Mumpar 20:3 - mzwDBL

³ Jwaana bɛl, Korowii ba o be deera ta, dɛ ba ŋɔ o be ŋɔ, “Na! Haah la haa kpɔɔ nomanta, hɛɛ sewɔɔ, dɛkalkɛ nomɛl haahnee.”

Mumpar 20:3 Iomraidhean Croise

Mumpar 12:17

Kɛ Korowii koh Sarai waa dɛ ɡel weechɔɡa ane ba le kooro la ne o dem tena bwa nɛ.

Mumpar 12:18

Belaa kooro la aa na ɡɛ la, o tomɛ ba ka yerɛ Abram ba, asɛ o pɛɛro ŋɔ, “Bɔkwa waa he ɛɛ mɛ kenɔ? Ɛrɛɛ he ta n be ŋɔe ŋɔ he haahnee yɔ?

Mumpar 20:7

Anomanta, berɛ ɡel haah la kaa o jaa be, dɛkalkɛ n keamee o jaa la. Wɛɛ soŋ mɛɛ, ásɛ he dɔ he nyu. Kɛ dɛ he ta o haah la berɛ ka tɛo te naa, hee he ne kwaa haa dɔa bwa ɛɛ ba hee.”

Mumpar 28:12

O chɔe bini la, o deero dɛ na kɛŋɔ sanjol le nyundua ba chiɡ harɛ, asɛ nyundua toroma teeh dɛ la dɛɛ ba.

Mumpar 31:24

Korowii ba Laban be deera ta awola jwaana, dɛ ba ŋɔ o be ŋɔ, “Nyiŋi kɛrɛdɛ dɛ bɛ Jekɔb ba aah ŋwɛnɛ bɛlbwa ta.”

Mumpar 37:5

Awola jwaana bɛl Jekɔb deero dɛ taa baɡle o dɔɔranar. A taa ba haoh kohona kwara.

Mumpar 37:9

O berɔ dee anfala ja dɛ taa baɡle o dɔɔranar la ŋɔ, “Hé no, n deero asɛ wee ne korobie dɛ weweela fi dɛ beŋkpoŋ ɛɛ ɡuŋ mɛ.”

Mumpar 40:5

Jwaana bɛl baa chɔ dea la bini la, kooro nomonome la deero. Bɛlbwa deera waa deera la ɡe korɔ.

Mumpar 40:8

Anee ba chaŋe ŋɔ, “Ya deero, kɛ bɛlbwa deera waa deera la ɡe korɔ, ya ta nomɛlbwa dɔe ó baɡle yaa a mun bonɔ yaa lole nɔ.” Ate Josef ŋɔ, “Korowiirii dɛɛ tɛ nɛn wejema ó won baɡle nɛn deera mun. Hé baɡle ásɛ n no.”

Mumpar 46:2

Korowii kpɔ o te baɡlo bela deera ta jwaana dɛ yerɔ ŋɔ, “Jekɔb.” Asɛ o sɛh dɛ ŋɔ, “Menee la.”

1 Webena 16:21

Kɛ Korowii ta ɡelɛ nomɛlbwa fiɡ ba, ba lɛɛ nomanta, o kah koranar ŋɔ,

Job Tɔn 33:15

Deera ne wepila ta jwaana, ɡɛ saŋ nɛn aa chɔ dom kwaraa o kalaŋ ta la,

Job Tɔn 33:17

dɛ́ berɛ ba liire le wechɔɡa ɛɛ ta, dɛ́ le ba ne mbarafo ta,

Yela 105:14

Kɛ Korowii ta ɡelɛ nomɛlbwa fiɡ ba, ba lɛɛ nomanta, o kah koranar ŋɔ,

Jona 3:4

Jona jo bwɛjen la bini dɛ valɛ tɔpebir. Waa waa dɛ bol laanee kɛŋɔ, “Bonɔ tɔpera fifraanaarɛ Korowii ɛɛ chɔɡ Niniwee.”

Nɛra Kura 22:9

Jwaana la ne, Korowii bɔɔ Balam ŋɔ, “Nɛn besooree lɔ he be nɔɔ?”

Matiu 1:20

Gɛ waa nɔ aa lɔ Josef liire bini la, belaa Korowii nyundua torome bɛl ba o be deera ta dɛ ba ŋɔ, “Devid naa Josef, dɛɛ berɛ ɔma kɛŋɔ hɛɛ mo Mɛɛree. Korowii Domadɛɛɡee ɡela o kpoŋe tea la.

Matiu 27:19

Nomoa Paelet aa soɡe o kara ta dɛɛ bol waa la, o haah tomɛ nɛn o be ŋɔ, “Nyiŋi kɛrɛdɛ dɛ bɛ baa la wobɛlbwa ɛ. Nɛndɛɛɡe tentenee. Gɛ maa dee o waa fini nɔ la, a we n nɛɛ taeh.”