Mumpar 16:4 - mzwDBL

⁴ Abram lawɔ chɔ o kpoŋe tea. Heeɡa aa baa na kɛŋɔ o kpoŋe tea la, o hah Sarai dɛɛ nyiŋi o nyubaah.

Mumpar 16:4 Iomraidhean Croise

Mumpar 16:3

Anomanta, o lawɛ Heeɡa tɛo. Dɛ Abram soɡe Keenan harɛ bene fi mɔɔ a ɡɛ waa nɔ chiɡ.

Mumpar 16:5

Anee Sarai ŋɔ Abram be ŋɔ, “Henee ɡela Heeɡa dɛɛ ɛɛ mɛ la. Menee lawɛ n tolo tɛɛ, kɛ taraken waa bera jemɛ kɛŋɔ o kpoŋe tea la, o siwi aa men tɔɡɛ kpa. Korowiirii dɛ́ baɡle n ne hen naate waa ɛ wechɔɡa.”

Mumpar 19:31

Belaa o binomoa la ŋɔ o nime be ŋɔ, “Name te ya mɛɛ dɛ hwɛɛh, asɛ baala toole harɛ nɔ ta bobɛlbwa dɛ ba mo yaa ya dɔ bii ɡɛ baa dɛ ɛa bobɛlbwa la.

Mumpar 21:9

Awola bɛl, Saara na Heeɡa waa le Ijipt harɛ la bie o ne Abraham aa lolɔ la kɛŋɔ, o ne o bie la aa dɛ hɛlɛ wɛɛ muɡli o baah.

Mumpar 30:4

Anomanta, o lawɔ tɛ Jekɔb o mo.

2 Samoɛl 6:16

Baa kpɔ Korowii Ne Nɛwɛnyina Fɔo Daka la dɛɛ jo Jerusalam Devid Bwɛjen la ta la, Kooro Sɔɔl bihaah Mikal aa cheɡɛ tokoro ta dɛ na Kooro Devid o sa dɛɛ hɛɡre la, o sie ta o nɛɛ lɛɛ, dɛ nyiŋu vah.

Sɛɡla 30:23

Ne haah nomɛlbwa aa wola on nyin o berɛ ba dɔ jaa, ne yomhaah waa lɛ haah waa lɔ o sie tolo jaa.

1 Kɔrent 4:6

Yabala, n kpɔ toma n ne Apolos aa ɛa la dɛ che a ta dɛ baɡle waa nɔ, ásɛ he no a mun dɛ́ jemɛ waa aa wera kɛŋɔ he ɛ. Ba chwerɛ Korowii Tɔn bini ŋɔ, He bɛ ɛ ɡarɛ ɡɛ baa chwera Korowii Tɔn bini la. He bɛ bane kpɔ ɡwaa bane dɛ́ɛ maŋkura he te.