Mumpar 16:8 - mzwDBL

⁸ Korowii nyundua torome la bɔɔro ŋɔ, “Sarai tolo Heeɡa, leperaa hɛɛ kaalɔ?” Asɛ o ŋɔ, “Chwae n chwa le n nya Sarai be.”

Mumpar 16:8 Iomraidhean Croise

Mumpar 16:1

Abram haah Sarai ta bie lolɛ tɛo. Dɛ o dɔ tolo bɛl waa ɛ Ijipt te baa yerɔ Heeɡa o do o sie,

Mumpar 16:4

Abram lawɔ chɔ o kpoŋe tea. Heeɡa aa baa na kɛŋɔ o kpoŋe tea la, o hah Sarai dɛɛ nyiŋi o nyubaah.

Mumpar 16:9

Asɛ Korowii nyundua torome la ŋɔ o be ŋɔ, “Berɛ kaa o be dɛ́ kaa tomɔ.”

Mumpar 21:17

Belaa Korowii no bie la wii, asɛ o nyundua torome che nyundua ŋɔ Heeɡa be ŋɔ, “Heeɡa, bɔkwa waa dɛɛ hae nɔ? Bɛ ɔmɛ. Korowii no he bie la waa chɔ bela la wii.

Mumpar 3:9

Anee Korowii yerɛ baa la ŋɔ, “Lee he dɔɔ?”

Mumpar 4:10

Asɛ Korowii berɛ ŋɔ, “Ɛrɛɛ he ɛ waa aa do ken nɔɔ? He nime chal aa le harɛ la ta la dɛ baɡle kɛŋɔ he ɛ wechɔɡa a chɛ kɛŋɔ ń bɔe a kem.

1 Koranar 19:13

Elaeja aa no taa la la, o kpɔ batakaare tɔ sie dɛ le bwebɔɔ la bini ba che o nyoa. Asɛ taa bɛl le dɛ pɛɛro ŋɔ, “Elaeja, bɔkwaa hɛɛ ɛ bonɔ nɔ?”

1 Koranar 19:9

Waa tel bela la, o kaa jo bwebɔɔ bini chɔ jwaana. Belaa Korowii bol waa Elaeja be ŋɔ, “Elaeja, bɔkwaa hɛɛ ɛ bonɔ nɔ?”

2 Koranar 5:25

Ate, Gehasi berɛ la ka che o dɔɔ Elaesa sie. Elaesa bɔɔro ŋɔ, “Leperaa he leɔ?” Gehasi ŋɔ, “N dɔɔ, n ta bobɛlbwa laŋɛ.”

Wejereme 10:4

Dɛ kooro baah di he nɛɛ aa, bɛ ŋɔ he dɛ vɛh toma waa kpɔa do he nɔn ta. Bambile lawa ɛɛ won sɔɔh he wechɔɡa haa ɛa nyoa.

Sitɔɔla 19:17

Banjena la aa na hɔɔhra la bela bwɛɛ la tena aa dɛ cheme la, o bɔɔ ba ŋɔ, “Leperaa hɛɛ kaalɔ? Lee he leɔ?”

1 Samoɛl 26:19

N naa kooro, no men maa ɛ he bonɔɔ waa maa dɛ bol. Dɛ Korowiirii ɡela he fome siwi pa n nɛ aa, mɛɛ kpɔ saraha kwaa tɛo. Kɛ dɛ nɛwɛnyinii dɛɛ ɛ aa, Korowii nyotaahna laɡ ba. Dɛkalkɛ, ba doŋ mɛ le Korowii be o harɛ ta, n ka do harɛfale baa dɛ tomɛ voɡa ɡbo o ta.