Mumpar 15:18 - mzwDBL

¹⁸ Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

Mumpar 15:18 Iomraidhean Croise

Mumpar 12:7

Belaa Korowii ba Abram be dɛ ba ŋɔ, “Harɛ nɔɔ mɛɛ ba kpɔe tɛ he naanar.” Anomanta, Abram pa bwea dawɛ dɔŋa nɛ bobɛl, dɛ kwaa saraha kon dɛ kpoo kwaa dɛɛ tɛ Korowii bela, kpɔe Korowii aa kpɔ o te baɡlo la wa.

Mumpar 13:15

A ɡɛ harɛ nɔ bwaa mɛɛ ba kpɔe tɛ he ne he naanar ó den ɛ he kon saŋ bɛlbwa dɛɛ la.

Mumpar 2:14

O kpal toorote la sɔne Tiɡris Moo. O palɔ dɛɛ kaa Asiiria harɛ wee leebɔr pera. Asɛ naarɛte la sɔne Yufretis Moo.

Mumpar 24:7

Dɛ berɛ ŋɔ, “Korowii Waa Dɛ Di Kora Nyundua laanee kpɔ mɛ le n mɛɛ dem ne harɛ baa lol mɛ o ta la ta, dɛ ŋwɛɛ baɡ mɛ kɛŋɔ n naanaree wɛɛ ba ɡɛ harɛ nɔ kpɔe tɛ. Wɛɛ ɡeloo o nyundua torome tɔ he sie, ásɛ he won ka dɔ haah ba tɛ n bie nɔ.

Mumpar 26:4

Mɛɛ ɡeloo he naanar warɛ kɛŋɔ weweela, dɛ́ kpɔ harɛre nɔ bwa tɛɛ ba. He naanar nɛɛ aa ba cheɡa harɛ nɔ ta nɛra bwa dɔ hɛɛra.

Mumpar 28:4

Onee dɛ́ che he ne he naanar mun ta, ɡɛ waa cheɡɛ Abraham mun ta la, ásɛ harɛ nɔ yaa ɛ hɔɔhra o ta Korowii kpɔ tɛ Abraham nɔ ɛ he kon.”

Mumpar 35:12

Harɛ maa kpɔa baɡɛ he nabaa Abraham ne he mɛɛ Aesek nyoa la, he ne he naanar baa ka ba habɔɔ laanee mɛɛ ba kpɔe tɛ.”

Mumpar 50:24

Josef ŋɔ o dɔɔranar la be ŋɔ, “N dɛ́ ba sewa, kɛ Korowii ɛɛ nyiŋi he nɛɛ ásɛ dɛ kpɔ heyaa le harɛ nɔ ta kaa harɛ waa baɡɛ Abraham ne Aesek ne Jekɔb nyoa la ta.”

2 Samoɛl 23:5

Gɛɛ Korowii ɛɛ ba n naanar andɛɛɡa sweera, dɛkalkɛ n ne o fɔwɛ fɔo waa do le saŋ bɛlbwa dɛɛ la, fɔo waa wola chɔɡ bwa, nyobaɡa waa wola charɛ. Waa bwa maa dɛ nyin laanee la, Korowiirii dɛ́ ɡel a bwa ɛ ɡɛ dɛ́ tɛ mɛ.

2 Samoɛl 8:3

Belaa Kooro Devid berɛ ka yo Rehob bibaa Soba Kooro Hadadesa, ɡɛ saŋ waa la Yufretis Moo nyoa dɛ ka lɛ bela harɛ ba do o lɔɡa ja la.

1 Koranar 4:21

Kooro Solomɔn harɛ waa di kora o ta la le Yufretis Moo ta, dɛ kaa Filisti tena harɛ, dɛ ka le Ijipt harɛ jwɛh ta. Dɛ ɡɛ harɛre la bwa nɛra kpɔ harɛ la ta kwaa baa tɛo, dɛ kpɔ ba te do o lɔɡa ɡɛ saŋ waa di kora bwa.

1 Koranar 5:1

Dɛ Taaya Kooro Hiram chamenatee Kooro Devid, anomanta, waa noa kɛŋɔ ba cheɡ Solomɔn kora o so o mɛɛ Kooro Devid buɡ ta la, o tomɛ o nomonome ba ba na Kooro Solomɔn.

1 Webena 16:16

Fɔo o ne ya naa Abraham aa fɔwa, ne nyoa waa baɡɛ Aesek la.

1 Webena 5:9

Harɛ la wee leebɔr, ba soɡo ka le pua hɛŋle ɡbo harɛ ta dɛ kaa Yufretis Moo ta, dɛkalkɛ dɛ ba kondɛɛra yao Gelead harɛ ta.

2 Webena 7:8

Kooro Solomɔn ne Israel tena la bwa di Kukure Tɔpejen la tɔpera anuanɛ. Nɛnlaa tenten le ŋwɛnɛ bɛl waa chɔa kaa bwɛjen Hamat waa lɔ weekaŋle nyunduabɔr, ne Ijipt harɛ jwɛh ta waa lɔ weekaŋle harɛbɔr dɛ ba.

2 Webena 8:7

Nɛra baa kaa dɛ le Hiti ne Amɔre, ne Pɛrɛs ne Hivi, dɛ Jebus tena bini, ba ta Israel tena ɛɛ la,

2 Webena 9:26

Dɛ onee nomoa koranar baa le Yufretis Moo ta kaa Filisti tena harɛ ta, dɛ ba le Ijipt harɛ jwɛh ta bwa nɛ.

Ɛsra 4:20

Koranar baa kpeɡa Jerusalam di kora dɛ nyiŋi harɛ waa chɔ Yufretis Moo wee cholibɔr baŋ le bwa ta, dɛ ɡel ba bɔ toɔre dɛ lɛ harɛ la kwaa baa tɛɛ ba.

Nehemia 9:8

He nao kɛŋɔ o waa dɔ kasinteŋ tɛɛ, asɛ he ne o fɔwɛ fɔo. He baɡɔ nyoa kɛŋɔ hɛɛ kpɔ Keenan ne Hiti ne Amɔre, ne Pɛrɛs ne Jebus, dɛ Girɡasi tena harɛree tɛ o naanar ba so a ta. He teŋɛ he nyobaɡa ta, dɛkalkɛ he waa dɔ kasinteŋ.

Yela 105:11

O ŋɔ, “He ne he naanaree mɛɛ ba Keenan harɛ kpɔe tɛ, ó ɛ he kapɛrɛ kon.”

Kaala 13:11

Korowii baa kpɔ heyaa ba Keenan harɛ ta, dɛ kpɔ tɛ heyaa ɡɛ waa ŋwɛɛra dɛ baɡɛ he ne he naawa nyoa la tonaa,

Kaala 2:24

Korowii no ba wii, dɛ lii fɔo o ne Abraham ne Aesek dɛ Jekɔb aa fɔwa la wa.

Kaala 23:23

N nyundua torome ɛɛ tɔ he siee, dɛ́ ba he ne Amɔre ne Hiti, ne Pɛrɛs ne Keenan ne Hivi, dɛ Jebus tena harɛ ta. Mɛɛ kpo ba bwaa harɛ la ta.

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Kaala 32:13

Lii he bonɔɔna Abraham ne Aesek dɛ Jekɔb baa tomɛ la wa. He ŋwɛɛ he ɡbaɡba, dɛ baɡ ba nyoa ŋɔ hɛɛ ɡeloo ba naanar mun ya kɛŋɔ weweela, ásɛ dɛ tɛɛ ba harɛ la bwa haa ŋɔa hɛɛ kpɔɔ tɛɛ ba laanee ó ɛ ba kon saŋ bɛlbwa dɛɛ la.”

Kaala 34:11

Hé nyiŋi kɛrɛdɛ dɛɛ teŋɛ waa maa dɛ do heyaa a ta fini nɔ ta. Mɛɛ doŋi Amɔre ne Keenan ne Hiti ne Pɛrɛs ne Hivi dɛ Jebus tena he siwi taa dɛ́ le harɛ nɔ ta.

Kaala 34:24

Mɛɛ doŋi harɛre nɛra baa lɔ he siee, dɛ́ kpɔ ba harɛre ja he kon ta o berɛ do kan. Hé iro dɛɛ ba men Korowii sie kera atoro la aa, nomɛlbwa aa lii kɛŋɔ wɛɛ ba yo heyaa dɛ́ lɛ he harɛ.

Kaala 6:4

Asɛ n ne ba fɔwɛ fɔo kɛŋɔ mɛɛ kpɔ Keenan harɛ baa soɡe o ta kɛŋɔ hɔɔhra laanee tɛɛ ba ó ɛ ba kon.

Kaala 6:8

N baɡɛ Abraham ne Aesek dɛ Jekɔb nyoa kpeɡri nɛ harɛ maa ŋɔa mɛɛ kpɔɔ tɛɛ ba la wa. Mɛɛ kpɔɔ tɛ heya ó ɛ he kon pi. Men Korowii bola.’ ”

Aesaya 27:12

Awola tɔpere la, Korowii ɛɛ boa o nɛra nyoa le Yufretis Moo, dɛ kaa Ijipt harɛ jwɛh ta, dɛ lɔɔ ba kɛŋɔ mea ken, dɛ́ tɔɔ Israel tena beŋkpoŋa beŋkpoŋa pɛ.

Aesaya 55:3

Hé cheɡ deŋne, dɛ́ ba n be, hé no n be, ásɛ dɛ dɔ mkpa. N ne hɛɛ fɔwɛ fɔwee o do le saŋ bɛlbwa dɛɛ la, ɡɛ maa baɡɛ Devid nyoa ŋɔ, mɛɛ dɛɛ nyin o waa kasinteŋ nee la.

Jeremia 32:22

He kpɔ harɛpare ondɛɛɡe waa do ken nɔ tɛɛ ba, ɡɛ he fa aa baɡɛ ba naawa nyoa la.

Jeremia 32:40

N ne baa fɔwɛ fɔwee ó chɔ le saŋ bɛlbwa dɛɛ la. Maa wedɛɛɡa maa ɛɛ ba ɡel bwa, mɛɛ kpɔ n ɔmaa do ba bini, ásɛ ba bɛ habɔɔ berɛ kpo mɛ kpa.

Lewi Dea Tena 26:42

belaa mɛɛ ba ń lii n fɔo n ne Jekɔb ne Aesek dɛ Abraham aa fɔwa la wa, ásɛ dɛ kpɔ harɛ maa baɡ ba nyoa la tɛɛ ba.

Lewi Dea Tena 26:45

Mɛɛ koh ba waa, dɛ́ lii n ne ba naawa fɔo yaa fɔwa la. Gɛ maa ɡela harɛre na n kpeɡri, dɛ lawɛ n nɛra le Ijipt harɛ ba siwi ta la wa. Men Korowiirii bola.”

Nɛra Kura 34:5

Belaa wɛɛ ba ɡola le Asmɔn dɛ́ kaa Ijipt Fɛlembɔjen jwɛh ta, dɛ́ ka jaɡɛ Mɛdetereenea Mpo ta.

We-ɛɛla 7:5

A ɡɛ saŋ la, Korowii ta harɛ la pera teŋe tɛ Abraham kɛŋɔ ó ɛ o ɡe kon nɔ. O ta naɡale beŋkpoŋ del kwara teŋe tɛo. Kɛ Korowii baɡɔ nyoa ŋɔ wɛɛ kpɔɔ tɛo, ásɛ harɛ la ɛ o ne o naanar kon. A ɡɛ saŋ la Korowii aa baɡɛ Abraham nyoa nɔ la, dɛ o ta bii dɔe mɔɔ.

Mmarare 11:24

Bobɛlbwa haa kpɔ kaa la ɛɛ ɛ he konee. He harɛ ɛɛ le pua hɛŋle ɡbo harɛ la taa, dɛ́ kaa Lɛbanɔn dɛ́ berɛ le Yufretis Moo ta dɛ́ kaa wee cholibɔr Mɛdetereenea Mpo la ta.

Mmarare 12:20

Dɛ Korowii haa dɛ tomɔ nɔ baa ɡel he harɛre do kan ɡɛ waa baɡɛ nyoa ŋɔ wɛɛ ɛo, asɛ he pɛla lawɛ ol kohona naa, hɛɛ wonoo chwe saŋ bɛlbwa haa dɛ nyin.

Mmarare 19:8

Dɛ Korowii haa dɛ tomɔ nɔ baa ɡel he harɛ la do kan ɡɛ waa ŋwɛɛra baɡle he naawa, asɛ dɛ kpɔ harɛ la bwa tɛ heya aa,

Mmarare 34:4

Dɛ ŋɔ Mosis be ŋɔ, “Harɛ nɔɔ n kpɔ baɡɛ Abraham ne Aesek dɛ Jekɔb nyoa, ŋɔ mɛɛ kpɔɔ tɛɛ ba naanar la. N ɡelɔ hɛɛ nao te, kɛ maa ɡel he tel o ta.”

Mmarare 7:1

Mosis berɔ ŋɔ Israel tena la be ŋɔ, “Korowii haa dɛ tomɔ dɛ la he ne harɛ haa dɛ la ka so o ta ó ɛ he kon la ta naa, wɛɛ doŋi wobobele anuanɛ bwa nɛra baa kana dɛ do kpeɡri ɡwaa heyaa le ba harɛre ta tɛ heya. Banee Hiti ne Girɡasi ne Amɔre tena, ne Keenan ne Pɛrɛs ne Hivi dɛ Jebus tena.

Hibru 13:20

N dɛ soŋe Korowii waa ir ya Dɔɔ Yeesu seo ta la. Ya Dɔɔ Yeesu ɛ Peteɡrejen dɛɛ nyiŋi o peera ta. Seo o ɡbaɡba aa sɛah dɛ sewɛ la, a taa a che asɛ Korowii fɔwɛ fɔo waa wola pura dɔe bwa la.

Josua 13:3

dɛ kpɔ le Sehɔ Moo waa lɔ Ijipt wee leebɔr, dɛ ka tel Ekron tena jwɛh ta weekaŋle nyundua, a bwa lɔ Keenan harɛ ta. Dɛ Filisti tena koranar banue soɡe bwɛjena Gasa ne Asdɔd ne Askɛlɔn ne Gat dɛ Ekron, dɛ Avi tena ɡe harɛ.

Josua 15:4

Harɛ la berɔ chɔ ka le bwɛjen Asmɔn dɛ ka chiɡ nenabɔjeɡa bɛl waa lɔ Ijipt harɛ jwɛh ta, dɛ ka jaɡɛ Mɛdetereenea Mpo la nyoa. Belaa ɛ Juda dea tena harɛ jwɛh, weekaŋle harɛbɔr.

Wepila 9:14

O ŋɔ nyundua torome waa jaa numɛl dɛ dɔ bɛla la be ŋɔ, “Pur Bɔnsam toroma banaarɛ la baa vɔɡ ba Yufretis Moo nyoa la ta.”