Mumpar 19:16 - mzwDBL

¹⁶ Dɛ waa too dɛ́ le warane, anomanta, ba lawɛ o ne o haah ne o bihaahna la nɔɔra, dɛ kpɔ ba le bwɛɛ la ta. Dɛkalkɛ Korowii na ba te sum.

Mumpar 19:16 Iomraidhean Croise

Mumpar 19:15

Bɔr aa dɛ ba chaahna la, Korowii toroma la kaa che Lɔt nɛɛ ŋɔ, “Ɛ warane lawɛ he haah ne he bihaahna banɛ nɔ le bonɔ kaa, ásɛ dɛ bwɛɛ nɔ dɛ ba chɔɡa aa, he te bɛ ba nɛɛ ja dɛ́ chɔɡ.”

Mumpar 43:10

Ken laa ya do waa nɔ ta dɛɛ tɛɡre aa, ya fe la kera anɛ ba.”

1 Webena 16:34

Hé kpɛɛ Korowii! Hé kpɔ jam tɛ Korowii dɛkalkɛ o wer, o nyina waa dɛ nyin yaa ta jaɡa dɔe.

Yela 103:13

Gɛ mɛɛ yon dɔ tedoma o bii nɛɛ la, ɡɛɛ Korowii tea ɛɛ domɔ nɛra baa dɛ ɔmɔ nɛ,

Yela 106:1

Hé kpɛɛ Korowii! Hé kpɔ jam tɛ Korowii dɛkalkɛ o wer, o nyina waa dɛ nyin yaa ta jaɡa dɔe.

Yela 106:8

Kɛ he lɛɛ ba ɡɛ haa baɡ ba nyoa la, dɛ baɡle ɡɛ haa dɔ kpeɡri kohona.

Yela 107:1

Hé kpɔ jam tɛ Korowii, dɛkalkɛ o waa wer, o nyina waa dɛ nyin yaa lole saŋ bɛlbwa dɛɛ la.

Yela 111:4

O ɡelɔ yaa lii nyokpowaa waa ɛa, Korowii dɔ tedoma tɛ yaa dɛɛ na ya sum.

Yela 118:1

Hé kpɔ jam tɛ Korowii, dɛkalkɛ o waa wer. O nyina waa dɛ nyin yaa lole saŋ bɛlbwa dɛɛ la.

Yela 119:60

Mɛɛ ɛ waranee maa wola hɛlɛ, dɛ́ɛ teŋɛ waa haa do mɛ a ta la.

Yela 136:1

Hé kpɔ jam tɛ Korowii o wer. O nyina lole saŋ bɛlbwa dɛɛ la.

Yela 32:10

Nyubinikpeɡ tena wenaale warɔ taeh, kɛ Korowii nyina aa wola jaɡa dɔe la, dɛ tɔ nɛn waa dɛ yaradao la nɛ.

Yela 33:18

Korowii sie lɔ nɛra baa dɛ teŋɛ o waa ta, nɛra baa dɛ hwɛɡɛ o nyina aa wola jaɡa dɔe ta la.

Yela 33:19

O lɛɛ ba dɛɛ le seo nyoa, dɛ́ ɡel ba so le, hale lɔr saŋ.

Yela 34:12

Nomɛlbwa waa dɛ nyin mkpajaŋ, dɛɛ nyin kɛ o bwara sɔɔhno la,

Yela 86:15

Kɛ hen Korowii te, he dɔ tedoma tɛ nɛra, dɛɛ nyin ba. He baah aa di warawara, he waa dɔ kasinteŋ, hɛɛ nyin nɛn.

Yela 86:5

N Naa Korowii, he waa wer tɛ yaa, kpɔ ya wechɔɡa dɛɛ kɛ yaa, he kpɔ he nyina aa wola jaɡa dɔe, dɛɛ nyin nɛra baa wia dɛɛ yerɛ bwa.

Kaala 34:6

Belaa o teŋe Mosis sie ba kaa dɛ ŋɔ, “Menee Korowii, menee dɔ tedoma dɛɛ na nɛra sum. N baah aa di warawara, n nyina ne n kasinteŋ ɡe kan.

Kaala 34:7

N teŋɔ dɛɛ nyin nɛra kaɡboŋa dɛ kpɔ ba wechɔɡa dɛɛ kɛ ba, dɛ kpɔ nɛra vɛɛh baa vɛɛh mɛ ne ba wechɔɡa bwa dɛɛ kɛ ba. Kɛ maa nɛra baa dɛ ɛ wechɔɡaa ɡel pɛɛ maa wola ba deŋnee tɛr. Mɛɛ koh wechɔɡa nɛra aa ɛa waa, dɛ́ tɛr ba bii ne ba naanar ne ba ɡe naanar baa ka ba la deŋnee.”

Aesaya 63:9

Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

Wiile 3:22

Korowii nyina kohona aa wola tonɛ bwa, ne o tedoma nomanta, ya ta soɡe le, waa yaa ɡel bwa.

Nɛra Kura 14:18

He ŋɔ he baah aa di warawara, he nyina do kan kohona, dɛ kpɔ wechɔɡ-ɛɛra ne lwɛmkpeɡ tena waa dɛɛ kɛ ba. Kɛ he dɛ tɛr nomɛlbwa waa di bolchɔɡe deŋne, dɛɛ tɛr nɛra baa ɛ wechɔɡa la deŋne, hale dɛ kpoŋe ka tel ba naanar bele batoro kɛɛ banaarɛ baa ka ba la.

Amanesoma Luk Aa Chwera Tɔn 18:13

Toɔ lɛɛ la te cheɡɛ bojaŋ, o ta sie hae dɛ nyiŋi nyundua kwara, kɛ dɛ kpɔ nɔɔra dawɛ nyu dɛ ŋɔ, ‘Oo, N Naa Korowii, wechɔɡ-ɛɛree men. Na n sum dɛ́ kpɔ n wechɔɡa kɛ mɛ.’ ”

Amanesoma Jɔn Aa Chwera Tɔn 6:44

Nomɛlbwa aa won ba n be nemenɛ n Mɛɛ la ɡbaɡba waa tom mɛ la tɛro ba n be, ásɛ tɔpera bwa jaɡa wee la, ń iru seo ta.

Tɔn Pɔɔl Aa Chwerɛ Rom Tena 9:18

Naate Korowii tea aa toora kɛŋɔ ó sune o nɛɛ la, o nɛɛ wɛɛ sune. Naate ɡe o tea aa toora kɛŋɔ ó ɡel o deŋne do kpeɡri la, onee o ɡel o deŋne ɛɛ do kpeɡri.

2 Kɔrent 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii. Onee ya Mɛɛ o tea aa dɛ domɛ ya nɛɛ kohona, dɛ ɛ Korowii waa wona dɛɛ larawe nɛn bwara.

Mmarare 4:31

O dɛ na nɛn sum, waa nɔnee laa kpɔ he nɛɛ bwa á ba ɛ kɛŋɔ wɛɛ chɔɡ heyaa. Waa fɔo o ne he naawa aa fɔwa o ŋwɛɛ o waa laanee soh bwa.

Mmarare 5:15

Hé ta sie dɛ́ na ɡɛ saŋ haa lɔ somanjiri dii ta Ijipt harɛ la, men Korowii haa dɛ tom mɛ nɔ cheɡɛ n kpeɡri ne n bokpeɡa ta dɛ lɛ heyaa le bela. A waa ɡela mɛɛ do heyaa ŋɔ hé di Ona Tɔpere la la.

Mmarare 6:21

He ŋɔ ba be ŋɔ, ‘Ya fa dɛ di somanjiri Ijipt kooro harɛ ta, asɛ Korowii che o kpeɡri ta dɛ le ya ne bela.

Mmarare 7:8

Nyina waa dɛ nyin heyaa la, ne o baɡa waa baɡɛ he naawa nyoa la waa o che o kpeɡri ta lɛ heyaa le Ijipt kooro nɔn ta ne somanjiri dii waa dɛ do heyaa a ta la ta.

Taetos 3:5

o lɛ yaa ta. Ya te wedɛɛɡa ɛɛ waa laa o lɛ yaa ta. Sunaa o sune ya nɛɛ dɛ lɛ yaa ta, dɛ sɔ yaa nee ya won do kɛ baa bera kwaa lolɛ yaa. O Domadɛɛɡe waa kpɔa tɛ yaa o kwaa yaa la nɛɛ ya che dɛ dɔ mkpafale la.

Josua 6:22

Josua ŋɔ baala banɛ baa laŋa dɛ ka sɔh nyiŋi harɛ la be ŋɔ, “Hé la hanjwamane la dem, dɛ́ ka kpɔ o ne o nɛra bwa baa ja o nɛɛ le, ɡɛ haa baɡɔ nyoa la.”

2 Pita 2:7

Dɛ Lɔt te ɛ nɛndɛɛɡe waa dɛ ɔmɛ Korowii bela, asɛ wedoŋa bwɛɛre la tena aa wola Korowii ɔmɛ dɛɛ ɛ la ɛɛ hao. O te, Korowii lɛo.

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.