Mumpar 18:8 - mzwDBL

⁸ Ate, o ka kpɔ waɡasi ne na-elne, ne nao bie baa daalo la ba cheɡ ba sie. Asɛ dɛ te berɛ kaa ka che daa la bɛl mun bela ba jwɛh, asɛ baa di kwaa la.

Mumpar 18:8 Iomraidhean Croise

Mumpar 18:7

O berɔ chwa la o naleɡ bini, dɛ ka lawɛ nao bie o bwara aa wera, dɛ kpɔ ba tɛ o bonɔɔ bɛl, ásɛ o ɛ warane kpoo dɛ́ daalo.

Mumpar 18:9

Belaa ba pɛɛro ŋɔ, “Lee he haah Saara dɔɔ?” Anee o chaŋe ŋɔ, “O lɔ tɛnte dea la bini bela.”

Mumpar 19:3

Asɛ o soŋ ba sibeɡra ne kohona mɔɔ ba sɛh, dɛ pere kpɔ o be dɛ ba dem. Anee o ɡel o bonɔɔna wɔɔ paanoo baa wola iisi a ta doe, dɛ ɛ kondikondɛɛɡa tɛɛ ba ba di.

Nehemia 12:44

Gɛ saŋ la, ba le baala bane baa nyiŋi deene baa lɛ kwaa dɛ kpɔ baa cheɡ a bini Korowii Dea la ta. Kondikonloɡla ne kwaa baa bɔne a bini bɔre fi, dɛ kpɔ a bini bɔrbeŋkpoŋa dɛɛ ba ne. Ba lɛa le kooni aa bar bwɛɛre ta ba cheɡ deene la bini, ɡɛ Mmara aa chaɡla kɛŋɔ, anee chɛ sɔfore ne Lewi dea tena la. Dɛkalkɛ, dɛ Juda tena bwa sie lɛ ba ne Lewi dea tena la nɛ.

Aesaya 7:15

O baa kpeɡ dɛ jemɛ wedɛɛɡa ne wechɔɡa aa, waɡasi ne tohnoo ɡboo dɛɛ ba o kondikwaa ɛɛ.

Aesaya 7:22

aa wonoo tɛo elnee ɡɛ del waa dɛ nyin. Nɛra baa ba dɔ ba nyu dɛ́ ka harɛ la ta la, waɡasi ne tohnoo ɛɛ bu ba nɛɛ.

Amanesoma Luk Aa Chwera Tɔn 12:37

Bonɔɔna baa soɡa kpa ba dɔɔ, ba ta dom chɔe o ba puu ba la, ba sie dɛ lɛ. Kasinteŋ, n dɛ ŋɔ he be, wɛɛ kpɔ o tenee dɛ́ yer ba so tiɡ ta, ásɛ dɛ tɛɛ ba kwaa ba di.

Amanesoma Luk Aa Chwera Tɔn 17:8

Akai! Haa o be ɡɛɛ ŋɔ. Hɛɛ ŋɔ o bee ŋɔ, ‘Ɛ n kondikwaa ka cheɡ mɛ, ásɛ dɛ kpɔ he te ba che n be tiɡ ta, dɛ́ ɛ n wobɛlbwa tɛ mɛ ń di kwaa tonɛ mɔɔ he ɡe ka di he kwa.’

Amanesoma Luk Aa Chwera Tɔn 24:30

Kondiiɡa saŋ aa tela ba ka cheme tiɡ ta la, o kpɔ paanoo dɛ jam Korowii dɛ kuuɡi do ba nɔɔra ta.

Amanesoma Luk Aa Chwera Tɔn 24:43

asɛ o lɛ dɛ chwe ba siwi ta.

Amanesoma Jɔn Aa Chwera Tɔn 12:2

Ba hɔɔhro, o ne nɛra bane ne Lasorɔs so dɛɛ di kwaa la, asɛ Maata tɔɔ dɛɛ tɛɛ ba.

We-ɛɛla 10:41

Korowii ta ɡelɛ o kpɔ o te chaɡle nomɛlbwa ka ja ya nɛra waa le yaa ŋɔ yá di o danseɛ nɔ nɛ. Ya ɡɛ nɛra nɔ ne o pɛ nɔn di kwaa o seo ta ira la habɔɔ.

Galaasia 5:13

Yabala, Korowiirii le heyaa tɛ o te, dɛ lɛ heyaa asɛ Mmara la bɛ heyaa vɔrɔwe kpa. Kɛ haa dɔ he te nɔ, he bɛ ɡel a do he som kohona, asɛ hɛɛ ɛ wechɔɡa la bwa he bwadabii aa dɛ nyin kɛŋɔ hɛɛ ɛ. Hé kpɔ dɔŋa nyina dɛɛ tomɛ dɔŋa.

Mmarare 32:14

Ba dɔ nae ne boohna elnee kohona, ba peera ne boohna ne nae do wer, dɛ dɔ Basan harɛ pebala aa wera tɛɛ ba la ane. Ba dɔ mendɛɛɡa ne sen baa dɛ nyin dɛɛ nyɔ.

Wepila 3:20

Hɛ́ɛ no! N cheɡɛ doonyoa dɛɛ lɔ ɡbera. Naate waa no n taa dɛ́ ba yaa mɛ la, mɛɛ jo o bee, n ne o pɛ nɔn di kwa.

Sitɔɔla 13:15

Manoa ŋɔ Korowii nyundua torome la be ŋɔ, “Ya dɛ nyin kɛ he so ka tel kɛ yaa kpo bombie bɛl tɛɛ.”

Sitɔɔla 5:25

Sisera soŋe nee Jael be, o tɛo na-elne o nyɔ. Numol o fe aa chɛ nɛnjena binii o do na-elne aa soma tɛo.