Mumpar 22:12 - mzwDBL

¹² Asɛ o ŋɔ, “Dɛɛ berɛ bie la wobɛlbwa ɛɛ. Namee n ta jemɛ kɛŋɔ he dɛ ɔmɛ Korowii, dɛkalkɛ he ta men he bibeŋkpoŋ nɔ kwaraa vɔmɛ.”

Mumpar 22:12 Iomraidhean Croise

Mumpar 20:11

Asɛ Abraham chaŋe ŋɔ, “N liiro kɛŋɔ nomɛlbwa toole dɛɛ ɔmɛ Korowii baah bonɔ. Dɛ n dɛ ɔmɛ kɛŋɔ baa koh n haah waa dɛ́ kpo mɛ.

Mumpar 22:13

Abraham ha sie nyiŋi, asɛ dɛ na pebal o nyeɡlare aa karɛ kaɡra ane ta o che. Asɛ o ka lawɔ dɛ kpoo, dɛ kpɔ chiɡ o bie la naa ta, dɛ fuh ɛ saraha tɛ Korowii.

Mumpar 22:16

dɛ ŋɔ, “N ŋwɛɛ n ɡbaɡba kɛŋɔ waa nɔ haa ɛa he ta men he bibeŋkpoŋ kwaraa vɔmɛ nomanta,

Mumpar 22:2

Belaa o ŋɔ o be ŋɔ, “Kpɔ he bibeŋkpoŋ Aesek haa dɛ nyin o waa la kaa Moria harɛ ta dɛ́ ka kpoo, dɛ́ fuuh ɛ saraha tɛ mɛ. Mɛɛ baɡlee bwejen bɛl haa ka ɛ saraha la o taa.”

Mumpar 26:5

Dɛkalkɛŋɔ Abraham no n be, dɛ ɛ ɡɛ maa dɛ nyin, ne ɡɛ maa doo ŋɔ o ɛ, dɛɛ teŋɛ me Mmara te bɛlbwa ta.”

Mumpar 42:18

Tɔpetooro wee la, Josef ŋɔ o dɔɔranar la be ŋɔ, “N te, n ɛ nɛn maa dɛ ɔmɛ Korowii, dɛ mɛɛ ɡel heyaa yaa, aa che webeŋkpoŋ taa.

Nehemia 5:15

Nomonome baa tɔ n sie nyiŋi Juda harɛ ta mɔɔ la ɛɡre Juda harɛ ta nɛra dɛ lɛ suuɡapoŋa fifraanaarɛ, dɛ kondikwaa ne sen. Hale ba bonɔɔna ɡba fiiɡi nɛra la. Kɛ n te, ɔma maa dɛ ɔmɛ Korowii nomanta, n ta ɡɛ ɛɛ.

Job Tɔn 1:1

Baa bɛl fa lole, o sɔne Job, dɛ do harɛ bɛl ta baa yerɛ bela Us. Wobɛlbwa toole o nɛ, o waa toɡre. O dɛ tomɛ Korowii, dɛ laa o te dɛɛ kpɔ wechɔɡa ta.

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Job Tɔn 5:19

Saŋ bɛlbwa Korowii ɛɛ lɛɛ le wenaale ta.

Yela 1:6

Korowii dɛ nyiŋi nɛra ba wa aa toɡra nɛ, kɛ nɛnchɔɡa ŋwɛnɛre te, a dɛ kaa ba ne seo ta.

Yela 111:10

Korowii ɔmaa dɛɛ ba ɡela he dɔ wejema. Nɛra baa dɛ teŋɛ o waa ta la, o ɡelɔ baa no waa mun kohona. Onee chɛ kpɛɛra saŋ bɛlbwa dɛɛ la.

Yela 147:11

o sie dɛ lɛ nɛra baa dɛ ɔmɔ, ne nɛra baa kpɔ ba te dawɛ o nɛ, ne o nyina aa wola jaɡa dɔe la ta.

Yela 2:11

Hɛ́ɛ ɔmɛ Korowii dɛɛ tomɔ, hé charɛ he liire, dɛ́ ba he te ne harɛ.

Yela 25:12

Nɛra baa dɛ duu Korowii la, wɛɛ baɡ ba ŋwɛnɛɛ baa kpɔ o ta.

Yela 25:14

Nɛra baa dɛ duu Korowii la, o kpɔ ba ɛ o daamanar, o ɡelɔ o ne ba fɔo baa fɔwa la che kiŋkiŋ.

Kaala 20:20

Asɛ o ŋɔ nɛra la be ŋɔ, “He bɛ ɔmɛ. Korowiirii bala dɛ́ ba daah heyaa na, ásɛ hɛɛ ɔmɔ dɛ́ ɡel wechɔɡa ɛɛ.”

Sɛɡla 1:7

Wejema mumparee Korowii ɔma. Gɛna ɡboo dɛɛ vɛh wejema, ne waa baa dɛ do ba a ta.

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Jeremia 19:5

Ba ma kwaa baa ɛ sarahare a ta tɛ voɡ Baal, dɛ fuh ba bibaala ɛ sarahare dɛɛ tɛo. N ta ban doe ŋɔ ba ɛ ɡɛ, a toole n liire ta kwaraa.

Jeremia 32:40

N ne baa fɔwɛ fɔwee ó chɔ le saŋ bɛlbwa dɛɛ la. Maa wedɛɛɡa maa ɛɛ ba ɡel bwa, mɛɛ kpɔ n ɔmaa do ba bini, ásɛ ba bɛ habɔɔ berɛ kpo mɛ kpa.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Matiu 16:24

Asɛ Yeesu ŋɔ o habɔteŋra la be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina dɛ́ kpɔ o te kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Matiu 19:29

Asɛ nomɛlbwa ɡe koh n waa dɛ ɡel o dem ne o nahaahnanar, ne o dɔɔranar ne nimanar, ne o nya ne o mɛɛ, ne o bii dɛ kooni aa, wɛɛ dɔ a dɔŋa bele lafaa, dɛ́ berɛ dɔ mkpa aa wola jaɡa dɔe bwa la ɡe.

Matiu 5:16

Gɛɛ chɛ kɛŋɔ hé chaah tɛ nɛra, ásɛ ba na he wedɛɛɡa ɛɛ, dɛ́ duu he Mɛɛ waa lɔ nyundua la.”

Amanesoma Jɔn Aa Chwera Tɔn 3:16

Korowii dɛ nyin nɛwɛnyini taeh. A waa o ɡel men maa ɛ o Bibeŋkpoŋ ɡbo waa dɔɔ la ba harɛ nɔ ta, ásɛ nomɛlbwa waa yarada n waa la bɛ sewɛ, kɛ ó dɔ o mkpa aa wola jaɡa dɔe bwa la.

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

Tɔn Pɔɔl Aa Chwerɛ Rom Tena 5:8

Maa dɛ ŋɔ nɔ, hé na ɡɛ Korowii tea aa dɛ domɛ nɛwɛnyini nɛ. Gɛ saŋ ya taa ɛ wechɔɡ-ɛɛra la, a taa Yeesu Kristo lɛ ya seo sewɛ.

Tɔn Pɔɔl Aa Chwerɛ Rom Tena 8:32

Nɛn waa wola yaa o Bie kwaraa vɔmɛ, dɛ koh ya bwa waa kpɔɔ do nɛwɛnyina nɔn ta ba kpoo la, bɔkwaa bala waa wola tea ta dɛ́ tɛ yaa komɛlbwa dɛ ja o Bie la nɛɔ?

1 Kɔrent 10:13

Nomɛlbwa dɛ na wekpeɡa. Anomanta, dɛ he dɛ na wekpeɡa aa, he laa bɔ bere. Korowii waa dɔ yarada. Waa ɡel wekpeɡa bɛlbwa ɡwaa he nɛɛ ásɛ he horɛ. Wɛɛ baɡle heyaa ŋwɛnɛ haa kpɔ dɛ́ won lawɛ bambile ka tel kɛŋɔ haa le a nyoa.

2 Kɔrent 8:12

Dɛ he bambile lawɔ kɛ hɛɛ tɛ suuɡaa yaa, ɡɛ bwa haa dɔa dɛ tɛ la, aa su Korowii siwii. Waa ŋɔ hé tɛ ɡwaa ɡɛ haa dɔa.

Hibru 11:19

Dɛ Abraham jemɔ kɛŋɔ hale dɛ Aesek sewɔ kwaraa naa, Korowii dɔ kpeɡri kɛŋɔ ó won iru seo ta. Yaa wonoo ŋɔ sewaa Aesek sewɛ dɛ berɛ ba Abraham nɔn ta ja.

Hibru 12:28

Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ,

Jems 2:18

Bɛl lole nomɛl ɛɛ ŋɔɔ yaradae ɡboo wɛɛ yarada Korowii, ásɛ bɛl ɡe ŋɔ wedɛɛɡaa o ɡee ɛ. Kɛ ɡɛ ɡe aa won maɡre. Ɛrɛɛ hɛɛ ba wona baɡ mɛ he yarada dɛ he ta wedɛɛɡa ɛɛ dɛɛ ja a ta nɔ? N te, mɛɛ che n wedɛɛɡa ɛɛ taa, ásɛ he jemɛ kɛ n dɛ yarada Korowii.

Wepila 19:5

Asɛ taa bɛl le kookara la ta dɛ ŋɔ, “He nɛra haa ɛ N Naa Korowii bonɔɔna ne o toli la, hɛ́ɛ tɛo sɔn. He bini nɛŋɡwɛɡra ne nɛnjena haa dɛ ɔmɔ bwa, hɛ́ɛ tɛo sɔn.”

1 Samoɛl 15:22

Kɛ Samoɛl chaŋo ŋɔ, “Korowii sie dɛ lɛ saraha baa fuah ne kwaa baa kpoora, ɡwaa kɛ haa no o deŋna wa aa? Korowii deŋna waa noe wer ɡwaa kɛ haa kpo pedɛɛɡe ɛ saraha tɛo.