Mumpar 20:2 - mzwDBL

² Belaa o ŋɔ o nimambiee o haah Saara. Anomanta, Gerar kooro baa dɛ yerɔ Abemɛlɛk tomɛ nɛra ba ka lawɛ Saara ba tɛo.

Mumpar 20:2 Iomraidhean Croise

Mumpar 12:15

A ɡɛ saŋ la, Ijipt kooro nomonome nao kɛŋɔ haah la wer tolo, anomanta, ba kaa taa kooro la be asɛ o ɡel ba ka lawɔ ba o dem.

Mumpar 20:12

Kasinteŋ, n nimambie tentenee. N mɛɛ biee, n nya te bie laa asɛ n moo.

Mumpar 21:22

A ɡɛ saŋ la, Kooro Abemɛlɛk kpɔ o laa tena nomoa Fekɔl dɛ la Abraham be dɛ ka ŋɔ, “He wobɛlbwa haa dɛ ɛ la, Korowii ja he nɛ.

Mumpar 26:1

Asɛ lɔr bɛl chole harɛ la ta. Gɛ lɔr nɔ korɛ Abraham saŋ lɔr la ta. Anee Aesek ir kaa Filisti tena Kooro Abemɛlɛk be Gerar.

Mumpar 26:16

Belaa Kooro Abemɛlɛk ŋɔ Aesek be ŋɔ, “Le ya harɛ nɔ ta. He berɔ dɔ he te kohona ɡwaa yaa.”

Mumpar 26:7

Asɛ bela tena bɔɔro o haah wa, anee o chaŋ ba ŋɔ, “N nimambiee.” Dɛ o dɛ ɔmɛ kɛŋɔ o bol ŋɔ o haahnee. Gɛ laa aa, Rebɛka wer waa doo la nomanta, bela tena ɛɛ kpoo.

2 Webena 19:2

asɛ Hanani bibaa Jehu waa ɛ Korowii keame la ka cheme Kooro Jehosafat dɛ ŋɔ, “A chɛ kɛŋɔ hé cha nyubinikpeɡ tena, ásɛ dɛɛ nyin nɛra baa hah Korowii aa? Gɛ nomanta, Korowii bandia ba he nɛ.

2 Webena 20:37

Dodavahu waa le Maresa bibaa Korowii keame Eliesa cheɡɛ Korowii waa ta, dɛ kah Kooro Jehosafat ŋɔ, “He ne Kooro Ahasia aa fɔwɛ nyopɛo fɔo nomanta, Korowii ɛɛ chɔɡ kwaa haa ɛa nɔɔ.” Anomanta, stiimaere la paɡrɔ ba ta wone kpɔa la bonadibɔr.

2 Webena 32:31

A balɔ kɛŋɔ Babelɔn harɛ ta nomonome tomɛ nɛra Kooro Hɛsɛkea be ŋɔ, bá ba pɛɛro ŋwɛnɛ waa cheɡɛ o ta, dɛ ɛ nyokpowe-ɛɛla la o harɛ la ta. Asɛ Korowii le o habɔɔ, dɛ daahno na kɛ wɛɛ di kasinteŋii kɛɛ.

Sɛɡla 24:16

Waa pu nɛn o wa aa toɡra, o chole kera anuanɛ naa, o berɔ dɛɛ ir. Kɛ dɛ wechɔɡa pu nɛnchɔɡe te naa, o dɛ lɔ harɛ.

Sɛɡla 29:25

Nɛwɛnyini ɔma do kɛŋɔ bel ken, nomɛlbwa waa dɛ yarada Korowii la, dɛ́ dɔ o nyu.

Sɛɡla 6:29

Gɛɛ a do, nomɛlbwa waa lawɛ o dɔŋ haah chɔ la, baa tɛr o deŋne.

Wejereme 7:20

Nɛn o wa aa toɡra beŋkpoŋ kwaraa toole harɛ nɔ ta, dɛɛ ɛ wa aa toɡra waa wola wechɔɡa ɛ.

Ɛfesos 4:25

Hé laa nyosone bɛlbwa laa kpɔ he waa ta, dɛɛ bol kasinteŋ dɛɛ tɛ dɔŋa, dɛkalkɛŋɔ he bwa pɛ bwadabii beŋkpoŋ ta dɛ ɛ beŋkpoŋ.

Kolosi 3:9

He bɛ nyosone teŋe dɛɛ tɛ dɔŋa, dɛkalkɛŋɔ he laa he dabene la ne o we-ɛɛla la bwa kpɔ he nɛ,