Mumpar 15:9 - mzwDBL

⁹ Anee Korowii chaŋo ŋɔ, “Lawɛ nao ne booh dɛ pebal, a bini bɛlbwa waa di bene atoro, ne borɔnoma ne kulukuku bie ba tɛ mɛ.”

Mumpar 15:9 Iomraidhean Croise

Mumpar 15:10

Asɛ o lawɛ a ɡɛ kwaa waa baɡla la ba tɛo, dɛ pere a bɛlbwa bini anɛ, dɛ bila asɛ a peɡra la sie chaɡɛ dɔŋa. Kɛ jumbii la te, o ta a bini peɡre.

Mumpar 15:8

Belaa Abram bɔɔro ŋɔ, “Nemenɛ Korowii, ɛrɛɛ aa ba ɛɛ ń jemɛ kɛŋɔ n konee yɔ?”

Mumpar 22:13

Abraham ha sie nyiŋi, asɛ dɛ na pebal o nyeɡlare aa karɛ kaɡra ane ta o che. Asɛ o ka lawɔ dɛ kpoo, dɛ kpɔ chiɡ o bie la naa ta, dɛ fuh ɛ saraha tɛ Korowii.

Yela 50:5

Korowii berɔ ŋɔ, “N dɛ nyin kɛ n nɛra maa lee ba cheɡ tɛ n te boa ba nyoa, nɛra baa kpo kon ɛ saraha, a che tɛ fɔo n ne baa fɔwa la.”

Yelsom 2:12

Kpɔɡa dɛ fe harɛ ta bobɛlbwa, yela ɡoe saŋ telo name, asɛ bilore ɛɛ si harɛ ta bobɛlbwa.

Aesaya 15:5

N bambile dɛ wee mɛ Moab tena wa. Nɛra baa soɡe harɛ la ta chwao kaa Soar, hale dɛ ka tel Eɡlat Sɛleseya. Bane teehnɔ kaa Luhit, baa dɛ kaa la bwa, dɛ ba ne wii. Bane chwao kpɔ Horonaim ŋwɛnɛ dɛɛ wi ba chɔɡa wa.

Lewi Dea Tena 1:10

Dɛ nomɛlbwa saraha kon ɛ kondɛɛre kɛŋɔ pee, kɛɛ booh naa, o ɛ ombal waa wola kirihiah bɛlbwa dii.

Lewi Dea Tena 1:14

Dɛ saraha kon baa fuuh la ɛ kena te aa, naate kpɔ kulukuku kɛɛ borɔnoma.

Lewi Dea Tena 1:3

Dɛ nawee wɛɛ ba kpɔe dɛ ɛ saraha baa fuh tɛ mɛ naa, ó lawɛ ombal waa wola kirihiah bɛlbwa dii. N Dea Cheremibɔr doonyoa belaa ó che dɛ́ kpɔ ba tɛ mɛ ásɛ n lɛ.

Lewi Dea Tena 12:6

Tɔpere baa laa doŋa kpɔ o nɛɛ habɔɔ la, dɛ bibaalee kɛɛ bihaahnee yaa, haah la ɛɛ kpɔ pebie waa di benanyoa ba tɛ sɔfo n Dea Cheremibɔr doonyoa bela, ásɛ o kpɔ ɛ saraha baa dɛ fuah tɛ men Korowii, kɛɛ dɛ wechɔɡa kpɔe dɛ kɛ saraha ɡe yaa, ó kpɔ borɔnoma kɛɛ kulukuku ba.

Lewi Dea Tena 12:8

Dɛ haah la aa won dɔ pebie aa, ó nyin borɔnomare anɛ kɛɛ kulukukure anɛ dɛ́ kpɔ bɛl ɛ saraha baa fuh tɛ mɛ, dɛ́ berɛ kpɔ onɔ la ɡe ɛ wechɔɡa kpɔe dɛ kɛ saraha. Gɛɛ sɔfo la ɛɛ ba ɛɛ dɛ́ soŋe naate wechɔɡa n be, ásɛ o doŋa bwa le o nɛ.”

Lewi Dea Tena 14:22

dɛ́ berɛ kpɔ borɔnomare anɛ kɛɛ kulukukure anɛ a bini bɛlbwa waa dɛ ba wona dɔ ba, dɛ́ kpɔ beŋkpoŋ ba ɛ wechɔɡa kpɔe dɛ kɛ saraha, ásɛ bɛl la ɡe che tɛ saraha kon baa fuah.

Lewi Dea Tena 14:30

O ɛ ɡɛ tonaa, wɛɛ won kpɔ borɔnomare la kɛɛ kulukukure naate la aa dɛ ba wona kpɔ ba ɛ saraha la,

Lewi Dea Tena 3:1

Korowii berɔ ŋɔ, “Dɛ nomɛlbwa kpɔ nao ba, dɛ́ ba ɛ deŋnesɔɔhna saraha tɛ mɛ naa, ó lawɛ ombal kɛɛ onnee waa wola kirihiah bɛlbwa dii, dɛ́ kpɔ ba n sie.

Lewi Dea Tena 3:6

Dɛ nomɛl lawɛ pee kɛɛ booh dɛɛ ba ba ɛ deŋnesɔɔhna saraha tɛ mɛ naa, ó lawɛ ombal kɛɛ onnee waa wola kirihiah bɛlbwa dii.

Lewi Dea Tena 9:2

Mosis ŋɔ Arɔn be ŋɔ, “Lawɛ nabale ne pebal a bini bɛlbwa aa wola kirihiah dii ba Korowii sie. Ásɛ nao la ɛ wechɔɡa kpɔe dɛ kɛ saraha kon, ásɛ pee la ɡe hé kpɔ ɛ saraha baa fuuh.

Lewi Dea Tena 9:4

ne nabal dɛ pebal ba ɛ deŋnesɔɔhna saraha tɛ Korowii. Bá kpɔ noo koo mea saraha ta dɛ́ kpɔa ja ba tɛ Korowii. Hé ɛ ɡɛ dɛkalkɛ fini Korowii dɛ́ ba he be.”

Amanesoma Luk Aa Chwera Tɔn 2:24

Ba laŋɔ asɛ dɛ ka ɛ saraha tɛ Korowii ɡɛ Mmara la aa baɡla ŋɔ bá kpɔ borɔnomare anɛ, kɛɛ kulukukure anɛ la Korowii Dea dɛ́ ka jaamo la.