Mumpar 19:2 - mzwDBL

² “N dɔɔranar n dɛ soŋe heya, hé pere kpɔ men maa ɛ he bonɔɔ be bonɔ, dɛ́ ba sarame nakpale ásɛ dɛ chɔ kere hé kaa.” Anee ba ŋɔ, “Ɔɔhɔh, yaa chɔ buse baahnee.”

Mumpar 19:2 Iomraidhean Croise

Mumpar 18:4

Hé ɡel n ba tɛ heyaa nee tama he sarame he nakpale, ásɛ dɛ ka onɛ daa nɔ mun bela.

Mumpar 19:1

Nyundua toroma la tel Sodom jɔmɔrane. Dɛ Lɔt soɡe bwɛjen la doonyoa baa cheɡɛ o ta dɛɛ jo la ta. Waa na ba la, o iro dɛɛ chem ba, asɛ dɛ ba harɛ dɛ kpɔ sie pi harɛ dɛ ŋɔ,

Mumpar 19:3

Asɛ o soŋ ba sibeɡra ne kohona mɔɔ ba sɛh, dɛ pere kpɔ o be dɛ ba dem. Anee o ɡel o bonɔɔna wɔɔ paanoo baa wola iisi a ta doe, dɛ ɛ kondikondɛɛɡa tɛɛ ba ba di.

Mumpar 24:31

Asɛ dɛ jaamo dɛ ŋɔ, “Korowiirii kpɔ he naa la. Dɛɛ ba! Ɛrɛɛ he ba che dahara ɡɛ nɔɔ? Dea haa chɔ ne bela he nyoɡmare nɔ aa chɔ bwa lole.”

Mumpar 43:24

Ate, o laɡ ba jo dem dɛ tɛɛ ba nee ba sarame ba nakpale, dɛ tɛ ba keeɡore ɡe kwaa a di.

2 Samoɛl 11:8

Ate, kooro ŋɔ Uria be ŋɔ, “La dem dɛ́ ka onɛ tama.” Anomanta, Uria le bela kaa asɛ kooro ɡel ba kpɔ koŋkɛɛla ka tɛo.

Job Tɔn 31:32

Kɛɛ hɔɔh bɛlbwa ta fɔɡbaah chɔe jwaana, dɛkalkɛ saŋ bɛlbwaa mɛɛ lɛ hɔɔhra n dem,

Sɛɡla 25:17

Dɔŋ dem laŋa kohona dɛ peo, a che a ta o berɛ haeh kwara.

Yelsom 5:3

N laa n batakaare foo, a chɛ kɛ ń berɛ kpɔ do ja aa? N sarame n nakpale, ń berɛ kpɔ valɛ harɛpɛɛ aa?

Amanesoma Luk Aa Chwera Tɔn 7:44

Yeesu aa ŋɔ ɡɛ la, o berɛ sie ta haah la be, dɛ ŋɔ Seemɔn be ŋɔ, “Kɛ he na haah nɔ kenɛ? Maa ba he dem bonɔ la, he ta men nee tɛɛ ń sarame n nakpale. Kɛ haah nɔ te wio ta n nakpale ta, dɛ kpɔ o nyumpona feera kɛrɛdɛ ken.

Amanesoma Jɔn Aa Chwera Tɔn 13:5

asɛ dɛ fuɡe nee do kon bini, dɛ pa mun kpɔ dɛɛ sarame o habɔteŋra la nakpale, asɛ dɛ kpɔ bwarabwaa waa kpɔa mile chara la dɛɛ feera.

We-ɛɛla 16:15

Ya sɔ o ne o dem tena bwa Korowii ne, asɛ o soŋe yaa ŋɔ, “Dɛ he jemɔ ŋɔ n dɛ tomɛ Korowii kɛrɛdɛ naa, amɔ hé ba so n be.” O soŋe yaa, asɛ ya kaa o dem.

Hibru 13:2

He bɛ soh kɛŋɔ a chɛ kɛ hɛɛ lɛ hɔɔhra dɛɛ nyiŋ ba kɛrɛdɛ. Bane ɛ ɡɛ dɛ nyiŋi nyundua toroma, dɛ baa jemɛ.