Mumpar 20:7 - mzwDBL

⁷ Anomanta, berɛ ɡel haah la kaa o jaa be, dɛkalkɛ n keamee o jaa la. Wɛɛ soŋ mɛɛ, ásɛ he dɔ he nyu. Kɛ dɛ he ta o haah la berɛ ka tɛo te naa, hee he ne kwaa haa dɔa bwa ɛɛ ba hee.”

Mumpar 20:7 Iomraidhean Croise

Mumpar 12:15

A ɡɛ saŋ la, Ijipt kooro nomonome nao kɛŋɔ haah la wer tolo, anomanta, ba kaa taa kooro la be asɛ o ɡel ba ka lawɔ ba o dem.

Mumpar 12:17

Kɛ Korowii koh Sarai waa dɛ ɡel weechɔɡa ane ba le kooro la ne o dem tena bwa nɛ.

Mumpar 2:17

Kɛ bɛ onɔ la waa dɛ tɛ liire dɛ́ ɡel nɛn jemɛ wedɛɛɡa ne anchɔɡa la te nɔn di. Awola haa di a ɡɛ daa la nɔn la bɛl la, sewaa hɛɛ ba sewa.”

Mumpar 20:18

dɛkalkɛ Saara nomanta, Korowii tɔ Abemɛlɛk dem haahna bwa lol.

Mumpar 20:3

Jwaana bɛl, Korowii ba o be deera ta, dɛ ba ŋɔ o be ŋɔ, “Na! Haah la haa kpɔɔ nomanta, hɛɛ sewɔɔ, dɛkalkɛ nomɛl haahnee.”

Mumpar 20:8

Anomanta, tɔ aa pera chɔmbibi ne la, Kooro Abemɛlɛk yerɛ o nomonome bwa cheme, dɛ bol ɡɛ waa nɔ bwa ba be, asɛ ɔmee laɡ ba kohona.

Mumpar 23:6

“Nomoa, dɛɛ no, nomonjenii hen ya bini bonɔ. Yaa won vɔmɛ lalbɔɔ ŋɔ he bɛ he lale huɡe. He won o huɡa ya lalbɔɔne nɔ bɛlbwa he tea aa too o ta bini.”

2 Samoɛl 24:17

Kooro Devid aa na ɡɛ nyundua torome la aa dɛ kpoo nɛra la, o soŋe Korowii ŋɔ, “N Naa Korowii, menee ɛ wechɔɡa dɛ di bolchɔɡe. Nɛra nɔ baa do kɛŋɔ peera nɔ laa ɛ waane. Kpɔ deŋnetɛra bɛlbwa ba ta n ne n haahna ne bii nɛ, dɛ́ ɡel he nɛra Israel tena.”

1 Koranar 13:6

Asɛ kooro la ŋɔ Korowii keame la be ŋɔ, “N poori, soŋe Korowii haa dɛ tomɔ la tɛ mɛ ásɛ o chah n nɔn nɔ!” Ate, Korowii keame la soŋe Korowii, asɛ kooro nɔn la berɛ do ɡɛ o fa aa doa wubwa la.

2 Koranar 5:11

Ate, Naaman baah di o laa berɛ dɛɛ naɡre waa ŋɔ, “N te dɛ lii kɛŋɔ wɛɛ leo dɛ́ ba soŋe Korowii waa dɛ tomɔ, dɛ́ kpɔ o nɔn viwe wee la ta dɛ́ chaah mɛ.

1 Webena 16:22

“Nomɛlbwa bɛ nɔn kpɔ leɡe n bonɔɔna maa lee ba cheɡ tɛ n te nɔ, he bɛ n keamere nɔ bini bɛlbwa ha.”

2 Webena 30:18

Nɛra ɡalɡa ba ɡe aa le Efrem ne Manasɛ ne Isaaka, dɛ Sebulon deene dɛ ba la, dɛ ba ta doŋa bɛlbwa laa kpɔ ba nɛ dɛ do ɡoroŋ, anomanta, dɛ ɡɛ bɛlbwa nee baa di Galekaa Tɔpejen la. Asɛ Kooro Hɛsɛkea soŋe Korowii tɛɛ ba dɛ ŋɔ,

Job Tɔn 34:19

Waa koranar siebɔr nyiŋi, waa suuɡa tena kpɔe dɛɛ ɡwaa nyaara, dɛkalkɛ, onee ta ba bwa.

Job Tɔn 42:8

Anomanta, lawɛ nabala anuanɛ ne pebala anuanɛ ka tɛ n bonɔɔ Job ó kpɔ ɛ saraha baa dɛ fuah tɛ heya. Wɛɛ soŋoo tɛ heya, ásɛ n no dɛ bɛ he deŋne tɛr he ɡɛna waa kpa. He ta n waa kasinteŋ bolɛ kɛ n bonɔɔ Job.”

Yela 25:14

Nɛra baa dɛ duu Korowii la, o kpɔ ba ɛ o daamanar, o ɡelɔ o ne ba fɔo baa fɔwa la che kiŋkiŋ.

Kaala 18:17

Anee o helabaa chaŋo ŋɔ, “Aŋwɛnɛ ta laa hɛɛ ɛa ɡɛ la.

Kaala 4:16

Arɔn ɛɛ dɛɛ bol waa nɛra la bee, ásɛ a ɛ kɛŋɔ henee dɛɛ bol. Aa ka ɛɔ kɛŋɔ henee ɛ Korowii, asɛ o bol he waa nɛra la be dɛɛ tɛɛ.

Kaala 7:1

Asɛ Korowii ŋɔ Mosis be ŋɔ, “Dɛɛ no. N dɛ ba ɡela he do kɛŋɔ men Korowii ken Ijipt tena kooro sie, ásɛ he dɔɔ Arɔn ɛ keame dɛɛ bol waa o be.

Jeremia 14:11

Belaa Korowii ŋɔ men Jeremia be ŋɔ, “Dɛɛ berɛ wedɛɛɡa soŋa dɛ́ tɛ a ɡɛ nɛra nɔ.

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Jeremia 27:18

Dɛ ba ɛ Korowii keamere kpela aa, bá bɔɔ le men Koranar Bwa Kooro be, ásɛ n bɛ ɡel laala a yoɡ aa kpeɡa dɛ do n Dea, ne anɔ la aa lɔ koodem bela la, ba paa kaa Babelɔn harɛ ta.”

Ɛsekeɛl 3:18

Dɛ n ŋɔ wechɔɡ-ɛɛ be ŋɔ wɛɛ sewɛ o wechɔɡa taa, dɛ he ta on kaeh, o ɡel o wechɔɡa la dɛ dɔ o nyu aa, wɛɛ sewɛ o wechɔɡa taa. Ate, mɛɛ pɛɛre a waa.

Ɛsekeɛl 33:8

N ŋɔ wechɔɡ-ɛɛ be ŋɔ wɛɛ sewɔɔ, asɛ he ta on kaeh o le o wechɔɡa ta, dɛ sewɛ a ta naa, mɛɛ pɛɛ o chal waa le he be.

Lewi Dea Tena 6:4

dɛ o di bolchɔɡe. A chɛ kɛ o berɛ kwaa waa ŋwɛa, kɛɛ dɛ faah nɛra, ne anɔ la waa kpɔa tɛo ŋɔ o cheɡ kɛɛ anɔ la aa nyoɡra o kpaah la,

Lewi Dea Tena 6:7

Gɛɛ sɔfo la ɛɛ ba ɛɛ dɛ́ soŋe a ɡɛ wechɔɡa nɔ bɛlbwa naate aa ɛa dɛ di bolchɔɡe n be la ásɛ n kpɔ kɛo.”

We-ɛɛla 8:24

Anee Seemɔn ŋɔ Pita ne Jɔn be ŋɔ, “N poo heya, hé soŋe Korowii tɛ mɛ ásɛ waa haa dɛ bol nɔ bɛlbwa bɛ men ɛ.”

1 Kɔrent 14:4

Nɛn waa dɛ bol wobofala la, o bolɔ dɛɛ tɛ o ɡbaɡba. Naate waa cheɡɛ Korowii Domadɛɛɡe kpeɡri ta dɛɛ bol Korowii Waa la ɡe, asɔre tena la bwaa wɛɛ cha.

Hibru 1:1

A saŋ la dɛ Korowii cheɡɛ o keamere nɛɛ dɛɛ bol waa ya naawa be. Kera aŋwɛnɛ bwaa o bol waa ba be. Dɛ ŋwɛnɛre waa cheɡɛ a ta dɛɛ bol waa ba be fuuh.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

1 Jɔn 5:16

Dɛ he na he dɔŋ wɛɛ ɛ wechɔɡa aa, soŋe Korowii tɛo. Wɛɛ tɛo mkpaa. N ŋɔ ɡɛ naa, banɔ la baa wola seo wechɔɡa ɛɛ laanee n ŋɔ hé soŋe tɛ. Wechɔɡa ane lole, dɛ he ɛa aa, a chɛ kɛŋɔ hé sewɛ. N ta ŋɔe ŋɔ hé soŋe Korowii tɛ nɛn a te bɔr.

1 Samoɛl 12:19

Ate, nɛra la bwa ŋɔ Samoɛl be ŋɔ, “Soŋe Korowii haa dɛ tomɔ la, ásɛ yan yaa ɛ he bonɔɔna nɔ bɛ serewe. Ya wechɔɡa la habɔɔ, ya berɔ ɛ wechɔɡa kɛŋɔ yaa ŋɔa ya dɛ nyin kooro la.”

1 Samoɛl 12:23

Korowii ɛɛ la ane bojaŋ kɛŋɔ n ɛo wechɔɡa dɛ́ vɛh kɛ mɛɛ soŋo tɛ heya. Mɛɛ baɡle heyaa waa aa wera ne anɔ la aa toɡraa.

1 Samoɛl 7:5

Asɛ Samoɛl berɛ ŋɔ, “Hé ŋɔ Israel tena be bá bwa cheme bwɛjen Mispa, ásɛ n soŋe andɛɛɡa le Korowii be tɛ heya.”

1 Samoɛl 7:8

Israel tena la ŋɔ Samoɛl be ŋɔ, “Bɛ soŋa haa cheɡɛ ya naa ta soŋe le Korowii yaa dɛ tomɔ be la ɡel. Ó lɛ yaa le Filisti tena nɔn ta.”