Mumpar 19:5 - mzwDBL

⁵ Asɛ ba ba bɔɔ Lɔt ŋɔ, “Leperaa hɔɔhra baa baa choɡe jɔmɔra nɔ ne la dɔɔ? Le ba ne tɛ yaa yá laɡ ba ka chɔ.”

Mumpar 19:5 Iomraidhean Croise

Mumpar 19:6

Belaa Lɔt le, dɛ laa ɡbera tɔ, dɛ ba ba be.

1 Koranar 14:24

Hale dɛ baala dɛ bɔ jwamane voɡare mune harɛ la ta. Juda harɛ ta tena jo kii we-ɛɛla bwa soo siwi nɛra ba fa aa lɔ bela dɛɛ ɛa mɔɔ Korowii doŋ ba le dɛ kpɔ tɛ Israel tena la ta.

1 Koranar 22:46

O le voɡare baala ne haahna aa dɛ bɔ jwamane harɛ la ta la ne, ɡɛ saŋ o mɛɛ Asa aa di kora harɛ la bwa ta.

Aesaya 1:9

Dɛ Koranar Bwa Kooro fe ta ya nɛn tamaa bane ɡelaa, ya bwa fe serewɔ kwaraa kɛŋɔ Sodom ne Gomoora tena ken.

Aesaya 3:9

Ba siebɔra ɡba dɛ baɡle ba nɛnsoo. Ba dɛ ɛ wechɔɡa kpelelee kɛŋɔ Sodom tena, baa an sɔh. Bá bwɛɛlɛ! Ba ɡbaɡbaa nyin ba wahala dɛ dɔ.

Jeremia 3:3

A waa bwaala teŋe, dɛ ɡel nɛɛ. Kɛ he nya sihiih jwamane ta, haa sɛh ŋɔ sihiih kpo heya.

Jeremia 6:15

Amɔ sihiih kpo ba wedoŋa baa ɛa nɔ ta kenɛ? Akai, sihiih ta ban kpoe kwara, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.”

Ɛsekeɛl 16:49

Wechɔɡa he nime Sodom aa dɛ ɛ laanee nɔ. O ne o bihaahna dɔ mbarafo, ba dɔɔ kohona dɛɛ di ba waane laa nomɛlbwa wa. Ba ta nyaara ne nɛra aa hiah ba chae.

Ɛsekeɛl 16:50

Ba ɛ mbarafo dɛ ɛ waa maa kia n siwi ta, a waa n chɔɡ ba ɡɛ he na la.

Ɛsekeɛl 16:51

He wechɔɡa haa ɛa la, Samaria ta a dɔŋa ɛɛ. He ɛ waa maa kia kohona ɡwaa ba, he nime ne he nahaah waa toɡrɔ ɡwaale.

Lewi Dea Tena 18:22

Bɛ he bandɔŋ lawɛ chɔ baa ne haah. A ɛ waa baa kia.

Lewi Dea Tena 20:13

Dɛ baa lawɛ o bandɔŋ chɔ kɛŋɔ baa ne haah naa, a ɛ waa baa kia, a chɛ kɛ bá kpoo ba. Ba sewɔ ɡe aa, ba wechɔɡa ɡure ba nyu ta.

1 Kɔrent 6:9

Haa jemɛ kɛŋɔ wechɔɡ-ɛɛra aa Korowii Kora la taa ja kɛɛ? He bɛ he nyu neɡre. Nɛra baa dɛ ɛ sɛnwa, ne voɡtoroma, ne nɛra baa dɛ bɔ jwamane, ne baala ba ne ba bandɔŋa aa dɛ chɔ haah ne baa,

Mmarare 23:17

Israel baa kɛɛ haah bɛlbwa bɛ ɡel voɡ kpɔɔ ó do o toma ta dɛɛ bɔ jwamane.

1 Timoti 1:10

ne jwamane tena, ne baala ba ne ba bandɔŋa aa dɛ chɔ haah ne baa, ne nɛra baa lawɛ nɛra dɛɛ yoɡ ba kɛ yoma, ne nyosonteŋna, ne nɛra ba yon jemɛ kɛ nyosonee baa teŋe dɛ ɡarɛ dɛɛ ŋwɛɛ Korowii la, ne nɛra baa dɛ ɛ we-ɛɛla te bɛlbwa a ne webaɡla aa toɡra la aa wola kaa la, ba waa ba koh dɛɛ do mmara.

2 Timoti 3:13

Nɛnchɔɡa ne nɛra baa neɡre nɛra dɛɛ do wechɔɡa ta la ɡe ɛɛ kao saɡɛ wechɔɡa ɛɛ ta dɛɛ la, dɛɛ neɡre nɛra, ásɛ nɛra ɛɛ neɡre ba ɡe.

2 Pita 2:2

Nɛndamanta ɛɛ teŋɛ ba wedoŋa baa dɛ ɛ la taa, ásɛ a che a ta nɛra bol kasinteŋ ŋwɛnɛ wobochɔɡa kɛ waa were.

2 Pita 2:7

Dɛ Lɔt te ɛ nɛndɛɛɡe waa dɛ ɔmɛ Korowii bela, asɛ wedoŋa bwɛɛre la tena aa wola Korowii ɔmɛ dɛɛ ɛ la ɛɛ hao. O te, Korowii lɛo.

Tɔn Jud Aa Chwera 1:7

Gɛɛ Sodom ne Gomoora tena ne bwɛɛre a fa aa lɔ ba jwɛɛh la tena, ɡe fa aa chɔ dɔŋa baa ne haah ŋwɛnɛdoŋ ta, aa wola were ne bola, dɛɛ chɔɡ ba te. Baa ɛ ɡɛ la, Korowii ɡelɔ nii le ba nɛ, ásɛ nɛra bwa na dɛ́ jemɛ kɛŋɔ Korowii dɛ tɛr wechɔɡ-ɛɛ deŋne nii aa wola dime bwa ne.

Sitɔɔla 19:22

Baa dɛ lɛ ba sie la, nɛnchɔɡa bane baa lɔ bwɛɛ la ta baa bar dem la cheme, dɛɛ lɔ dem la doonyoa ɡbera la, dɛɛ kɔɡre dem te la ŋɔ, “Le baa la waa ba he dem bonɔ la ne tɛ yaa yá lawɔ ka chɔ kɛ baa ne haah.”