Mumpar 19:17 - mzwDBL

¹⁷ Belaa Korowii toroma la bini bɛl ŋɔ ba be ŋɔ, “He chwa dɛ́ lɛ he nyu. Bɛlbwa bɛ ke nyiŋi. He bɛ deŋɡarere doa harɛ waa chɔa kaa la ta che, he chwa kaa deŋɡarere dor, dɛ́ dɔ he nyu.”

Mumpar 19:17 Iomraidhean Croise

Amanesoma Luk Aa Chwera Tɔn 9:62

Anee Yeesu ŋɔ o ɡe be ŋɔ, “Nomɛlbwa waa pa mun dɛɛ ba para dɛ ka kpɔ par, o nyu bini berɛ dɛɛ ɛo anɛnɛ la aa won parɛ a maɡre. Gɛɛ a do kɛŋɔ nomɛlbwa waa kpɔ o te kɛŋɔ wɛɛ ja Korowii Kora la taa la bɛ berɛ dɔ liire anɛ kpa.”

Mumpar 19:26

Lɔt haah te keo nyiŋi, anomanta, o berɛ yabwejen che bela.

Mumpar 19:22

Ɛ warane, dɛ́ chwa kaa. Dɛ he ta bela telaa, maa won ɛ wobɛlbwa.” A waa ba pa bwɛɛ la sɔn Soar.

Matiu 3:7

Jɔn aa naa kɛ Farisii ne Saduki tena ɡe warɔ dɛɛ ba o be ó sɔ ba Korowii nee la, o ŋɔ ba be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa la! Umee ŋɔ he be ŋɔ hɛɛ wonoo chwa le Korowii bandia ta nɔ?

Jeremia 48:6

Ba ŋɔ, ‘Hé ɛ warane, dɛ́ chwa lɛ he nyuune. Hé chwa kɛŋɔ kpɔɡ bini keeɡo waa lɔ pua hɛŋle ɡbo harɛ ta ken.’

1 Koranar 19:3

Elaeja ɔmɔ, dɛ kpɔ o bonɔɔ chwa kaa Beɛseeba waa lɔ Juda harɛ ta, ásɛ dɛ dɔ o nyu. O baa ɡel o bonɔɔ la bela,

Mumpar 13:10

Belaa Lɔt ha sie dɛ nyiŋi harɛ la, asɛ dɛ na ɡɛ Jɔɔdan Moo nyoa harɛ aa sɔna ka le Soar harɛ ta, dɛ do wer kɛŋɔ bela Korowii aa du daa Eden bodɛɛɡe ne Ijipt harɛ la ken. Gɛ waa nɔ chiɡo mɔɔ Korowii chɔɡ bwɛɛre ane baa dɛ yera Sodom ne Gomoora la.

Yela 121:1

N ha sie nyiŋi bwejena dor. Umee n dɔ ó ba cha mɛ nɔ?

1 Samoɛl 19:11

Kooro Sɔɔl tomɛ bonɔɔna ŋɔ bá la Devid dem jwaana ka kpaahno, ásɛ bɔr ne chaahna la dɛ ba kpoo. Kɛ Devid haah Mikal kaoh ŋɔ, “Dɛ he ta bɔr nyine dɛ chwa jwaana nɔ ne naa, tɔɔ ne pera dɛ ba kpoe.”

Mumpar 18:22

Belaa baala banɛ la pe do dɛɛ kaa Sodom, asɛ Abraham ta che Korowii sie bela.

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

Mumpar 14:10

Dɛ Sidim Fɛlembɔjen la ɛ bɔɔne bɔɔne kootal su o bwa nomanta, Sodom kooro ne Gomoora kooro ne ba nɛra aa chwaa dɛɛ kaa la, ba bini bane kaa lee bɔɔne la bini asɛ koranar batoro la ɡe ne ba nɛra la chwa kaa bwejena la dor.

Mumpar 19:18

Asɛ Lɔt soŋe ŋɔ, “Nomoa, n poori bɛ ɡel a ba ɡɛ.

Mumpar 19:30

Dɛ Lɔt dɛ ɔmɛ Soar soɡa, anomanta, o ne o bihaahna banɛ la ir bela dɛ kaa deŋɡarere la ta, dɛ ka jo bwebɔɔ bɛl ta so.

Nɛra Kura 16:26

O kah nɛra baa cheme bela la ŋɔ, “Hé laa he te kpɔ nɛnchɔɡa nɔ tɛnte deene jwɛh! He bɛ ba komɛlbwa leɡe, ásɛ ba wechɔɡa maah heya, ásɛ he ne ba bwa bɛ pɛ serewe.”

1 Koranar 1:12

Taraken n dɛ jae kɛŋɔ, dɛ he dɛ nyin he ne he bie nyu tenaa, amɔ te no waa maa dɛ ba he be bola nɔ.

Amanesoma Luk Aa Chwera Tɔn 12:23

He mkpa ɡwaa kondikwa, he bwadabii ɡe ɡwaa yal.