Mumpar 15:5 - mzwDBL

⁵ O nao kɛŋɔ Korowii aa lawɔ le buse dɛ ka ŋɔ, “Ha sie nyiŋi nyundua, dɛ́ na ɡɛ weweela aa wara, hɛɛ won kura aa? Gɛɛ mɛɛ ba ɡela he naanar warɛ.”

Mumpar 15:5 Iomraidhean Croise

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Mumpar 13:16

Mɛɛ ɡeloo he naanar warɛ kɛŋɔ hɛŋle ken, nomɛlbwa aa wola won jemɛ ba nyoa bwa.

Mumpar 16:10

Korowii nyundua torome la berɔ ŋɔ o be ŋɔ, “Mɛɛ ɡeloo he naanar warɛ, nɛn aa wola won kur ba.”

Mumpar 17:2

Mɛɛ ɡeloo n ne he baah fɔo la che, ásɛ he ne he naanar warɛ kohona.”

Mumpar 22:17

mɛɛ tɛɛ hɛɛra tentenee. Mɛɛ ɡeloo he naanar warɛ kɛŋɔ weweela ne mpo nyoa hɛŋle. He naanar ɛɛ yoo lɛ ba dɔma bwɛɛre dɛɛ di a kpeɡri,

Mumpar 26:4

Mɛɛ ɡeloo he naanar warɛ kɛŋɔ weweela, dɛ́ kpɔ harɛre nɔ bwa tɛɛ ba. He naanar nɛɛ aa ba cheɡa harɛ nɔ ta nɛra bwa dɔ hɛɛra.

Mumpar 28:14

He naanar ɛɛ warɔɔ kɛŋɔ harɛ nɔ ta teera, dɛ́ yɛɛ kaa harɛ nɔ ta bobɛlbwa. He ne he naanar nɛɛ aa ba cheɡa, ásɛ n swee andɛɛɡa tɛ harɛ nɔ ta nɛra bwa.

Mumpar 32:13

Jekɔb chɔ bela awola jwaana la bwa, asɛ dɛ chale o kondɛɛra la bini ane dɛ́ kpɔ ka tɛ Esɔ.

1 Koranar 3:8

He bonɔɔ ja nɛndamanta haa lee ba tɛ he te baa wola nyoa dɔe bini bonɔ.

1 Webena 27:23

Kooro Devid ta baala baa wola bene fifraanɛ tele la kure, dɛkalkɛ Korowii baɡɛ nyoa ŋɔ wɛɛ ɡeloo Israel tena warɛ kɛŋɔ weweela ken.

Nehemia 9:23

He tɛɛ ba bii ba warɛ kɛŋɔ weweela ken, dɛ ɡel ba yo nɛra dɛ pɔ ba nɛ, dɛ so harɛ haa baɡɛ ba naawa ŋɔ hɛɛ kpɔɔ tɛɛ ba la ta.

Job Tɔn 35:5

Hé nyiŋi nyundua na, hé ha sie nyiŋi jeiih ɡɛ baama aa kaa nyundua.

Yela 147:4

Onee ta weweela dɛ jemɛ a nyoa, dɛ pa bɛlbwa sɔn.

Kaala 32:13

Lii he bonɔɔna Abraham ne Aesek dɛ Jekɔb baa tomɛ la wa. He ŋwɛɛ he ɡbaɡba, dɛ baɡ ba nyoa ŋɔ hɛɛ ɡeloo ba naanar mun ya kɛŋɔ weweela, ásɛ dɛ tɛɛ ba harɛ la bwa haa ŋɔa hɛɛ kpɔɔ tɛɛ ba laanee ó ɛ ba kon saŋ bɛlbwa dɛɛ la.”

Aesaya 51:2

Hé lii he nabaa Abraham, ne Saara haa le ba bini la wa. Maa yerɛ Abraham dɛ o ta bie dɔe, asɛ n swee andɛɛɡa tɛo dɛ́ ɡel o naanar warɛ.

Jeremia 33:22

Mɛɛ ɡeloo n bonɔɔ Devid naanar, ne Lewi dea tena baa ɛ n Dea sɔfore mun ya kohona, ásɛ ba bɛ won kur ba, kɛŋɔ baa wola won kure weweela kɛɛ mpo nyoa hɛŋle la.”

Tɔn Pɔɔl Aa Chwerɛ Rom Tena 4:18

Dɛ Abraham dɛ yarada Korowii dɛɛ hwɛɡɛ o nɛɛ ɡe. Dɛ waa nɛn aa wola Korowii yarada a ta la, dɛ o te dɛ yaradao. A taa a che o ɛ nɛnfuuh bwa mɛɛ, ɡɛ Korowii aa ŋɔ o be ŋɔ, “He naanar ɛɛ warɔɔ” la.

Mmarare 1:10

Korowii he naawa aa tomɔ ɡelɔ taraken he mun ya dɛ warɛ kɛŋɔ weweela ken.

Mmarare 10:22

He naawa ba fa aa kaa Ijipt harɛ ta la, dɛ ba lɔ nɛra fifraanuanɛ ɡbo. Kɛ taraken Korowii ɡelɔ he mun ya he warɛ kɛŋɔ weweela ken.”

Hibru 11:12

Abraham aa hwɛɛhra waa wola kpeɡe kpa la, o wono lolɛ, asɛ o naanar ɡe ya, dɛ warɛ kɛŋɔ weweela kɛɛ mpo nyoa hɛŋle ken.

Josua 24:3

Asɛ n lawɛ he nabaa Abraham le Yufretis Moo la baŋ bela, dɛ tɔ o sie ba o ne Keenan harɛ ta, dɛ swee andɛɛɡa tɛo o dɔ naanar warɛ. O lolɛ Aesek,