Mumpar 17:10 - mzwDBL

¹⁰ N fɔo maa dɛ nyin o chɔ le tɛ he ne he naanar, ásɛ hɛɛ teŋɛ o ta laanee kɛ, hɛ́ɛ teŋni he bibaala bwa pena.

Mumpar 17:10 Iomraidhean Croise

Mumpar 17:11

Penteŋa nɔɔ dɛ́ baɡle fɔo waa chɔ n ne he baah.

Mumpar 17:23

Awola tɔpere la, Abraham lawɛ o bie Ismael ne baala baa lɔ o dem bwa, banɔ la baa ɛ yoma ne bibaala baa lol ba o dem, dɛ teŋe ba pena ɡɛ Korowii aa ŋɔ o be la.

Mumpar 17:27

ne baala baa lɔ o dem, ne banɔ la baa ɛ o nɛndɔɔla dɛ bibaala baa lol ba o dem bwa.

Mumpar 21:4

O bie Aesek aa dɔ yawanyoa la, o teŋe o pen ɡɛ Korowii aa ŋɔ o be la.

Mumpar 34:15

Waa aa ɡel ya sɛh laanee kɛŋɔ, hé ɡel he bibaala bwa teŋni ba pena kɛ yan.

Mumpar 34:22

Dɛ yaa ɛ waa baa kpɔ bil ya sie yaa, anee dɛ́ ɡel ba sɛh ya ne ba so. Anee kɛ yaa teŋe ya pena kɛ ban.

Kaala 12:48

Nɛŋhɔɔh bɛlbwa waa baa so he bini dɛ nyin o di Galekaa kondikwaa nɔ Korowii sɔn ta naa, a chɛ kɛŋɔ ó teŋe o bibaala ne baala baa lɔ o dem bwa pena, ásɛ he ne ba bwa ɛ nɛnsiwi beŋkpoŋ mɔɔ dɛ́ won di ane. Bibaa te bɛlbwa baa wola o pen teŋe la ta chɛ kɛŋɔ ó di ane.

Kaala 4:25

Belaa o haah Sepora kpɔ bwepɛla o nyoa aa do kɛŋɔ kere teŋe o bie la pen, dɛ kpɔ chal la ka leɡe Mosis napaala dɛ ŋɔ, “Gɛ maa ɛa nɔ dɛ baɡle kɛŋɔ n ne he ɛ beŋkpoŋ ya soɡa nɔ bini.”

Jeremia 4:4

Hɛɛ teŋɛ fɔo he ne men Korowii haa dɛ tom mɛ aa fɔwa la ta, dɛ́ kpɔ he te bwa tɛ mɛ, he Juda ne Jerusalam tena bwa. Gɛ laa aa, n baah ɛɛ diu kohona, he wechɔɡa haa ɛa la wa, ásɛ nomɛlbwa aa won sɔɔh o nyoa.

Amanesoma Jɔn Aa Chwera Tɔn 7:22

Mosis bee he dɔ penteŋa Mmara la. O be laa penteŋa le te, he naawaa pa a mun. Anomanta, he won bie pen teŋa Ona Tɔpere kwaraa ta.

We-ɛɛla 7:8

Asɛ Korowii baɡle Abraham ŋɔ wɛ́ɛ teŋe o bii pena, ásɛ a ɡɛ waa la ɛ nawee dɛ́ che tɛ o ne Abraham fɔo la baa fɔwa la wa. A waa Abraham aa lolɛ o bie Aesek o dɔ yawanyoa beŋkpoŋ la, ba teŋe o pen. Aesek ɡe aa baa lolɛ o bie Jekɔb la, o teŋe o pen. Asɛ Jekɔb ɡe teŋe o bii fi dɛ banɛ baa ɛ ya deene nomonome la bwa pena.

Tɔn Pɔɔl Aa Chwerɛ Rom Tena 2:28

Nɛn waa ɛ Juu te, wobɛlbwa aa wola toole dɛɛ baɡle kɛ o ɛ Juu te, dɛ ja o pen teŋa ɡbo ta la, Juu te tenten laa on. Penteŋa dɔ mun.

Tɔn Pɔɔl Aa Chwerɛ Rom Tena 3:25

Korowiirii le Yeesu Kristo ŋɔ ó ba fuɡe o chal ta, dɛ́ soŋe ya wechɔɡa, ásɛ o bandia le nɛra baa yarada Yeesu Kristo seo waa la nɛ. Korowiirii fa saahna ɛ ɡɛ dɛ́ baɡle kɛ o waa toɡrɔ, dɛkalkɛŋɔ a saŋ la, nɛra aa dɛ ɛ wechɔɡa la, o laa sie kpɔ ba be. A fe chɛ kɛ ó tɛr nɛwɛnyini deŋne, kɛ o lawɛ bambile.

Tɔn Pɔɔl Aa Chwerɛ Rom Tena 3:28

dɛkalkɛŋɔ ya sɛoh kɛŋɔ Yeesu Kristo yaradae taa a che Korowii ɡel nɛn ɛ nɛndɛɛɡe o wa ɛɛ su o siwi. Mmara ta teŋa aa ɡelɛ nɛn ɛɛ ɛ nɛndɛɛɡe o wa ɛɛ su Korowii siwi bwa.

Tɔn Pɔɔl Aa Chwerɛ Rom Tena 3:30

Korowii beŋkpoŋ ɡboo lole. Yeesu Kristo yaradae taa aa ba cheɡa ó ɡel Juu tena ɛ nɛndɛɛɡa ba waa su o siwi. O yaradae taa aa ba cheɡa ó ɡel nɛra baa wola Juu tena ɛɛ ɡe ɛ nɛndɛɛɡa ba waa su o siwi.

Galaasia 3:28

Anomanta, peɡra bɛlbwa toole he baah kpa. Juu tena oo, nɛra baa wola Juu tena ɛɛ yoo, yoma oo, deheɛre oo, haahna oo, baala oo, he bwa ɛ beŋkpoŋ Yeesu Kristo be pera.

Galaasia 6:12

Nɛra baa dɛ do heyaa ŋɔ hé teŋni he pena la, nɛra sie ta waa baa ɛ ɡɛ. Ba dɛ ɛ ɡɛ ásɛ Juu tena na dɛ bɛ ba yaradae baa yarada Yeesu Kristo daɡaɡre ta sewa waa koh dɛ́ hah ba.

Ɛfesos 2:11

Anomanta, hɛ́ɛ lii ɡɛ he fa aa doa la. He ta Juu tena ɛɛ, asɛ Juu tena baa dɛ maŋkura penteŋ la koh kɛ haa he pena teŋe dɛɛ nyiŋi he nyubaah. A ɛ nɛwɛnyini bwadabii we-ɛɛla.

Mmarare 10:16

Anomanta, hé ɡel he tea to ásɛ dɛ bɛ deŋnekpeɡ ɛ kpa.

Mmarare 30:6

Korowii haa dɛ tomɔ nɔ ɛɛ tɛ he ne he naanar bambidɛɛɡee, ásɛ hɛɛ nyinu he bambile bwa ne he hweera bwa ne, ásɛ dɛ ta so harɛ la ta dɛɛ la.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

Josua 5:2

A ɡɛ saŋ la, Korowii ŋɔ Josua be ŋɔ, “Gel bá kpɔ kwɛrboɔ loɡɛ keri, dɛ́ teŋni Israel tena baa wola ba pena teŋne la pena.”

Josua 5:4

Waa aa bala Josua ɛ ɡɛ waa nɔ laanee nɔ. Gɛ saŋ Israel tena aa ira le Ijipt harɛ ta dɛɛ ba la, ba bini baala baa tela ne laa yoi la kɛrɛdɛ bwa serewe ŋwɛnɛ ta pua hɛŋle ɡbo harɛ ta.