Mumpar 19:8 - mzwDBL

⁸ N dɔ bihaahna banɛ baa wola baa jemɛ bwa. Hé ɡel n le ba ne tɛ heya, ásɛ he ka ɛɛ ba ɡɛ he tea aa toora. Kɛ baala nɔ te, he bɛ ban wobɛlbwa ɛ kwaraa. Baa baa choɡ mɛ nɔ, a chɛ kɛ n nyiŋi ba nɛ.”

Mumpar 19:8 Iomraidhean Croise

Mumpar 18:5

Haa dɔa ba he bie be nɔ, hé ɡel n nyin kondikwaa tɛ heyaa he di, ásɛ he won dɔ bokpeɡfala dɛ́ kaa.” Anee ba sɛh ŋɔ o ɛ ɡɛ tɛɛ ba.

Mumpar 19:7

Dɛ ŋɔ, “Bwɛɛla, n dɛ soŋe heya, he bɛ ɡɛ wedoŋa nɔ ɛ.

Mumpar 42:37

Asɛ Rubin ŋɔ o be ŋɔ, “Dɛ n ta Bɛnjamen ne balɛ ba tɛɛ naa, he kpoo n bibaala banɛ nɔ. Kpɔ o waa do n nɔn ta, mɛɛ berɔɔ ba o ne ba tɛɛ.”

Kaala 32:22

Anee Arɔn chaŋo ŋɔ, “N dɔɔ, bɛ ɡel he baah di. He ɡbabir jemɛ ɡɛ baa dɛ nyin wechɔɡa ɛɛ.

Sɛɡla 9:7

He dɛ ja nɛn waa dɛ ɛ sisawa aa, chɛɡaa hɛɛ dɔ. He dɛ di wechɔɡ-ɛɛ ɡe kasinteŋ aa, waa hɛɛ dɔ.

Aesaya 58:7

Ane ɡee kɛŋɔ, dɛ lɔr dɛ kpo nomɛl aa, tɛo kwaa ó di. Nomɛl nyao, o ta bɔr dɔe dɛ́ chɔ aa, kpɔɔ kaa he dem. Dɛ nomɛl ɡe ta yal dɔe dɛ́ tɔ aa, tɛo bɛl, ásɛ dɛ bɛ sie laa kpɔ he lolanar ɡe nɛ.

Amanesoma Mak Aa Chwera Tɔn 9:6

Ɔmee laɡ ba kohona dɛ ɡel Pita aa dɛ bol waa kwaraa la, dɛ waa jemɛ waa waa dɛ bol.

Tɔn Pɔɔl Aa Chwerɛ Rom Tena 3:8

Amɔ yáa ɛ wechɔɡa ásɛ wedɛɛɡa le a ta kɛɛ? Nɛra bane chɔɡ n sɔn, ba haŋɛ n nyoa ŋɔ n dɛ ŋɔ a ɡɛ waa nɔ ɛɛ ta wechɔɡa ɛɛ. Korowii ɛɛ tɛr ba deŋnee, dɛ aŋwɛnɛ ta ɡee.

Sitɔɔla 19:23

Dem te la le buse dɛ ka ŋɔ ba be ŋɔ, “Akai! Ya bala, he bɛ wedoŋa nɔ ɛ. N hɔɔhree, hɛɛ berɛ a ɡɛ sihihwaa nɔ ɛɛ.

Sitɔɔla 19:24

N bihaah waa wola baa jemɛ bwa lole, mɛɛ le o ne n hɔɔh nɔ sɛnoo tɛ heya, ásɛ he ne ba ka chɔ. Kɛ baa nɔ te, he bɛ on a ɡɛ sihihwaa nɔ ɛ.”

Sitɔɔla 9:15

Asɛ o ŋɔ, ‘He dɛ nyin kɛ he cheɡ mɛ kooro aa, hé ba sɔh n chunchule ta. Dɛ ɡɛ laa tenaa, mɛɛ ɡeloo nii le dɛ́ ba fuh peleme daa aa lɔ Lɛbanɔn harɛ ta.’ ”