Mumpar 2:2 - mzwDBL

² Tɔpenuanɛ te ne tela la, dɛ o tonɛ o toma bwa. Anomanta, o onɔ tɔpenuanɛ te la ta.

Mumpar 2:2 Iomraidhean Croise

Mumpar 1:31

Anɔ bwa habɔɔ la, Korowii nyiŋi kwaa waa taa la bwa dɛ na kɛŋɔ a bwa wer kɛrɛdɛ. Asɛ bɔr jo dɛ chaah, onee tɔpere waa teŋa numɛl.

Mumpar 2:3

Anomanta, o le tɔpenuanɛ la cheɡ tɛ o te, o do ɡoroŋ dɛ sweero andɛɛɡa, dɛkalkɛŋɔ o taa o ɡel toma ɛɛ kwaa waa taa la bwa ta.

Kaala 23:12

Tɔpera anumɛlee hé dɔ kɛ he ɛ toma, kɛ tɔpenuanɛ wee ta te, he bɛ toma bɛlbwa ɛ, ásɛ he nabala ne keeɡore ne nɛndɔɔla baa lol ba he deremi dɛ nɛŋhɔɔhra ɡe won dɔ bɔr onɛ.

Kaala 31:15

Tɔpera anumɛlee chɛ kɛŋɔ bɛlbwa kpɔ ɛ o toma, kɛ tɔpenuanɛ wee la ɛ Ona Tɔpere. O ɛ tɔpere waa do ɡoroŋ dɛ tɛ men Korowii. Nomɛlbwa waa ɛ toma o ta la chɛ kɛŋɔ bá kpoo.

Kaala 31:17

Onee dɛ́ do n ne Israel tena baah dɛɛ lii yaa saŋ bɛlbwa, dɛkalkɛ tɔpera anumɛlee men Korowii kpɔ ta nyundua ne harɛ, asɛ dɛ ɡel toma ɛɛ dɛ onɛ tɔpenuanɛ wee la ta.”

Aesaya 58:13

Korowii berɔ ŋɔ, “Dɛ he nyiŋi Ona Tɔpere la ta o do ɡoroŋ tɛ heya, he ta he ɡbaɡba we-ɛɛla ɛɛ, dɛ liiru kɛŋɔ o ɛ men Korowii tɔpere baa dɛ onɛ o ta, haa wola kpɔe valɛ he ɡbaɡba ŋwɛnɛ, kɛɛ dɛ ɛ he toma dɛ bol wobochɔɡa aa,

Amanesoma Jɔn Aa Chwera Tɔn 5:17

Anee Yeesu chaŋ ba ŋɔ, “N Mɛɛ te dɛ ɛ o toma saŋ te bɛlbwa, anomanta, ɡɛɛ chɛ kɛŋɔ n ɡe ɛɛ ɛ.”

Mmarare 5:14

kɛ tɔpenuanɛte la ɛ Ona Tɔpere tɛ men Korowii haa dɛ tom mɛ. O telaa, he bɛ toma bɛlbwa ɛ o ta. He ne he bibaala ne bihaahna kɛɛ bonɔɔna, kɛɛ toli bɛlbwa bɛ toma ɛ. Hale he nae ne keeɡore, ne kondɛɛre te bɛlbwa, dɛ hɔɔhra kwaraa baa lɔ he deremi bɛ toma ɛ. Gɛ aa ɛ bonɔɔ kɛɛ tolo waa lɔ he sie la ɡe won dɔ bɔr onɛ ɡɛ haa dɛ onɛ la.

Hibru 4:10

Nomɛlbwa waa dɛ onɛ ona Korowii aa dɛ onɛ la, dɛ o onɛ o toma bwa ta kɛŋɔ Korowii aa onɛ o toma ta tɔpenuanɛ wee la ta la.

Hibru 4:4

Korowii Tɔn bobɛl bol tɔpenuanɛ wee la waa ŋɔ, “Korowii aa tonɛ o toma bwa la, o onɔ tɔpenuanɛ wee la ta,”