Mumpar 15:2 - mzwDBL

² Anee Abram ŋɔ, “Nemenɛ Korowii, bɔkwa konee hɛɛ ba kpɔe tɛ mɛ ó ɡwaa kɛŋɔ maa wola bie lolɛ bwa nɔɔ? N bonɔɔ Eliesa waa le Damaskɔs laanee dɛɛ ba n kapɛrɛ dii.

Mumpar 15:2 Iomraidhean Croise

Mumpar 14:15

Bɔr aa joa la, Abram bɔne o bonɔɔna la bini kuore ta, asɛ ba ka yo nɛra la dɛ pɔ ba nɛ. Ba doŋ ba ɡɛ naaa dɛ ka tel bobɛl baa dɛ yerɛ bela Hoba waa lɔ Damaskɔs weekaŋle nyunduabɔr.

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

Mumpar 15:3

He nao kɛŋɔ he ta men bie tɛɛ anomanta, n bonɔɔna la bini bɛlee dɛ́ di n kapɛrɛ.”

Mumpar 24:10

Belaa bonɔɔ la kpɔ o nomoa nyoɡmare fi, dɛ kpɔ nomoa la laaladɛɛɡa bwa soo siwi ja, dɛ chiɡ ŋwɛnɛ ta kaa Neehɔ bwɛ, Mɛsopoteemea harɛ ta.

Mumpar 24:2

Asɛ o ŋɔ o bonɔɔna bwa nomoa waa dɛ nyiŋi o komɛlbwa ta dem bela la be ŋɔ, “Gɔɔ nɔɔra nyundua,

Mumpar 25:21

Dɛ hambaraa. Asɛ Aesek soŋe Korowii o haah Rebɛka kpoŋe tea.

Mumpar 39:9

Nomɛlbwa toole dɛ dɔ kpeɡri n nɛɛ dem bonɔ nemenɛ on. O ta komɛlbwa ɡe waa lɔ dem bonɔ kpɔe sɔɔh mɛ, nemenɛ he ɡbosoroo dɛkalkɛ o haahnee hen. Ɛrɛɛ mɛɛ ba wona ɛ a ɡɛ wechɔɡa nɔ dɔŋa dɛ́ jo Korowii nɛɔ?”

Mumpar 43:19

Anomanta, baa tel dem la doonyoa la, ba ŋɔ bonɔɔ la be ŋɔ,

Mumpar 44:1

Josef ŋɔ bonɔɔ waa dɛ nyiŋi dem bela la be ŋɔ, “Do kondikwaa baala nɔ bɔɡtɔre bini a suuɡi, ásɛ dɛ kpɔ bɛlbwa suuɡa vɔwɛ o bɔɡtɔ nyoa.

Yela 127:3

Bii ɛ kwaa Korowii aa swee nɛra andɛɛɡa, dɛ kpɔ dɛɛ kɛ ba.

Sɛɡla 13:12

He hwɛɡɛ kon ta, dɛ he ta dɔe yaa, he bambilee dɛɛ chɔɡ, kɛ he hwɛɡɛ komɛl ta dɛ dɔ aa, he sie dɛ lɛ.

Sɛɡla 17:2

Yom waa jemɛ waa la, dɛ nyiŋi o dɔɔ bie o wa aa wola kɛrɛdɛ doe nɛ, o dɛ dɔ kapɛrɛ kwaa aa ɛ bii la kwaa la ane.

Aesaya 17:1

Waa aa chiɡ bwɛjen Damaskɔs Korowii bol baɡle Aesaya chaahna ta laanee nɔ. “Damaskɔs aa bwɛjen ɛɛ ba kpa, wɛɛ ba chɔɡoo dɛ́ berɛ dimɡbia chɔ.

Aesaya 56:5

baa dɔ komɛl waa ɡwaa bibaala ne bihaahnaa. Mɛɛ ɡeloo ba sɔn ka n Dea, dɛ́ do le saŋ bɛlbwa, bá kpɔ dɛɛ liiru.”

Jeremia 49:23

Korowii bol bwɛjen Damaskɔs tena waa dɛ ŋɔ, “Bwɛjena Hamat ne Aapad tena liire chɔɡɔ, dɛkalkɛ ba ta amanesoma noɛ. Ba bambile dɛ wure kɛŋɔ mpo nehɛma aa taa dɛɛ kaa bobɛlbwa ken.

We-ɛɛla 7:5

A ɡɛ saŋ la, Korowii ta harɛ la pera teŋe tɛ Abraham kɛŋɔ ó ɛ o ɡe kon nɔ. O ta naɡale beŋkpoŋ del kwara teŋe tɛo. Kɛ Korowii baɡɔ nyoa ŋɔ wɛɛ kpɔɔ tɛo, ásɛ harɛ la ɛ o ne o naanar kon. A ɡɛ saŋ la Korowii aa baɡɛ Abraham nyoa nɔ la, dɛ o ta bii dɔe mɔɔ.

Rut Tɔn 2:6

Anee o chaŋe ŋɔ, “Bitolo bɛl waa le Moab harɛ ta dɛ teŋɛ Naomi nɛɛ ba laanee.

1 Samoɛl 1:11

Belaa Hana baɡɛ Korowii nyoa ŋɔ, “Nemenɛ Korowii, na n sum, bɛ n waa soh. No he tolo wa, dɛ́ tɛ mɛ bibaa, ásɛ n leo cheɡ tɛɛ o soɡa bini bwa, baa o nyumpon beŋkpoŋ kwaraa fonɛ bwa.”