Mumpar 2:9 - mzwDBL

⁹ O ɡelɔ daa bwa soo siwi le bela dɛ do wer siwi ta a nɔna dɔ pɛla kɛŋɔ nɛn di. Daa anɛ ane cheɡɛ konduula la baah ta. Bɛl dɛ tɛ mkpa, bɛl ɡe ɡel nɛn ɛɛ jemɛ wedɛɛɡa ne anchɔɡa.

Mumpar 2:9 Iomraidhean Croise

Mumpar 2:17

Kɛ bɛ onɔ la waa dɛ tɛ liire dɛ́ ɡel nɛn jemɛ wedɛɛɡa ne anchɔɡa la te nɔn di. Awola haa di a ɡɛ daa la nɔn la bɛl la, sewaa hɛɛ ba sewa.”

Mumpar 3:22

Belaa Korowii lii kɛŋɔ, “Name baa la jemɛ wedɛɛɡa ne wechɔɡa kɛŋɔ yan. Yá nyiŋi kɛrɛdɛ o bɛ daa waa dɛ tɛ mkpa la te nɔn ba tor di dɛ́ do le saŋ bɛlbwa.”

Mumpar 3:24

Waa doŋi baa la le bela habɔɔ la, o kpɔ Kerobim ne tokobii bɛl waa dɛ nyɛɡle kɛ ninlao dɛɛ beɡre bobɛlbwa, dɛ ka cheɡ Eden bodɛɛɡe wee leebɔr pera, ásɛ nomɛlbwa bɛ won di daa la nɔna.

Mumpar 3:3

Atane kɛŋɔ onɔ waa cheɡɛ bodɛɛɡe baa du daa nɔ baah tenten nɔ, Korowii ŋɔ ya bɛ o te leɡe a ba ɛ kɛŋɔ yaa di o nɔnee. Ya diu waa, yaa sewɔɔ.”

Mumpar 3:5

Korowii jemɔ kɛŋɔ dɛ he di daa la nɔn aa, he sie dɛ ba pila, he jemɛ wedɛɛɡa ne anchɔɡa kɛ on ken. A waa o ŋɔ he bɛ di la.”

Sɛɡla 11:30

Nɛn o wa aa toɡra we-ɛɛla ɡelɔ nɛra ɛɛ dɔ mkpa, kɛ naɡrenyin te dɛ chɔɡ o bala.

Sɛɡla 3:18

Nɛra baa dɔ wejema la, ba na som, o dɛ tɛ mkpa kohona.

Aesaya 44:25

Menee ɡela keame nyosonteŋna waa ɛ nyosone, dɛ ɡel voɡra waa ɛ ɡɛnewa, dɛ won beɡre harɛ nɔ ta wejerema wejema, a ɛ wesale.

Aesaya 47:10

He kpɔ he te dawɛ he wechɔɡa ɛɛ ta, dɛ ŋɔ, ‘Nomɛlbwa aa men na.’ He wejema ne he liire wili dɛ ɡel he ŋɔ, ‘Menee men. Nomɛlbwa toole n habɔɔ kpa.’

Ɛsekeɛl 31:16

Maa teŋo ta o sewɛ kaa lalabwɛɛ la, n ɡelɔ ɔmee chole harɛre nɛra nɛ, o sii waa sia la wa. Daa aa lɔ Eden bodɛɛɡe, ne dadɛɛɡa aa wera, dɛ do bela nee aa lole kohona Lɛbanɔn harɛ ta, dɛ sewɛ kaa la, o seo la tɛa bolarawa.

Ɛsekeɛl 31:18

A ɡɛ daa laanee Ijipt kooro ne o nɛndamanta la. Daa aa lɔ Eden bodɛɛɡe la bini ume kan ne o wer ne onee ɛ kɛrɛdɛ ɔ? Baa teŋe o ne Eden daa la bwaa ta, o kaa harɛ bini. Taraken, wɛɛ ka ja nɛra baa wola men tomɛ ne banɔ la baa kpoo ba laa ta la nɛɛ. Men Nemenɛ Korowiirii bola.”

Ɛsekeɛl 47:12

Daa aa dɛ nɔnɛ bwa soo siwi ɛɛ le nee la nyoa baŋ bɛlbwa taa. A papooni aa hola ba, aa nɔnaa ɡel. Korobie bɛlbwa taa aa ba nɔna, dɛkalkɛ nee le Korowii Dea bela palɛ dɛɛ ba bela. A nɔna la ɛɛ ɛ kondikwaa, ásɛ ba kpɔ a papooni ɡe dɛɛ chah weela.”

Amanesoma Jɔn Aa Chwera Tɔn 6:48

Menee kondikwaa waa dɛ tɛ Korowii mkpa la.

1 Kɔrent 8:1

A ka kwaa baa kpoora dɛɛ tɛ voɡa wa. A waa jema te, ya bwa jemɛ a wa. Kɛ nɛwɛnyini wejema ɡelɔ wɛɛ nyin sɔn. Asɛ nɛnnyin ɡe ɛ chae.

Mmarare 6:25

Dɛ ya do sie Mmarare waa kpɔa tɛ yaa nɔ ta naa, anee dɛ́ ɡel o tea too ya nɛ.’ ”

Wepila 2:7

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, mɛɛ ɡeloo ó di mkpa daa la waa lɔ Korowii Eden bodɛɛɡe la ta nɔna.”

Wepila 22:14

Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta.

Wepila 22:2

dɛ palɛ dɛɛ kpɔ bwɛɛ la fɔɡbaah tenten. Mkpa daa anɛ che o baŋne anɛ bwa ta, fɔɡbaah bela. Mkpa daa la dɛ nɔnɛ kera fi dɛ anɛ benanyoa, korobie bɛlbwa kera beŋkpoŋ. O papooni ɡe wono chah nɛra bwa weela.