Mumpar 15:6 - mzwDBL

⁶ Belaa o yarada Korowii, asɛ Korowii che o yarada ta dɛ lɛo kɛ nɛndɛɛɡe o waa su o siwi.

Mumpar 15:6 Iomraidhean Croise

Nehemia 9:8

He nao kɛŋɔ o waa dɔ kasinteŋ tɛɛ, asɛ he ne o fɔwɛ fɔo. He baɡɔ nyoa kɛŋɔ hɛɛ kpɔ Keenan ne Hiti ne Amɔre, ne Pɛrɛs ne Jebus, dɛ Girɡasi tena harɛree tɛ o naanar ba so a ta. He teŋɛ he nyobaɡa ta, dɛkalkɛ he waa dɔ kasinteŋ.

Yela 106:31

Nɛra lii waa waa ɛa la kɛŋɔ waa aa toɡra, a chɔ le baa liira saŋ bɛlbwa dɛɛ la.

Tɔn Pɔɔl Aa Chwerɛ Rom Tena 4:11

O pen teŋa la ɛ we-ɛɛle bɛl waa dɛ baɡle kɛŋɔ o yarada waa o won ɛ nɛndɛɛɡe o waa su Korowii siwi, dɛ baɡle kɛŋɔ waa wola teŋe mɔɔ la, dɛ o waa su Korowii siwi. Nɛra baa wola Juu tena ɛɛ, baa wola pen teŋe dɛɛ yarada Korowii asɛ o lɛɛ ba kɛ nɛndɛɛɡa ba waa su o siwi la, ba mɛɛɛ Abraham.

Tɔn Pɔɔl Aa Chwerɛ Rom Tena 4:9

A ɡɛ som nae nɔ Devid aa bol o waa nɔ, dɛ Juu tena aa dɛ teŋe pena nɔ, ba ɡboo dɛɛ ba som nae yaa, kɛ nɛra baa wola pena teŋe bwaa o ŋɔ? Too, baa baɡla Korowii Tɔn bini ŋɔ, “Abraham yarada taa a che asɛ o waa su Korowii siwi” nɔ,

2 Kɔrent 5:19

Korowii cheɡɛ Yeesu Kristo nɛɛ dɛ kwaa o ne nɛwɛnyina baah, dɛ laɡ ba dɛɛ pɛl o te, waa wola ba wechɔɡa nyiŋi. Yanee o kpɔ o waa tɛ ŋɔ yá baɡle ɡɛ waa kwaa o ne ba baah, dɛ́ laɡ ba ásɛ o ne ba pɛ.

Hibru 11:8

Yarada taa a che Korowii aa le Abraham ŋɔ ó kaa harɛ waa baɡɔ nyoa la ta la, o le dɛ kaa. Waa dɛ kaa la, dɛ waa bela waa dɛ kaa jemɛ.

Jems 2:23

Belaa Korowii Tɔn waa la ɛ kpela kɛŋɔ baa ŋɔa ŋɔ, “Abraham yarada Korowii, asɛ o yarada nomanta, Korowii ŋɔ o ɛ nɛndɛɛɡe o waa su o siwi” la. Dɛ ba dɛ yerɔ Korowii dam.