Onee mɛɛ ba ɡela n fɔo la chɔ n ne o baah ta, dɛ́ chɔ tɛ n ne o ɡe naanar. Wɛɛ ɛ fɔo waa wola jaɡa dɔe bwa.

Mumpar 21:12

Anee Korowii ŋɔ o be ŋɔ, “Bɛ ɡel he yomhaah Heeɡa ne o bie la waa hiaeh kwara. He te dɛɛ no Saara be dɛkalkɛ, Aesek luɡe taa hɛɛ ba he naanar maa baɡɛ nyoa la dɔe.

Mumpar 21:3

Asɛ Abraham pa bie la Saara aa lola tɛo la sɔn Aesek.

Mumpar 22:12

Asɛ o ŋɔ, “Dɛɛ berɛ bie la wobɛlbwa ɛɛ. Namee n ta jemɛ kɛŋɔ he dɛ ɔmɛ Korowii, dɛkalkɛ he ta men he bibeŋkpoŋ nɔ kwaraa vɔmɛ.”

Mumpar 22:16

dɛ ŋɔ, “N ŋwɛɛ n ɡbaɡba kɛŋɔ waa nɔ haa ɛa he ta men he bibeŋkpoŋ kwaraa vɔmɛ nomanta,

Mumpar 22:3

Tɔ aa per chɔmbibii la, o iro do o bone dɛ vɔwɛ dawɛ keeɡo nɛ. O kpɔ o bonɔɔna banɛ ne o bie Aesek, ne daa waa ka mar dɛ ɛ saraha la, asɛ ba chiɡ ŋwɛnɛ ta dɛɛ kaa bela Korowii aa baɡlo la.

Mumpar 22:9

Baa kaa tel bela Korowii aa chaɡle Abraham la, o kwaa kon baa dɛ fuh kwaa o ta dɛɛ jam Korowii la bɛl bela, asɛ dɛ pa daa darawe o ta. O vɔrɔwe o bie Aesek dɛ kpɔɔ dawɛ daa la doa.

Mumpar 8:20

Nowa pa bwea dawɛ dɔŋa nɛ, asɛ dɛ lawɛ ola ne jumbii Korowii aa ŋɔa bá di la bini beŋkpoŋa, dɛ kpoora dɛ fuah ɛ saraha kon la ta, dɛ kpɔ jam Korowii.

2 Koranar 3:27

Asɛ o lawɛ o bibanloɡle waa chiɡ o naa ta dɛ́ di kora la, dɛ kpɔɔ ɛ saraha danjwɛɛ baa maa bar bwɛjen la ta tɛ Moab harɛ voɡ. Israel laa tena la aa na ɡɛ la, ba bambile teŋo kohona ba laa berɛ kaa ba harɛ ta.

2 Webena 3:1

Kooro Solomɔn pa mun dɛ ma Korowii Dea la Jerusalam, Moria Bwejen ta. Dɛ Korowii fa kpɔ o te baɡle o mɛɛ Kooro Devid bela ka, Jebus te Arauna mea lɔ bɔr bela Kooro Devid fa aa yawa la.

Maeka 6:7

Ń kpɔ pebala kaɡboŋa ne ɔleve noo aa wara dɛɛ palɛ kɛŋɔ moo ba tɛ Korowii aa? O sie ɛɛ lɛ n nɛɛ yaa? Kɛɛ ń lawɛ n biloɡle, ba bɔ n wechɔɡa maa ɛa kem ɔ?

Amanesoma Jɔn Aa Chwera Tɔn 3:16

Korowii dɛ nyin nɛwɛnyini taeh. A waa o ɡel men maa ɛ o Bibeŋkpoŋ ɡbo waa dɔɔ la ba harɛ nɔ ta, ásɛ nomɛlbwa waa yarada n waa la bɛ sewɛ, kɛ ó dɔ o mkpa aa wola jaɡa dɔe bwa la.

Tɔn Pɔɔl Aa Chwerɛ Rom Tena 5:8

Maa dɛ ŋɔ nɔ, hé na ɡɛ Korowii tea aa dɛ domɛ nɛwɛnyini nɛ. Gɛ saŋ ya taa ɛ wechɔɡ-ɛɛra la, a taa Yeesu Kristo lɛ ya seo sewɛ.

Tɔn Pɔɔl Aa Chwerɛ Rom Tena 8:32

Nɛn waa wola yaa o Bie kwaraa vɔmɛ, dɛ koh ya bwa waa kpɔɔ do nɛwɛnyina nɔn ta ba kpoo la, bɔkwaa bala waa wola tea ta dɛ́ tɛ yaa komɛlbwa dɛ ja o Bie la nɛɔ?

Hibru 11:17

Yaradaa Abraham yarada Korowii waa o won lawɛ o bie Aesek ŋɔ o dɛ kpɔɔ ɛ saraha dɛ́ tɛ Korowii a ɡɛ saŋ Korowii aa daahno na la. Kɛ Korowii aa ŋɔa ó kpɔ o bibeŋkpoŋ Aesek la ɛ saraha tɛo la, o ta vɛɛh.

Sitɔɔla 11:31

kon te bɛlbwa waa le n dem, dɛ ba chem mɛ ɡɛ saŋ maa kpɔ silɛɛ le Amɔn tena be dɛ berɛ dɛɛ ba dem la, mɛɛ kpoo dɛ́ fuuh ɛ saraha tɛɛ.”

Sitɔɔla 11:39

Korobie anɛ la habɔɔ la, o berɔ ba o mɛɛ be, asɛ o kpɔɔ ɛ ɡɛ waa baɡɛ Korowii nyoa la. O ɛ bitolo waa wola baa jemɛ bwa. Gɛ waa nɔ taa Israel tena dɔ ba nawee waa bɛl le.