Mumpar 16:5 - mzwDBL

⁵ Anee Sarai ŋɔ Abram be ŋɔ, “Henee ɡela Heeɡa dɛɛ ɛɛ mɛ la. Menee lawɛ n tolo tɛɛ, kɛ taraken waa bera jemɛ kɛŋɔ o kpoŋe tea la, o siwi aa men tɔɡɛ kpa. Korowiirii dɛ́ baɡle n ne hen naate waa ɛ wechɔɡa.”

Mumpar 16:5 Iomraidhean Croise

Mumpar 16:4

Abram lawɔ chɔ o kpoŋe tea. Heeɡa aa baa na kɛŋɔ o kpoŋe tea la, o hah Sarai dɛɛ nyiŋi o nyubaah.

Mumpar 31:53

Korowii ya nabaa Abraham ne Neehɔ aa tomɔ laanee dɛ́ bol ya baah waa dɛ́ pa bole.” Anomanta, Jekɔb ŋwɛɛ Korowii o mɛɛ Aesek aa ɔmɔ dɛ tomɔ la kɛŋɔ wɛɛ teŋɛ waa waa bola la taa.

2 Webena 24:22

Kooro Joas soh ɡɛ Sekaria mɛɛ sɔfo Jehoiada aa chao la, dɛ ɡarɛ kpo Sekaria. Waa chɔa dɛɛ sewɛ la o ŋɔ, “N dɛ soŋe kɛ Korowii na waa haa ɛa nɔ, dɛ́ bɔe a kem!”

Yela 35:23

Korowii maa dɛ tomɛ, ir nyu ne, dɛ́ yo tɛ mɛ.

Yela 43:1

N Naa Korowii, pa mɛ boldɛɛɡe, che n habɔɔ, dɛ́ bol n waa tɛ mɛ, nɛra baa wola hen Korowii tomɛ nɔ be, lɛɛ mɛ le nyosonteŋna, ne nyubinikpeɡ tena nɔn ta.

Yela 7:8

Henee bol nɛwɛnyina bwa waa dɛɛ pa bole. Nemenɛ Korowii, cha mɛ, dɛ́ bol n waa tɛ mɛ. He jemɔ kɛŋɔ n tea too.

Kaala 5:21

Asɛ ba ŋɔ Mosis wa be ŋɔ, “Korowiirii dɛ tɛr he deŋne kɛŋɔ haa ɡela kooro ne o nomonome hah yaa la. A deno do kɛŋɔ haa kpɔ keri do ba nɔɔra ta ŋɔ bá kpoo yaa ken.”

Jeremia 51:35

Hɔhɔrɔwa bɛlbwa yaa naa bwa dawɛ Babelɔn harɛ nɛra nɛ. Ya seo kembɔr bwa ɡure nɛra baa lɔ Babelɔn nyu ta.”

Sitɔɔla 11:27

N ta hen wechɔɡa ɛɛ, he tenee dɛɛ ɛɛ mɛ wechɔɡa, dɛ vɔrɔwe n yoi vɔrɔwa. N dɛ soŋe kɛŋɔ Korowii waa dɛ pa bole la pa waa aa lɔ Israel tena ne Amɔn tena baah ta nɔ bole fini.”

1 Samoɛl 24:16

Devid aa bol ɡɛ waa nɔ tonɛ la, Kooro Sɔɔl bɔɔro ŋɔ, “He taa nɔ naa, n bie Devid?” Asɛ Kooro Sɔɔl wi kohona.