Mumpar 17:7 - mzwDBL

⁷ Mɛɛ ɡeloo n fɔo la do n ne hen ne he naanar baah saŋ bɛlbwa dɛɛ la, ásɛ n ɛ he ne he naanar baa ka ba la bwa Korowii haa dɛɛ tom mɛ.

Mumpar 17:7 Iomraidhean Croise

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

Mumpar 17:13

Nomɛlbwa baa lolɔ o ɛ he ɡbaɡba bini bɛl, kɛɛ onɔ la haa yawɔ bwa, chɛ kɛ bá teŋe o pen, ásɛ n fɔo la do he bwadabii ta saŋ bɛlbwa dɛɛ la.

Mumpar 17:19

Ate, Korowii ŋɔ, “N noɔ, kɛ Saara ɛɛ lolɛ bibaalee tɛɛ he pa o sɔn Aesek. Onee mɛɛ ba ɡela n fɔo la chɔ n ne o baah ta, dɛ́ chɔ tɛ n ne o ɡe naanar. Wɛɛ ɛ fɔo waa wola jaɡa dɔe bwa.

Mumpar 26:24

Awola jwaana la ne la, Korowii ba o be kɛŋɔ deera ta ken dɛ ŋɔ, “Menee Korowii he mɛɛ Abraham aa tomɔ la. Bɛ dɛɛ ɔmɛ, mɛɛ che he habɔɔ. Mɛɛ koh n bonɔndɛɛɡe Abraham waa dɛ́ tɛɛ hɛɛra dɛ́ ɡel he naanar warɛ.”

Mumpar 28:13

Dɛ Korowii cheɡɛ o jwɛh dɛ ŋɔ, “Menee Korowii, menee he mɛɛ Abraham ne Aesek tomɛ la. Harɛ haa chɔ o ta nɔ, he ne he naanaree mɛɛ ba kpɔe tɛ.

Mumpar 6:18

N ne hɛɛ fɔwɛ fɔwee, ásɛ he kpɔ he haah ne he bibaala, ne ba ɡe haahna bwa jo daka la bini dɛ́ ja he nɛ.

Mumpar 9:16

Saŋ bɛlbwa, dɛ bwaala deŋɡare baa le baama bini naa, a taa mɛɛ ba nae dɛ́ lii fɔo la n ne hweera kwaa bwaa fɔwa harɛ nɔ ta la.”

2 Samoɛl 7:24

He lɛ he nɛra Israel tena cheɡ saŋ bɛlbwa dɛɛ la, asɛ dɛ ɛ Korowii baa dɛ tomɛ.

1 Webena 16:13

O bonɔɔ Jekɔb naanar, Jekɔb bibaala waa lee ba cheɡ tɛ o te.

1 Webena 16:14

Onee Korowii yaa dɛ tomɛ, o bol harɛ nɔ ta nɛra waa dɛɛ pa bole.

Yela 81:10

Menee Korowii haa dɛ tomɛ, n le he ne Ijipt harɛ ta la. Hé waa dɔ kasinteŋ tɛ mɛ naa, mɛɛ tɛ heya kondikwaa kɛŋɔ, jumbie aa dɛ tɛ o bii la.

Kaala 3:15

Korowii berɔ ŋɔ Mosis be ŋɔ, “Ŋɔ Israel tena be ŋɔ, ‘Men Korowii ba nabaala Abraham ne Aesek dɛ Jekɔb aa tomɔ laanee tomɛ ba be.’ A ɡɛ sɔn nɔɔ dɛ́ ɛ n sɔn saŋ bɛlbwa dɛɛ la. Ásɛ naanar baa ka ba bwa ɡe ɛɛ yer mɛ ɡɛ.

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Kaala 6:4

Asɛ n ne ba fɔwɛ fɔo kɛŋɔ mɛɛ kpɔ Keenan harɛ baa soɡe o ta kɛŋɔ hɔɔhra laanee tɛɛ ba ó ɛ ba kon.

Kaala 6:7

Mɛɛ kpɔ heyaa ɛ n nɛra, ásɛ n ɡe ɛ Korowii haa dɛ tom mɛ. Anee dɛ́ ɡel he jemɛ kɛŋɔ menee Korowii haa dɛ tomɛ n lɛ heyaa le Ijipt tena nɔn ta.

Aesaya 61:8

Korowii ŋɔ, “N dɛ nyin waa bola dɛ́ pa bole aŋwɛnɛ ta, n kii ŋwɛɛ ne wechɔɡa ɛɛ. Mɛɛ tɛ n nɛra kembɔree kasinteŋ ta, n ne ba fɔwɛ fɔo, o do le saŋ bɛlbwa.

Jeremia 31:1

Korowii ŋɔ, “Saŋ bɛl ɛɛ bao ásɛ Israel deene bwa kpɔ mɛ ɛ Korowii baa dɛɛ tom mɛ, ásɛ n ɡe kpɔ ba ɛ n nɛra.

Ɛsekeɛl 28:26

Baa so deŋnesɔɔhna taa, dɛ́ do deene, dɛ́ parɛ daa kooni. Mɛɛ tɛr nɛra baa ɛɛ ba hɔhɔrɔwa la deŋnee, ásɛ Israel tena dɔ ba te. Ásɛ ba jemɛ kɛŋɔ menee Korowii baa dɛ tom mɛ la.”

Lewi Dea Tena 11:45

Menee Korowii haa dɛ tom mɛ n lawɛ heyaa le Ijipt harɛ ta hé ba ɛ n nɛra, anomanta, hé do ɡoroŋ ɡɛ maa do ɡoroŋ la.

Lewi Dea Tena 25:38

Men Korowiirii bola, menee le he ne Ijipt harɛ ta, dɛ kpɔ Keenan harɛ tɛ heyaa o ɛ he kon, dɛ ɛ Korowii haa dɛ tom mɛ.

Lewi Dea Tena 26:12

Mɛɛ ja he nɛɛ, dɛ́ ɛ Korowii haa dɛ tom mɛ, ásɛ he ɡe ɛ n nɛra.

Lewi Dea Tena 26:44

Dɛ ba ta lɔ ba dɔma harɛre ta kwaraa naa, maa ban ɡel, mɛɛ chɔɡ baa kɛŋɔ baa chɔɡ n ne ba fɔo yaa fɔwa la. Menee Korowii haa dɛ tom mɛ la.

Lewi Dea Tena 26:45

Mɛɛ koh ba waa, dɛ́ lii n ne ba naawa fɔo yaa fɔwa la. Gɛ maa ɡela harɛre na n kpeɡri, dɛ lawɛ n nɛra le Ijipt harɛ ba siwi ta la wa. Men Korowiirii bola.”

Lewi Dea Tena 26:9

Mɛɛ nyiŋi he nɛɛ dɛ́ ɡel he mun ya kohona, ásɛ n ne he fɔo yaa fɔwɛ la che.

Maeka 7:20

Hɛɛ teŋɛ kasinteŋ ne he nyina aa wola jaɡa dɔe taa, dɛ́ sune Jekɔb ne Abraham naanar nɛ, ɡɛ haa baɡɛ ya naawa nyoa saŋ la.

Matiu 22:32

O ŋɔ, ‘Menee Korowii Abraham ne Aesek dɛ Jekɔb aa tomɔ la.’ Lala laa dɛɛ tomɛ Korowii, weeraa dɛɛ tomɔ.”

Amanesoma Mak Aa Chwera Tɔn 10:14

Yeesu aa na ɡɛ baa dɛ ɛ la, o baah di ba nɛ, o ŋɔ ba be ŋɔ, “He bɛ bii la ŋwɛnɛ tɔ. Hé ɡel ba ba n be, dɛkalkɛŋɔ banɔ dɔŋa nɔɔ Korowii koobii la.

We-ɛɛla 2:39

dɛkalkɛŋɔ he ne he naanar ne bojaŋ tena Korowii aa dɛ yer ba ŋɔ bá ba o be la bwa waa o baɡɛ nyoa la la.”

Tɔn Pɔɔl Aa Chwerɛ Rom Tena 9:4

Israel tena maa dɛ bol ba waa nɔ, Korowii ɛɛ ba o bii dɛ baɡ ba o jirima. O ne ba fɔwɛ fɔo, asɛ o tɛɛ ba o Mmara, dɛ baɡ ba ɡɛ aa chɛ kɛ baa tomɔ, dɛ baɡ ba nyoa bele aŋwɛnɛ bwa.

Ɛfesos 2:2

He fa dɔ harɛ nɔ ta liire dɛɛ teŋɛ wechɔɡa ta, dɛɛ teŋɛ konchɔɡa bwa yaa wola an na la dɔɔ la nɛ. O tentenee dɛɛ ɛ toma deŋnekpeɡ tena bambili bini.

Mmarare 29:13

Ásɛ Korowii kpɔ heyaa kɛŋɔ o nɛra hɛɛ tomɔ ɡɛ waa baɡɛ he naawa Abraham ne Aesek dɛ Jekɔb nyoa la.

Hibru 11:16

Kɛ ɡɛ laa a do. Harɛdɛɛɡe waa wera ɡwaa bela baa lea la waa baa lii. Harɛ waa lɔ nyundua waa baa lii. Anomanta, a ta Korowii sihiih ɛɛ kɛŋɔ baa dɛ yerɔ ba Korowii, dɛkalkɛŋɔ o kwaa bwɛɛ bɛl cheɡ ba.

Hibru 8:10

Fɔo n ne Israel tena aa dɛ ba fɔwa kerekeree la. Mɛɛ kpɔ me Mmaraa do ba nyu bini, dɛ́ chwerɔ do ba bambile bini, ásɛ dɛ ɛ Korowii baa dɛɛ tom mɛ, ásɛ ba ɡe ɛ n nɛra.

Sitɔɔla 2:1

Korowii nyundua torome le bwɛɛ baa dɛ yerɔ Gelɡal dɛ ba bol waa Bokim tena be ŋɔ, “Menee lɛ heyaa le Ijipt harɛ ta, dɛ ba he ne harɛ maa baɡɛ he naawa nyoa kɛŋɔ mɛɛ kpɔɔ tɛ heyaa la ta la. N bol he be ŋɔ maa fɔo n ne haa fɔwa laanee chɔɡ bwa.