Mumpar 2:25 - mzwDBL

²⁵ Dɛ baa la ne o haah la bwa dɛ valɛ mumɡbal, kɛ dɛ sihiih aa ban kpo.

Mumpar 2:25 Iomraidhean Croise

Mumpar 3:7

Baa dia tonɛ la, buɡ la ta, ba bwa sie pilo, ba na kɛŋɔ ba cheɡɛ mumɡbal. Anomanta, ba nyin ɔɡ papooni dɛ nyara dɛ kpɔ li.

Yela 25:3

Nomɛlbwa toole dɛ kpɔ o te dawɛ he nɛ, he ɡel sihiih kpoo bwa, kɛ banɔ la baa vɛh he waa pɛɛpɛɛ la te, sihiih ɛɛ kpo baa.

Yela 31:17

N Naa Korowii, bɛ ɡel sihiih kpo mɛ, henee n wi dɛɛ no. Gel sihiih kpo nyubinikpeɡ tena, ba serewe ka chɔ lalabwɛ jeiih ken.

Kaala 32:25

Mosis nao kɛŋɔ Arɔn ɡelɔ nɛra la kpaŋe baa wola won toɡ ba ásɛ ba dɔma mam ba.

Aesaya 44:9

Nɛra baa dɛ ma voɡa kɛɛ dɛɛ sɛah la dɛ ɛ wepuu, kwaa ba sie aa dɛ lɛ a ta la ɛ konsale. Nɛra baa dɛ tomɛ voɡa nɔ, ba do kɛŋɔ nɛra baa nyoŋa ken, baa wobɛlbwa jemɛ, baa di sihiih.

Aesaya 47:3

Nɛra ɛɛ nae kɛŋɔ he cheɡɛ mumɡbal, baa na sihiih haa dia. Mɛɛ bɔe he wechɔɡa kemee, maa nomɛlbwa nɛɛ sune.”

Aesaya 54:4

Bɛ ɔmɛ, sihiih aa he kpoe ba kpa, nɛra aa ɡel he fɛɡre. Hɛɛ soh he toli saŋ sihiih waa bwaa, haa ɡɛ saŋ haa do kɛŋɔ luhaah laanee lii kpa.

Jeremia 17:13

N Naa Korowii, he nɛɛ Israel tena sie dawɛ, sihiih ɛɛ kpo nɛra baa berɛ habɔɔ kpoe bwaa. Nɛra baa chwaa le he be bwa sɔna ɛɛ nyoɡroo kɛŋɔ nɛra baa serewa ken. Dɛkalkɛ ba vɛh hen haa do kɛ nee waa dɛ bule saŋ bɛlbwa dɛɛ tɛ Israel tena.

Jeremia 6:15

Amɔ sihiih kpo ba wedoŋa baa ɛa nɔ ta kenɛ? Akai, sihiih ta ban kpoe kwara, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.”

Ɛsekeɛl 16:61

He baa lii waa he fa aa lɔ a ta la aa, sihiih ɛɛ kpoe. Maa kpɔ he nimanar ne he nahaahnanar ba tɛɛ bá do kɛ bihaahna tɛɛ la, ate ta fɔo n ne haa fɔwa la ta jae.

Joel 2:26

Hɛɛ dɔ kondikwa kohonaa di dɛ́ vaɡre, ásɛ dɛ kpɛɛ Korowii haa dɛ tomɔ la, o ɛ nyokpowaa tɛ heya, sihiih aa n nɛraa kpo kpa.

Amanesoma Mak Aa Chwera Tɔn 8:38

Wechɔɡ-ɛɛra ɡbo baa wola Korowii ɔmɛ nɔ, baa ba nyuu dɔ n bala tɔpere. Naate sihiih aa dɛ kpoe n ne waa nɔ taraken nɔ la, awola Men Nɛn Bie ne nyundua toromedɛɛɡa la aa ba n Mɛɛ jirima ne la, maa he heehra ba awola tɔpere.”

Amanesoma Luk Aa Chwera Tɔn 9:26

Nomɛlbwa sihiih aa dɛ kpoo n ne n webaɡla nɔ ta la, awola Men Nɛn Bie ne nyundua toromedɛɛɡa aa ba n Mɛɛ jirima ne la, maa naatee heeh awola tɔpere.

Tɔn Pɔɔl Aa Chwerɛ Rom Tena 10:11

Korowii Tɔn baɡlɔ ŋɔ, “Nomɛlbwa waa yaradao la, sihiih aa o kpoe ba.”