Mumpar 21:2 - mzwDBL

² Saara kpoŋe tea, dɛ lolɛ bibaa tɛ Abraham o hwɛɛhra bini, ɡɛ saŋ tenten Korowii aa baɡɔ nyoa ŋɔ baa lolɛ bie laanee la.

Mumpar 21:2 Iomraidhean Croise

Mumpar 17:19

Ate, Korowii ŋɔ, “N noɔ, kɛ Saara ɛɛ lolɛ bibaalee tɛɛ he pa o sɔn Aesek. Onee mɛɛ ba ɡela n fɔo la chɔ n ne o baah ta, dɛ́ chɔ tɛ n ne o ɡe naanar. Wɛɛ ɛ fɔo waa wola jaɡa dɔe bwa.

Mumpar 17:21

Kɛ mɛɛ ɡeloo n fɔo la do n ne he bie Aesek Saara aa dɛ ba o lola benanyoa saŋ nɔ bɔr la baah.”

Mumpar 18:10

Asɛ baala la bɛl ŋɔ Abraham be ŋɔ, “Benanyoa ne chema saŋ nɔ bɔr ja mɛɛ berɔɔ ba he be. Kɛ n ne bala la, dɛ Saara lolɛ bibaa dawɛ o nakpale ta.” Dɛ Saara ɡe soɡe tɛnte dea la doonyoa Abraham habɔɔ dɛɛ no a bwa.

Mumpar 18:14

Bɔkwa waa kpeɡa men Korowii be maa wola won ɛɔ? Anee n faa bol he be la, benanyoa ne chema saŋ nɔ bɔr n berɛ ba he be la, dɛ Saara dɔ bibaa dawɛ o nakpale ta.”

Amanesoma Luk Aa Chwera Tɔn 1:36

Dɛɛ no! He lole Ɛlesabɛt baa dɛ lii kɛŋɔ o hwɛɛhrɔ ŋɔ waa lolɛ la, taraken o jo tea. Korobie anumɛlee nɔ, kɛ o ɡe fe ɛ hambara.

We-ɛɛla 7:8

Asɛ Korowii baɡle Abraham ŋɔ wɛ́ɛ teŋe o bii pena, ásɛ a ɡɛ waa la ɛ nawee dɛ́ che tɛ o ne Abraham fɔo la baa fɔwa la wa. A waa Abraham aa lolɛ o bie Aesek o dɔ yawanyoa beŋkpoŋ la, ba teŋe o pen. Aesek ɡe aa baa lolɛ o bie Jekɔb la, o teŋe o pen. Asɛ Jekɔb ɡe teŋe o bii fi dɛ banɛ baa ɛ ya deene nomonome la bwa pena.

Tɔn Pɔɔl Aa Chwerɛ Rom Tena 9:9

dɛkalkɛŋɔ Korowii aa baɡɛ Abraham nyoa la, waa waa bola laanee kɛŋɔ, “Benanyoa saŋ nɔ mɛɛ berɔɔ ba. N ne bala dɛ Saara lolɛ bibaa.”

Galaasia 4:22

Korowii Tɔn ta baɡlɛ kɛŋɔ bibaala banɛɛ Abraham dɔ aa? Dɛ bibaala banɛ nɔ bɛl nya ɛ yom, asɛ nɛɛte la te nya ta yom ɛɛ.

Hibru 11:11

Abraham yaradae waa dɛ yarada Korowii la taa a che o won lolɛ dɛ o hwɛɛhrɔ, asɛ o haah Saara ɡe ɛ hambara. Dɛ o jemɔ kɛŋɔ nyoa Korowii aa baɡɔ la, wɛɛ ɛo.

Josua 24:3

Asɛ n lawɛ he nabaa Abraham le Yufretis Moo la baŋ bela, dɛ tɔ o sie ba o ne Keenan harɛ ta, dɛ swee andɛɛɡa tɛo o dɔ naanar warɛ. O lolɛ Aesek,