Mumpar 14:12 - mzwDBL

¹² Dɛ Abram nime bie Lɔt soɡe Sodom. Ba lawɔ dɛ pa o laala bwa ɡe ja.

Mumpar 14:12 Iomraidhean Croise

Mumpar 11:27

Kenii Tɛɛra bwara waa do. Onee lolɛ Abram ne Neehɔ dɛ Haaran. Asɛ Haaran ɡe aa kpeɡa la, o lolɛ Lɔt.

Mumpar 11:31

Asɛ Tɛɛra kpɔ o bie Abram, ne o bibaa Haaran ɡe bibaa Lɔt, ne Sarai waa ɛ o hela dɛ ɛ o bibaa Abram haah la. Ba le Ur waa lɔ Kaldea harɛ ta la ŋɔ ba dɛ kaa Keenan harɛ ta. Baa bera ba tel Haran harɛ ta la, ba soɡe bela.

Mumpar 12:5

O kpɔ o haah Sarai ne o nime Haran bie Lɔt, ne ba bwara laala bwa ne nɛndɔɔla baa dɔɔ ba Haran bela la, asɛ dɛɛ kaa Keenan harɛ ta.

Mumpar 14:11

Belaa koranar banaarɛ la pa Sodom ne Gomoora tena laala bwa ne ba kondikwaare bwa dɛ kpɔ kaa.

Mumpar 14:14

Abram aa noa kɛŋɔ ba lawɛ o lole dɛɛ kaa o ne la, o kpɔ o dem bonɔɔna lafraatoro fi dɛ banuatoro baa dɔ laa wejema dɛ ti ba ka tel bwɛɛ bɛl baa dɛ yerɛ bela Dan.

Mumpar 14:16

Abram berɔ lɛ laala la bwa, ne o lole Lɔt ne o laala ne o haahna baa laɡ ba ja o nɛɛ la, dɛ nɛra bwa baa laɡ ba ja la, dɛ ba bane.

Job Tɔn 9:23

Wekpeɡa piɡro ba seo ne naa, Korowii dɛ mamɛ nɛn wobɛlbwa aa wola toole o nɛ.

Nɛra Kura 16:26

O kah nɛra baa cheme bela la ŋɔ, “Hé laa he te kpɔ nɛnchɔɡa nɔ tɛnte deene jwɛh! He bɛ ba komɛlbwa leɡe, ásɛ ba wechɔɡa maah heya, ásɛ he ne ba bwa bɛ pɛ serewe.”

Wepila 18:4

N berɔ no taa bɛl o le nyundua dɛ ŋɔ, “N nɛra, hé le o be. Maa nyin kɛ he ne o pɛ dɛ́ɛ ɛ wechɔɡa, dɛ́ pɛ na wahala maa dɛ ba ɡela o na la.

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.