Mumpar 15:8 - mzwDBL

⁸ Belaa Abram bɔɔro ŋɔ, “Nemenɛ Korowii, ɛrɛɛ aa ba ɛɛ ń jemɛ kɛŋɔ n konee yɔ?”

Mumpar 15:8 Iomraidhean Croise

Mumpar 15:9

Anee Korowii chaŋo ŋɔ, “Lawɛ nao ne booh dɛ pebal, a bini bɛlbwa waa di bene atoro, ne borɔnoma ne kulukuku bie ba tɛ mɛ.”

Mumpar 28:4

Onee dɛ́ che he ne he naanar mun ta, ɡɛ waa cheɡɛ Abraham mun ta la, ásɛ harɛ nɔ yaa ɛ hɔɔhra o ta Korowii kpɔ tɛ Abraham nɔ ɛ he kon.”

Mumpar 50:24

Josef ŋɔ o dɔɔranar la be ŋɔ, “N dɛ́ ba sewa, kɛ Korowii ɛɛ nyiŋi he nɛɛ ásɛ dɛ kpɔ heyaa le harɛ nɔ ta kaa harɛ waa baɡɛ Abraham ne Aesek ne Jekɔb nyoa la ta.”

2 Koranar 20:8

Dɛ Kooro Hɛsɛkea fa bɔɔ Aesaya kɛŋɔ, “Bɔkwaa Korowii ɛɛ ba ɡela ń na, dɛ́ jemɛ kɛŋɔ wɛɛ chaah mɛɛ, ásɛ a tɔpetooro wee ń la Korowii Dea ɔ?”

Yela 86:17

Gel n na waane, á baɡle kɛŋɔ he waa wer tɛ mɛ, ásɛ n dɔma na sihiih kpo ba, dɛkalkɛ henee cha mɛ dɛ larawe n bwara.

Aesaya 7:11

“Soŋe Korowii háa dɛ tomɔ dɛ́ na waane, hale dɛ le lalabwɛɛ kɛɛ nyundujaɡla, á baɡle waa nɔ kasinteŋ.”

Jeremia 34:18

Baala baa wola n ne ba fɔo yaa fɔwa ta teŋɛ la, mɛɛ ɛɛ baa kɛŋɔ ba yon fɔwɛ fɔo dɛ́ pere nabale bini anɛ, ásɛ dɛ valɛ kpɔ o baah ta kaa la ken.

Jeremia 34:19

Juda ne Jerusalam dɛ koodem nomonome, ne sɔfore dɛ harɛ la ta nɛra bwa n ne baa fɔwɛ fɔo ba valɛ kpɔ nabale baa pere o bini anɛ baah la,

Amanesoma Luk Aa Chwera Tɔn 1:18

Belaa Sekaria bɔɔ nyundua torome la ŋɔ, “Ɛrɛɛ hɛɛ ba ɛɛ n jemɛ kɛ ɡɛ waa nɔ ɛ kpela ɔ? Dɛkalkɛŋɔ n ne n haah bwa hwɛɛhrɔ.”

Amanesoma Luk Aa Chwera Tɔn 1:34

Anee Mɛɛre ŋɔ nyundua torome la be ŋɔ, “Maa wola baa jemɛ mɔɔ nɔ, ɛrɛɛ waa nɔ ɛɛ ba ɛɛ dɛ́ won maɡre ɔ?”