Mumpar 21:10 - mzwDBL

¹⁰ Belaa o ŋɔ Abraham be ŋɔ, “Doŋi yomhaah la ne o bie la. Dɛkalkɛŋɔ yomhaah la bie ne n bie Aesek aa won pɛ di he kapɛrɛ a maɡre.”

Mumpar 21:10 Iomraidhean Croise

Mumpar 17:19

Ate, Korowii ŋɔ, “N noɔ, kɛ Saara ɛɛ lolɛ bibaalee tɛɛ he pa o sɔn Aesek. Onee mɛɛ ba ɡela n fɔo la chɔ n ne o baah ta, dɛ́ chɔ tɛ n ne o ɡe naanar. Wɛɛ ɛ fɔo waa wola jaɡa dɔe bwa.

Mumpar 17:21

Kɛ mɛɛ ɡeloo n fɔo la do n ne he bie Aesek Saara aa dɛ ba o lola benanyoa saŋ nɔ bɔr la baah.”

Mumpar 20:11

Asɛ Abraham chaŋe ŋɔ, “N liiro kɛŋɔ nomɛlbwa toole dɛɛ ɔmɛ Korowii baah bonɔ. Dɛ n dɛ ɔmɛ kɛŋɔ baa koh n haah waa dɛ́ kpo mɛ.

Mumpar 22:10

Belaa o ha nɔn kpɔ kere la dɛ́ fee kpɔ kpo o bie la.

Mumpar 25:19

Kenii Abraham bibaa Aesek soɡa bini waa do.

Mumpar 25:6

Waa soɡe le waa wola sewɛ mɔɔ la, o kɛ bii o ne o sɛnanar bane aa bera dɔ ja la koŋkwaare, asɛ dɛ ta ba ŋwɛnɛ ba kaa wee leebɔr pera dɛ le Aesek jwɛh.

Sɛɡla 22:10

Doŋi bammuɡli nɛn le he jwɛh, ásɛ wobobala ne naɡra ne chɛɡa bwa tonɛ.

Matiu 22:13

Anee kooro la den ŋɔ o bonɔɔna la be ŋɔ, ‘Hé vɔrɔwe baa nɔ nɔɔra ne o nakpale, dɛ́ kpɔɔ ka ta dahara biro ta. Belaa wii ne weweele do.’ ”

Amanesoma Jɔn Aa Chwera Tɔn 8:35

Yom aa o dɔɔ deemii do ka tonɛ, kɛ dem te bie te ɛɛ do dem belaa saŋ bɛlbwa.

Galaasia 3:18

Dɛ Mosis Mmara la ta teŋa taa aa ba cheɡa Korowii ɛ yaa o wedɛɛɡe la te naa, ate dɛ o nyoa waa baɡɛ Abraham la ɛ pɛɛ. Kɛ ɡɛ laa a do. Nyoa Korowii aa baɡɛ Abraham la waa o sune o nɛɛ dɛ chao, dɛ ŋɔ wɛɛ ɛo wedɛɛɡee la.

Galaasia 4:7

Taraken nɔ, nɛndɔɔla laa heyaa kpa, Korowii biirii heya. Haa ɛ Korowii bii la nomanta, wɛɛ tɛ heyaa kwaa waa dɛ tɛ o bii bwa laanee.

1 Pita 1:4

Ya dɛ hwɛɡɛ kondɔɔh waa kwaara cheɡ yaa la ta kɛŋɔ aa ɛ ya kwaa. O kwaa a bwa cheɡ heyaa Korowii doa, belaa aa wola pɔh, aa wola chɔɡ, aa wola tu bwa.

1 Jɔn 2:19

Dɛ bane fa ja ya nɛ, kɛ dɛ ba ta denɛ ɛ ya bini bane, dɛkalkɛ ba chwao. Dɛ ba fe ja ya nɛ aa, ya ne ba fe ta pɛo. Kɛ ba chwao, asɛ a den baɡle kɛŋɔ ba bini bɛlbwa ta ya nɛɛ jae.

Sitɔɔla 11:2

Gelead haah ɡbaɡba ɡe lolɛ bibaala tɛo, asɛ baa kpeɡa la ba doŋi Jɛfta. Ba ŋɔ o be ŋɔ, “Haa kapɛrɛ komɛlbwa dɔe ba dɛ́ le ya dem bonɔ. He nya korɔ.”