Mumpar 2:5 - mzwDBL

⁵ dɛ konduula ne kpɔɡa ta harɛ la ta leɛ, dɛkalkɛŋɔ dɛ o ta ɡelɛ bwaala nɛ o ta mɔɔ. Dɛ nomɛlbwa ɡe toole dɛ́ parɛ harɛ la.

Mumpar 2:5 Iomraidhean Croise

Mumpar 2:6

Nee yon le harɛ bini dɛɛ sɔɔh harɛ la.

Mumpar 3:23

Anomanta, Korowii doŋu le Eden bodɛɛɡe bela waa du daa la, dɛ ɡel o kaa parɛ harɛ waa mao le o ta la ta.

Mumpar 4:12

He paraa, he kondikwa aa ɛɛ ba. Haa soŋnibɔr ɡee dɔ. Gaaɡa ɡboo hɛɛ ba dɛɛ ɡaaɡa.”

Mumpar 4:2

A habɔɔ, o lolɛ bɛl ɡe dɛ pa o sɔn Ebel. Ebel aa kpeɡa la, dɛ peeraa wɛɛ dɛɛ asɛ Keen ɡe ɛ paa.

Job Tɔn 5:10

O ɡelɔ bwaala ɛɛ nɛ harɛ ta, dɛ ɡel wɛɛ tel kpɔɡbaah bwa.

Yela 104:14

He ɡelɔ kpɔɡa moɡɛ nae dɔ dɛɛ di, dɛ ɡel nɛwɛnyina dɔ koo kwaa ɡɛ aa ɛ bá dɔ kondikwaa dɛɛ di,

Yela 135:7

O ɡelɔ baama aa dɛ nɛ bwaala ir dɛɛ le harɛ jaɡa, dɛ ɡel bwaala ɛɛ nɛ dɛɛ nyɛɡle, asɛ dɛ ɡel peu ta le bela waa lole.

Jeremia 10:12

Korowii cheɡɛ o kpeɡri ta dɛ ta harɛ, o wejema nee o ta harɛ nɔ bwa, dɛ che o liire ta dɛ paɡri nyundua ɡe.

Jeremia 10:13

O bol wa aa, bwaala dɛ nɛ dɛɛ kɔɡre nyundujaɡla, o ɡelɔ baama aa dɛ nɛ bwaala ir dɛɛ le harɛ jaɡa. O ɡelɔ bwaala ɛɛ nɛ dɛɛ nyɛɡle, asɛ dɛ ɡel peu ta le bela waa lole.

Jeremia 14:22

Harɛre voɡare aa wola tɔnɔ bɛlbwa dɔe ɛɛ won ɡel bwaala nɛ aa? Nyundua ɡe ɡbo ɛɛ won ɡel bwaala wir aa? Akai, hen Korowii yaa dɛ tomɛ ɡbosoroo dɛ won ɛ. Ya hwɛɡa bwa lɔ he nɛ, dɛkalkɛ he ɡboo wona dɛɛ ɛ ɡɛ waa nɔ bwa.”

Matiu 5:45

ásɛ nɛra jemɛ kɛ he ɛ he Mɛɛ waa lɔ nyundua la bii, dɛkalkɛ o te ɡelɔ wee lɔ dɛɛ tɛ wechɔɡ-ɛɛra ne nɛndɛɛɡa bwa, dɛ nɛ bwaala ɡe dɛɛ tɛ nɛndɛɛɡa ne wechɔɡ-ɛɛra bwa.

Hibru 6:7

Harɛ bɛlbwa bwaala aa dɛ nɛ o ta wɛɛ ɛ kondikwaa dɛɛ tɛ nɛra baa dɛ parɔ la, Korowii ɛɛ ɡeloo ó ɛ harɛdɛɛɡe.