Mumpar 21:17 - mzwDBL

¹⁷ Belaa Korowii no bie la wii, asɛ o nyundua torome che nyundua ŋɔ Heeɡa be ŋɔ, “Heeɡa, bɔkwa waa dɛɛ hae nɔ? Bɛ ɔmɛ. Korowii no he bie la waa chɔ bela la wii.

Mumpar 21:17 Iomraidhean Croise

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

Mumpar 16:11

Dɛ berɛ ŋɔ o be ja ŋɔ, “Bie lɔ he be. Hɛɛ lolɛ bibaalee dɛ́ pa o sɔn Ismael, dɛkalkɛ Korowii no he suna wii.

Mumpar 16:7

Waa dɛ kaa la, belaa Korowii nyundua torome bɛl ba o be. Dɛ o lɔ bobɛl nee aa dɛ bule pua hɛŋle ɡbo harɛ bɛl ta, dɛ do bwɛɛ Suur ŋwɛnɛ ta.

Mumpar 16:8

Korowii nyundua torome la bɔɔro ŋɔ, “Sarai tolo Heeɡa, leperaa hɛɛ kaalɔ?” Asɛ o ŋɔ, “Chwae n chwa le n nya Sarai be.”

Mumpar 16:9

Asɛ Korowii nyundua torome la ŋɔ o be ŋɔ, “Berɛ kaa o be dɛ́ kaa tomɔ.”

Mumpar 22:11

Asɛ Korowii nyundua torome bɛl che nyundua yerɔ, “Abraham!” Anee o sɛh ŋɔ, “Menee nɔ.”

Mumpar 24:7

Dɛ berɛ ŋɔ, “Korowii Waa Dɛ Di Kora Nyundua laanee kpɔ mɛ le n mɛɛ dem ne harɛ baa lol mɛ o ta la ta, dɛ ŋwɛɛ baɡ mɛ kɛŋɔ n naanaree wɛɛ ba ɡɛ harɛ nɔ kpɔe tɛ. Wɛɛ ɡeloo o nyundua torome tɔ he sie, ásɛ he won ka dɔ haah ba tɛ n bie nɔ.

Mumpar 26:24

Awola jwaana la ne la, Korowii ba o be kɛŋɔ deera ta ken dɛ ŋɔ, “Menee Korowii he mɛɛ Abraham aa tomɔ la. Bɛ dɛɛ ɔmɛ, mɛɛ che he habɔɔ. Mɛɛ koh n bonɔndɛɛɡe Abraham waa dɛ́ tɛɛ hɛɛra dɛ́ ɡel he naanar warɛ.”

Mumpar 46:3

Belaa Korowii ŋɔ o be ŋɔ, “Menee Korowii he mɛɛwa aa tom mɛ la. Bɛ ɔmɛ kɛŋɔ he dɛ kaa Ijipt harɛ ta. Mɛɛ ɡeloo he mun ya bela taeh.

2 Koranar 13:23

kɛ Korowii dɔ tedoma ba nɛ dɛ na ba sum, fɔo o ne ba naawa Abraham ne Aesek ne Jekɔb aa fɔwa la wa. Ba le fini, waa nyin kɛŋɔ ó chɔɡ ba, kɛɛ dɛ́ doŋ ba le o sie.

2 Koranar 13:4

Kooro Jehoahas soŋe Korowii a wa, asɛ o no. Dɛ Korowii na fiiɡa Siiria kooro aa dɛ fiiɡi Israel tena kohona.

Yela 10:14

N Naa Korowii, he dɛ na nɛra siswɛm ne lokua wa, dɛ yon dɛɛ cha ba. He nɔn taa nɛŋɡwɛɡra kpɔ ba nyu dɛɛ do, hɛɛ cha ba saŋ bɛlbwa.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Yela 6:8

Wechɔɡ-ɛɛra, hé le n sie! N Naa Korowii, no n wii.

Yela 65:2

dɛkalkɛ henee dɛɛ no ya wesoŋa. Nɛra ɛɛ le bobɛlbwaa ba he be dɛ́ ba tomɛ,

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Kaala 14:13

Asɛ Mosis chaŋ ba ŋɔ, “He bɛ ɔmɛ, hé che kiŋkiŋ dɛ na lɛɛ Korowii aa dɛ ba heyaa lɛɛ fini. Ijipt tena haa dɛ na ba fini nɔ, haa ban na kpa bwa.

Kaala 22:23

He fiɡ ba asɛ ba wi no men Korowii aa, mɛɛ cha baa.

Kaala 22:27

o ɡboo ken ɛ yal waa dɔa dɛ́ kpɔ tɔ. A ba ɡɛ naa, bɔkwaa wɛɛ ba dɔe dɛ́ kpɔ tɔ chɔɔ? O wio no men Korowii aa, mɛɛ no o bee, dɛ́ chao dɛkalkɛ n dɔ tedoma dɛ tɛ nɛra.

Kaala 3:2

Belaa Korowii nyundua torome bɛl kpɔ o te baɡlo dawii ane aa dɛ lawɛ nii baah ta. Mosis nao kɛŋɔ nii dɛ le bela, kɛ dɛ dawii la ɡe aa fuh.

Kaala 3:7

Anee Korowii ŋɔ, “N na sibeɡra kohona baa dɛ do n nɛra baa lɔ Ijipt. N no ba wii, dɛ le ba dɔɔranar tonchɔɡa baa dɛ do ba la ta, anomanta, ba waa hiah mɛ kohona.

Aesaya 22:1

Waa aa chiɡ Chaahna Fɛlembɔjen ta, Korowii bol baɡle Aesaya chaahna ta laanee nɔ. Bɔkwaa waa bala ɔ? Ɛrɛɛ bwɛjen nɔ nɛra bwa ɛɛ lɛ ba sie saldor nɔɔ?

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Matiu 15:32

Yeesu yerɛ o habɔteŋra la dɛ ŋɔ ba be ŋɔ, “Nɛra nɔ waa dɛ domɛ n tea, dɛkalkɛ n ne baa soɡa tɔpera atoroo nɔ, taraken ba ta komɛlbwa dɔe dɛ́ di. Dɛ n ɡel ba ɡɛ ba kpɔ lɔr kaa laa, baa ɡwɛɡre ŋwɛnɛ taa.”

Amanesoma Mak Aa Chwera Tɔn 5:36

Yeesu ta waa baa dɛ bol la ta teŋɛ, dɛ ŋɔ nomoa la be ŋɔ, “Bɛ ɔmɛ, kɛ yarada mɛ.”

Mmarare 26:7

Anee ya wi no Korowii ya naawa aa dɛ tomɔ la, asɛ o no ya be. O na ɡɛ baa dɛ do yaa tomkpeɡa ta ne wahala yaa lɔ a ta.

Sitɔɔla 18:23

Ba teŋɛ ba nɛɛ dɛ kpɔ takpeɡ dɛɛ yer ba, asɛ Dan dea tena la laa berɛ dɛ bɔɔ Maeka ŋɔ, “Bɔkwa waa yɔ? Ɛrɛɛ he yerɛ he nɛra bá ba yo yaa nɔɔ?”

1 Samoɛl 11:5

Buɡ la ta, dɛ Sɔɔl teŋɛ o nae baa kpɔa dɛɛ parɛ le koo ta dɛɛ ba. Waa no wii la, o bɔɔrɔ ŋɔ, “Bɔkwa waa chiɡa ɔ? Ɛrɛɛ bɛlbwa ɛɛ wi ɡɛ nɔɔ?” Asɛ ba bol waa Jabes baala la aa baa bol la ba be.