Mumpar 21:14 - mzwDBL

¹⁴ Anomanta, Abraham iro chɔmbibii dɛ kpɔ kondikwaa ne oltɔn pur, dɛ do nee o bini o su dɛ kpɔ chɔŋɛ Heeɡa vaama ta. O lawɛ bie la ja o nɛ, dɛ ta ba ŋwɛnɛ ba kaa. Heeɡa aa lea kaa la, bobɛl waa ɛ pua hɛŋle ɡbo harɛ baa yerɔ Beɛseebaa o ka do dɛɛ ɡaaɡe.

Mumpar 21:14 Iomraidhean Croise

Mumpar 16:7

Waa dɛ kaa la, belaa Korowii nyundua torome bɛl ba o be. Dɛ o lɔ bobɛl nee aa dɛ bule pua hɛŋle ɡbo harɛ bɛl ta, dɛ do bwɛɛ Suur ŋwɛnɛ ta.

Mumpar 19:27

Tɔ aa pera chɔmbibi la, Abraham berɔ la bela waa cheɡa Korowii bol waa o be la.

Mumpar 21:13

He yomhaah bie la ɡe la, wɛɛ yao taeh, dɛ́ ɡe dɔ ba harɛ, dɛkalkɛ he bie o ɡe.”

Mumpar 21:15

Pur bini nee la baa tonɛ o kpɔ bie la ka bil dajeɡa bɛl lɔɡa,

Mumpar 21:31

Ba pa bela sɔn Beɛseeba, dɛkalkɛŋɔ belaa ba nɛra banɛ la cheme dɛ fɔwɛ fɔo.

Mumpar 21:33

Asɛ Abraham chɔɔ daa bɛl Beɛseeba bela, dɛɛ tomɛ Korowii waa lole saŋ bɛlbwa la bela.

Mumpar 22:19

Belaa Abraham berɛ ba o bonɔɔna la be, asɛ ba ir ba Beɛseeba, Abraham so bela.

Mumpar 22:3

Tɔ aa per chɔmbibii la, o iro do o bone dɛ vɔwɛ dawɛ keeɡo nɛ. O kpɔ o bonɔɔna banɛ ne o bie Aesek, ne daa waa ka mar dɛ ɛ saraha la, asɛ ba chiɡ ŋwɛnɛ ta dɛɛ kaa bela Korowii aa baɡlo la.

Mumpar 24:54

Awola ba hɔɔh o ne baala baa ja o nɛɛ la kɛrɛdɛ. Ba chɔ bela jwaana la ne. Asɛ tɔ aa pera chɔɔ la, o soŋ ba ŋwɛnɛ, dɛ́ berɛ kaa o dɔɔ be.

Mumpar 25:6

Waa soɡe le waa wola sewɛ mɔɔ la, o kɛ bii o ne o sɛnanar bane aa bera dɔ ja la koŋkwaare, asɛ dɛ ta ba ŋwɛnɛ ba kaa wee leebɔr pera dɛ le Aesek jwɛh.

Mumpar 26:31

Tɔ aa pera chɔmbibi la, ba ŋwɛɛrɔ baɡle dɔŋa, asɛ ba fɔo la che, o ta ba ŋwɛnɛ deŋnesɔɔhna ta ba kaa.

Mumpar 26:33

Asɛ baa yerɔ Seeba. Anomanta, dɛ ba le fini, ba dɛ yerɛ bwɛɛ la Beɛseeba.

Mumpar 28:18

Tɔ aa pera chɔmbibi la, o kpɔ bwe waa kpɔ o nyu serɛ o ta la pa bela harɛ la ta, dɛ́ kpɔ dɛɛ lii bela, dɛ fuɡe noo ta o ta dɛ kpɔ do Korowii nɔn ta.

Mumpar 37:15

Waa le Sɛkem dɛ kaa ɡaaɡe ba bɔr la, baa bɛl nao kɛŋɔ waa lɔ kpɔɡ bini bela dɛɛ ɡaaɡe. Asɛ dɛ bɔɔro ŋɔ, “Bɔkwaa hɛɛ nyin bonɔ nɔ?”

Mumpar 46:1

Jekɔb kpɔ kwaa waa dɔa bwa, dɛ chiɡ ŋwɛnɛ ta, dɛ ba tel Beɛseeba. O kpoo kwaa ɛ saraha tɛ Korowii o mɛɛ Aesek aa tomɔ la bela.

1 Koranar 19:3

Elaeja ɔmɔ, dɛ kpɔ o bonɔɔ chwa kaa Beɛseeba waa lɔ Juda harɛ ta, ásɛ dɛ dɔ o nyu. O baa ɡel o bonɔɔ la bela,

2 Webena 29:20

Tɔ aa pera chɔmbibi la, Kooro Hɛsɛkea yerɛ Jerusalam nomonome bwa cheme, asɛ ba la Korowii Dea bela.

Yela 107:4

Bane nyoɡre pua hɛŋle ɡbo harɛ ta bela, ba ta bwɛɛ bɛlbwa nae dɛ́ ka so o ta.

Yela 119:60

Mɛɛ ɛ waranee maa wola hɛlɛ, dɛ́ɛ teŋɛ waa haa do mɛ a ta la.

Sɛɡla 27:14

Dɛ he felo chɔmbibi dɛ kpɔ takpeɡ chɔɔ he dɔŋ aa, a dɛ berɛ chɛɡa tɛ nɛn haa chɔɔro la.

Sɛɡla 27:8

Gɛ jumbie yon ir le o kɔr ta dɛ kaa la, ɡɛɛ nɛn waa jo pua kaa dɛ ɡel o dem la do.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Aesaya 16:8

Kooni aa bɛne Hɛsbɔn bwa chɔɡɔ, ɡɛɛ daa kooni aa lɔ Sibma la ɡe chɔɡ. A ɡɛ daa kooni la nɔna senee harɛre nomonjena fa nyɔ dɛɛ dɛɛ. Daa kooni la fa yɛɛrɔ tel bwɛjen Jasa, ne pua hɛŋle ɡbo harɛ la ta, dɛ kpoŋe kaa Yar Mpo ta.

Amanesoma Jɔn Aa Chwera Tɔn 8:35

Yom aa o dɔɔ deemii do ka tonɛ, kɛ dem te bie te ɛɛ do dem belaa saŋ bɛlbwa.

Josua 3:1

Ate, tɔ aa pera chɔmbibi la, Josua ne Israel tena la le Sitim dɛ ka so Jɔɔdan Moo nyoa tama mɔɔ dɛ ɛɡɛ le o baŋ.

1 Samoɛl 15:12

Tɔ aa pera chɔmbibi la, Samoɛl iro la ka ɡaaɡe Kooro Sɔɔl bɔr, asɛ ba ŋɔ o be ŋɔ, “Ó kaa Kaamɛl. Asɛ o ma kon cheɡ bela o sɔn ta, dɛ kpɔ dɛɛ lii laa waa yoa dɛ pɔ nɛra nɛɛ la wa, dɛ berɛ kaa Gelɡal.”