Mumpar 19:3 - mzwDBL

³ Asɛ o soŋ ba sibeɡra ne kohona mɔɔ ba sɛh, dɛ pere kpɔ o be dɛ ba dem. Anee o ɡel o bonɔɔna wɔɔ paanoo baa wola iisi a ta doe, dɛ ɛ kondikondɛɛɡa tɛɛ ba ba di.

Mumpar 19:3 Iomraidhean Croise

Mumpar 19:2

“N dɔɔranar n dɛ soŋe heya, hé pere kpɔ men maa ɛ he bonɔɔ be bonɔ, dɛ́ ba sarame nakpale ásɛ dɛ chɔ kere hé kaa.” Anee ba ŋɔ, “Ɔɔhɔh, yaa chɔ buse baahnee.”

Mumpar 21:8

Aesek kpeɡo ba teŋo el. Awola baa teŋo el la tenten la, Abraham ɡelɔ ba ɛ kondikwaa ba kpɔ lɛ ba sie.

Mumpar 24:31

Asɛ dɛ jaamo dɛ ŋɔ, “Korowiirii kpɔ he naa la. Dɛɛ ba! Ɛrɛɛ he ba che dahara ɡɛ nɔɔ? Dea haa chɔ ne bela he nyoɡmare nɔ aa chɔ bwa lole.”

Mumpar 26:30

Asɛ Aesek ɡel ba daa kondikwaa tɛɛ ba ba di, dɛ nyɔ sen lɛ ba sie.

2 Koranar 4:8

Awola bɛl, Elaesa la bwɛɛ bɛl baa dɛ yerɔ Sunem ta, dɛ haah bɛl o nɔn bini aa wera lɔ bela. Haah la yerɛ Elaesa la o dem o ne o ka di kwa. Le awola tɔpere dɛɛ kaa la, Elaesa aa kpɔ bwɛɛ la ta baa kaa bwa, ɡɛɛ o la dem bela dɛ ka di kwa.

Kaala 12:15

Hé di paanoo iisi aa wola toole a ta tɔpera anuanɛ. Tɔpere waa tɔ sie la, hé laa iisi bɛlbwa kpɔ he deene bini. Nomɛlbwa waa di paanoo iisi aa do o ta a ɡɛ tɔpera nɔ ta la, dɛ o ta n nɛra baa ɛ Israel tena la bini jae kpa.

Kaala 12:39

Ba kpɔ men baa ɛa dɛ le ane Ijipt la ɛ paanoo iisi aa wola toole a ta. Dɛkalkɛ baa doŋ ba le bela la, ba ta bɔr dɔe dɛ́ ɛ ba kondikwa bɛlbwa.

Amanesoma Luk Aa Chwera Tɔn 11:8

Kasinteŋ, dɛ a ka darame la ɡbo wa aa, o fe aa ir dɛ́ tɛɛ komɛlbwa. Kɛ haa wola kaalɛ, dɛ ta che dɛɛ soŋo la nomanta, wɛɛ tɛɛ komɛlbwa haa dɛ nyin laanee.

Amanesoma Luk Aa Chwera Tɔn 14:23

Anee o berɛ ŋɔ bonɔɔ la be ŋɔ, ‘La ŋwɛnɛre ta ne dahare, nomɛlbwa haa nao la, lawɔ ba ásɛ n dem bonɔ su.

Amanesoma Luk Aa Chwera Tɔn 5:29

Lewi ɡelɔ ba ɛ kondikonjena o dem dɛ hɔɔh Yeesu, asɛ o ne Yeesu ne toɔ lɛɛra pirim ne nɛra bane ka so dɛɛ di kwaa la.

Amanesoma Jɔn Aa Chwera Tɔn 12:2

Ba hɔɔhro, o ne nɛra bane ne Lasorɔs so dɛɛ di kwaa la, asɛ Maata tɔɔ dɛɛ tɛɛ ba.

1 Kɔrent 5:8

Anomanta, hé ɡel ya kpɔ ya te kɛŋɔ yaa dɛ ba Galekaa kondikwaa dii ken, anee kɛŋɔ yá laa meesɔɔh ne wechɔɡa bɛlbwa soo siwi kpɔ ya bini, ɡɛ baa laa iisi kpɔ paanoo baa kpɔa dɛɛ di Galekaa ta la. Hé ɡel ya kpɔ kasinteŋ ne tepoŋ dɛ́ teŋɛ Korowii nɛ.

2 Kɔrent 5:14

Yeesu Kristo nyina waa dɛ nyin yaa laanee dɛɛ do yaa ya we-ɛɛla bwa ta. Gɛ yaa naa laanee kɛŋɔ dɛ nɛmbeŋkpoŋ lɛ nɛra bwa seo sewaa, a kaa chaa kɛ nɛra la bwa sewɔ.

Hibru 13:2

He bɛ soh kɛŋɔ a chɛ kɛ hɛɛ lɛ hɔɔhra dɛɛ nyiŋ ba kɛrɛdɛ. Bane ɛ ɡɛ dɛ nyiŋi nyundua toroma, dɛ baa jemɛ.

Sitɔɔla 6:19

Gedeɔn kaa kpo bohlor dɛ daalo, dɛ kpɔ men kuruware fi ɛ paanoo iisi aa wola toole a ta. O pa ola la do wɛɡrɛ bini, asɛ dɛ fuɡe yooma la do vii bini, dɛ kpɔ ba tɛo dajen la mun.

1 Samoɛl 28:24

Dɛ haah la dɔ nabale bɛl waa do noo dem bela, asɛ o den kpoo buɡ la ta. O kpɔ men aa kpera kɛrɛdɛ dɛ kpɔ ɛ paanoo iisi aa wola toole a ta.