Mumpar 21:15 - mzwDBL

¹⁵ Pur bini nee la baa tonɛ o kpɔ bie la ka bil dajeɡa bɛl lɔɡa,

Mumpar 21:15 Iomraidhean Croise

Mumpar 21:14

Anomanta, Abraham iro chɔmbibii dɛ kpɔ kondikwaa ne oltɔn pur, dɛ do nee o bini o su dɛ kpɔ chɔŋɛ Heeɡa vaama ta. O lawɛ bie la ja o nɛ, dɛ ta ba ŋwɛnɛ ba kaa. Heeɡa aa lea kaa la, bobɛl waa ɛ pua hɛŋle ɡbo harɛ baa yerɔ Beɛseebaa o ka do dɛɛ ɡaaɡe.

Mumpar 21:16

asɛ dɛ kaa ɡelo dɛ ɛ naɡale lafa del dɛ ka so. O lii o nyu bini ŋɔ, “Maa won che nyiŋi, ásɛ n bie sewɛ n siwi ta.” O soɡe bela dɛ wi kohona.

1 Koranar 17:12

Anee haah la ŋɔ, “N ŋwɛɛ Korowii haa dɛ tomɔ o do le saŋ bɛlbwa kɛŋɔ n ta paanoo dɔe, men tama ne noo tama anee ka vii bini, n ba dɛɛ ba ba nyin daa dɛ́ ka ɛ n ne n bie di. A habɔɔ dɛ́ so lɔr sewɛ.”

2 Koranar 3:9

Ate, Israel Kooro Joram ne Juda Kooro Jehosafat, dɛ Edom kooro kpɔ ba laa tena le. Ba valɔ kpɔ ŋwɛnɛ waa ɡoɡla ta tɔpera anuanɛ, asɛ ba nee ba tonɛ, ane toole nɛra ne ba kondɛɛra nyɔ.

Yela 63:1

N Naa Korowii maa dɛ tomɛ, n pɛla dɔe sibeɡra ne, n bambile lawɛ kɛ nyɔɡre aa dɛ kpo nɛn, wɛɛ nyin nee dɛ nyɔ, pua hɛŋle ɡbo harɛ ta, bela nee aa wola toole.

Aesaya 44:12

Nii taa loɡre do buni dɛ́ yon kpɔ dɛɛ ɛ toma. Hamba nee wɛɛ lɔɔro bokpeɡa ne, dɛ́ ɛo ɡɛ waa dɛ nyin kɛ kon la mar do. Lɔr ne nyɔɡre nee wɛɛ ɛo dɛ́ ba koh.

Jeremia 14:3

Nomonjena tomɛ ba bonɔɔna ŋɔ bá ka nyin ne. Ba la kwaa aa won nee lɛɛ ta ba ta nee nae. Ba kpɔ ba polviine berɛ ba pɛɛ, ba bambile chɔɡɔ ba hwɛɡa ta pɛɛ, dɛ kpɔ kwaa bɔle nyuune, a baɡle kɛŋɔ ba loo kuu.