Mumpar 20:9 - mzwDBL

⁹ Belaa o yerɛ Abraham dɛ bɔɔro ŋɔ, “Bɔkwa waa he ɛ yaa ken? Bɔkwa waa n den ɛɛ, asɛ he fe ɛɛ ba wechɔɡa damanta nɔ dɔŋa kpɔe ba ta n ne n nɛra nɛɛ nɔɔ? A ta chɛ kɛ he kpɔ a ɡɛ waa nɔ ɛɛ mɛ.

Mumpar 20:9 Iomraidhean Croise

Mumpar 12:18

Belaa kooro la aa na ɡɛ la, o tomɛ ba ka yerɛ Abram ba, asɛ o pɛɛro ŋɔ, “Bɔkwa waa he ɛɛ mɛ kenɔ? Ɛrɛɛ he ta n be ŋɔe ŋɔ he haahnee yɔ?

Mumpar 20:10

Bɔkwa waa ba he nyu bini he ɛ ɡɛ waa nɔ nɔɔ.”

Mumpar 20:8

Anomanta, tɔ aa pera chɔmbibi ne la, Kooro Abemɛlɛk yerɛ o nomonome bwa cheme, dɛ bol ɡɛ waa nɔ bwa ba be, asɛ ɔmee laɡ ba kohona.

Mumpar 26:10

Belaa Kooro Abemɛlɛk ŋɔ, “Bɔkwaa he ɛ yaa ken? A ka tamaa ken ya bini bɛl fe nyin he haah nɔ, dɛ he fe ɡelɔ ya ɛ wechɔɡa dawɛ ya nɛ.”

Mumpar 29:25

Jekɔb ne haah la aa kaa chɔ la, bɔr chaahnɔ mɔɔ o ta na kɛŋɔ Leaa o ne o chɔ la. Belaa o la Laban be dɛ ka bɔɔro ŋɔ, “Bɔkwa waa he ɛɛ mɛ ken? Rakɛl waa laa n koh dɛ ɛ he toma aa? Aah ɛrɛ he berɛ neɡ mɛ ken nɔɔ?”

Mumpar 34:7

dɛ Jekɔb bii la ɡe denɔ le kpɔɡ bini ba. Baa baa no waa la la, a we ba nɛ, asɛ ba baah di kohona kɛŋɔ Sɛkem aa ɛ wedoŋa dɛ nyiŋi Israel tena nyubaah kɛŋɔ waa ɡuɡri ba nimambie o ne o chɔ la.

Mumpar 38:24

Dɛ ɛ korobie atoro habɔɔ nomɛl ba ŋɔ Juda be ŋɔ, “He helahaah kaa bɔ jwamane dɛ kpoŋe tea.” Belaa o ŋɔ, “He lawɔ le dɛ́ ka fuuh!”

Mumpar 39:9

Nomɛlbwa toole dɛ dɔ kpeɡri n nɛɛ dem bonɔ nemenɛ on. O ta komɛlbwa ɡe waa lɔ dem bonɔ kpɔe sɔɔh mɛ, nemenɛ he ɡbosoroo dɛkalkɛ o haahnee hen. Ɛrɛɛ mɛɛ ba wona ɛ a ɡɛ wechɔɡa nɔ dɔŋa dɛ́ jo Korowii nɛɔ?”

2 Samoɛl 12:5

Kooro Devid aa no waa nɔ la, o baah di suuɡa te la nɛɛ kohona, dɛ ŋɔ Netan be ŋɔ, “N ŋwɛɛ Korowii waa lole kɛŋɔ, naate waa ɛ ɡɛ waa nɔ deno chɛ kɛŋɔ bá kpoo!

2 Samoɛl 13:12

Asɛ o ŋɔ o dɔɔ be ŋɔ, “Akai, bɛ men ɡuɡri. A ɡɛ waa nɔ ta chɛ kɛ bá ɛa Israel harɛ nɔ ta! A ɛ wedoŋa kohona.

Kaala 32:21

O bɔɔ Arɔn ŋɔ, “Ɛrɛɛ nɛra nɔ ɛɛ asɛ he ɡel ba ɛ a ɡɛ wechɔɡ damanta nɔɔ?”

Kaala 32:35

Gɛɛ a do Korowii kpɔ weechɔɡa ba ta Israel tena la nɛ, suuɡaswɛm nabale Arɔn aa kwaara baa tomɔ la wa.

Sɛɡla 28:10

He neɡre nɛndɛɛɡe dɛɛ kaa wechɔɡa ŋwɛnɛ ta naa, a dɛ di he ɡbaɡba. Nɛn wobɛlbwa aa wola toole o nɛɛ la, na som kerekere.

Lewi Dea Tena 20:10

Dɛ baa nyin o dɔŋ haah naa, dɛ ba bwa bɔ jwamane, a chɛ kɛ bá kpo baa la ne haah la bwa.

Tɔn Pɔɔl Aa Chwerɛ Rom Tena 2:11

Korowii aa nomɛl waa nyin ɡwaa bɛl.

Taetos 1:11

A chɛ kɛ he kah ba ba tɔ nyoa. Ba dɛ chɔɡ dembir nɛra liire ba yon vɛh kasinteŋ waa la ta teŋa. Ba koh suuɡa waa dɛɛ chaɡle waa aa wola chɛɛ.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

Josua 7:25

Asɛ Josua bɔɔro ŋɔ, “Ɛrɛɛ he tɛ yaa waa ken? Fini he ne Korowii ɛɛ dɔɔ taeh.” Israel tena bwa foɡro bwea dɛ kpoo, dɛ foɡre ba kabora, dɛ pɛ fuh ba bwa.