Mumpar 21:4 - mzwDBL

⁴ O bie Aesek aa dɔ yawanyoa la, o teŋe o pen ɡɛ Korowii aa ŋɔ o be la.

Mumpar 21:4 Iomraidhean Croise

Kaala 12:48

Nɛŋhɔɔh bɛlbwa waa baa so he bini dɛ nyin o di Galekaa kondikwaa nɔ Korowii sɔn ta naa, a chɛ kɛŋɔ ó teŋe o bibaala ne baala baa lɔ o dem bwa pena, ásɛ he ne ba bwa ɛ nɛnsiwi beŋkpoŋ mɔɔ dɛ́ won di ane. Bibaa te bɛlbwa baa wola o pen teŋe la ta chɛ kɛŋɔ ó di ane.

Lewi Dea Tena 12:3

Tɔpenuatoro wee la, bá teŋe bie la pen.

Amanesoma Luk Aa Chwera Tɔn 1:59

Bie la aa dɔ yawanyoa la, ba balɔ ŋɔ ba ba teŋe o pen, dɛ fe ɛɛ nyin bá kpɔ o mɛɛ Sekaria sɔn pao.

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Amanesoma Luk Aa Chwera Tɔn 2:21

Bie la aa dɔ yawanyoa la, ba teŋe o pen, dɛ pa o sɔn Yeesu, ɡɛ tenten nyundua torome la aa ŋɔa mɔɔ o nya kpoŋe o tea la.

We-ɛɛla 7:8

Asɛ Korowii baɡle Abraham ŋɔ wɛ́ɛ teŋe o bii pena, ásɛ a ɡɛ waa la ɛ nawee dɛ́ che tɛ o ne Abraham fɔo la baa fɔwa la wa. A waa Abraham aa lolɛ o bie Aesek o dɔ yawanyoa beŋkpoŋ la, ba teŋe o pen. Aesek ɡe aa baa lolɛ o bie Jekɔb la, o teŋe o pen. Asɛ Jekɔb ɡe teŋe o bii fi dɛ banɛ baa ɛ ya deene nomonome la bwa pena.

Mmarare 12:32

Hé do sie dɛ́ ɛ waa maa do heyaa a ta nɔ, he bɛ waane kpɔ ja a ta, he bɛ ane ɡe laa kpɔ le a ta.”